36 வயதான ஃபெடெரிகோ வென்கோ என்ற நபர், ஒரு பெண்ணுக்கு உதவச் சென்றதால் தனது உயிரை இழந்தார்.
39 வயதான ஒரு பெண் தனது செல்போனை இழந்ததால், தன் நண்பரைச் சந்திக்க வேண்டிய இடத்திற்குச் செல்லும் வழியைத் தெரியாமல் தவித்தார். அதை பார்த்த ஃபெடெரிகோ, “நான் உங்களுக்கு வழிகாட்டுகிறேன்” என்று கூறி, தனது மோட்டார் சைக்கிளில் அந்தப் பெண்ணுடன் சென்றார்.
அந்த இடத்தில் அந்தப் பெண்ணின் 44 வயதான முன்னாள் காதலன் காரில் காத்திருந்தார். சில வாரங்களுக்கு முன்புதான் அவர்கள் பிரிந்திருந்தனர்.
அந்தப் பெண், அவரது சில பொருட்களைத் திருப்பிக் கொடுக்கவே அங்கு வந்திருந்தார்.
அந்த முன்னாள் காதலன், ஃபெடெரிகோவை அந்தப் பெண்ணின் புதிய காதலன் என்று தவறாக நினைத்தார்.
கோபத்தில் தனது காரால் ஃபெடெரிகோவின் மோட்டார் சைக்கிளை மோதினார். பலமாக மோதியதால் ஃபெடெரிகோ சாலையிலிருந்து தூக்கி வீசப்பட்டு, அருகிலிருந்த மரங்கள் நிறைந்த பகுதியில் விழுந்து உயிரிழந்தார்.
அதன் பிறகு, அந்த நபர் தனது முன்னாள் காதலியையும் தாக்கியதாகக் கூறப்படுகிறது. அங்கு இருந்தவர்கள் அவரைத் தடுத்து வைத்து, போலீசாரிடம் ஒப்படைத்தனர்.
போலீசார் அவரது காரை சோதனையிட்டபோது, ஒரு பெரிய கல்லும் திறந்த நிலையில் இருந்த ஒரு கத்தியும் கிடைத்தன. அவற்றை அவர் எதற்காக வைத்திருந்தார் என்பது இன்னும் தெரியவில்லை.
அவர் மீது திட்டமிட்டு கொலை செய்ததாக வழக்குப் பதிவு செய்யப்பட்டுள்ளது. அவர் மது அல்லது போதைப்பொருள் பயன்படுத்தியிருந்தாரா என்பதையும் போலீசார் விசாரித்து வருகின்றனர்.
ஃபெடெரிகோ தனது ஊரில் மிகவும் நல்லவராக அறியப்பட்டவர். குறிப்பாக, வயதானவர்களுக்கு உதவி செய்வதில் அவர் எப்போதும் முன்வந்தார்
