பசிபிக் பெருங்கடலில் ஏற்பட்டுள்ள தீவிர ‘சூப்பர் எல் நினோ’ (Super El Niண்o) வானிலை மாற்றத்தின் காரணமாக, தமிழகத்தில் வடகிழக்கு பருவமழை காலத்தில் மிகக் கனமழையும், அதனைத் தொடர்ந்து கடுமையான வறட்சியும் ஏற்பட வாய்ப்புள்ளதாக தமிழ்நாடு வெதர்மேன் பிரதீப் ஜான் மற்றும் வானிலை வல்லுநர்கள் எச்சரித்துள்ளனர்.பயண வழிகாட்டிகளைப் படி
மத்திய பசிபிக் பெருங்கடலின் மேற்பரப்பு நீர் வெப்பநிலை இயல்பை விட சுமார் 3 டிகிரி செல்சியஸ் வரை அதிகரித்து, தீவிரமான ‘சூப்பர் எல் நினோ’ நிகழ்வாக உருவெடுத்துள்ளது. வரலாற்றுப் பதிவுகளின்படி, கடந்த 1997 மற்றும் 2015-ம் ஆண்டுகளில் நிகழ்ந்த தீவிர எல் நினோ காலங்களில் தமிழகத்திலும் சென்னை உள்ளிட்ட வட கடலோர மாவட்டங்களிலும் வழக்கத்தை விட மிக அதிக அளவிலான வடகிழக்கு பருவமழை பதிவாகி, வெள்ளப்பெருக்கு ஏற்பட்டது சுட்டிக்காட்டப்படுகிறது.
எதிர்வரும் அக்டோபர் முதல் டிசம்பர் வரையிலான வடகிழக்கு பருவமழை காலத்தில் வங்கக்கடலில் அடுத்தடுத்து பலத்த காற்றழுத்த தாழ்வு மண்டலங்களும் புயல்களும் உருவாக வாய்ப்புள்ளது. இதனால் சென்னை, திருவள்ளூர், காஞ்சிபுரம், செங்கல்பட்டு மற்றும் டெல்டா மாவட்டங்களில் நகர்ப்புற வெள்ளப்பெருக்கு ஏற்படும் அபாயம் உள்ளது. அதேவேளையில், தென்மேற்கு பருவமழை குறைவால் மேட்டூர் உள்ளிட்ட முக்கிய நீர்நிலைகளின் நீர்மட்டம் குறைந்துள்ளதும் கவலையை ஏற்படுத்தியுள்ளது.பா.ஜ.க செய்திகள்
பருவமழைக்குப் பிந்தைய காலத்தில், அதாவது 2027-ம் ஆண்டின் கோடை காலத்தில் நீடித்த கடுமையான வெயில், வெப்ப அலை மற்றும் நிலத்தடி நீர்மட்டம் சரிவு போன்ற வறட்சிப் பாதிப்புகள் ஏற்படக்கூடும் என எச்சரிக்கப்பட்டுள்ளது. நிலைமையை எதிர்கொள்ள, தமிழக அரசு வருவாய் நிர்வாக ஆணையர் தலைமையில் சிறப்பு வல்லுநர் குழுவை அமைத்து, முன்னெச்சரிக்கை மற்றும் நீர் மேலாண்மை நடவடிக்கைகளைத் தீவிரப்படுத்தியுள்ளது.
