பிக் பாஸ் தி காமன்மேன் நிகழ்ச்சியை முத்துக்குமரன் இல்லை மாயா கிருஷ்ணன் தான் தொகுத்து வழங்கவிருக்கிறார். இந்நிலையில் தலைவி ஜூலியை அழைத்து வந்திருக்கலாம், வேற லெவலில் இருந்திருக்கும் என்று பிக் பாஸ் பார்வையாளர்கள் சிலர் தெரிவித்துள்ளனர்.
முக்கிய அம்சங்கள்:
பிக் பாஸ் மாயா: பிக் பாஸ் நிகழ்ச்சியின் 10வது சீசனை செப்டம்பர் மாதம் துவங்கவிருப்பது குறித்த மெகா அறிவிப்பு வந்தது. இந்நிலையில் 9 சீசன்களாக பிக் பாஸ் போட்டியாளர்களை விமர்சித்து வந்த பார்வையாளர்களை இந்த சீசனில் போட்டியாளராக்கி அவர்கள் என்ன தான் செய்கிறார்கள் என்பதை பார்க்கப் போகிறார்கள்.
பிக் பாஸ் 10 வீட்டிற்கு செல்லும் பொது மக்களுக்காக தி காமன்மேன் நிகழ்ச்சியை நடத்துகிறார்கள். பிக் பாஸ் தி காமன்மேன் நிகழ்ச்சியை மாயா அல்லது முத்துக்குமரன் அல்லது இருவருமே சேர்ந்து தொகுத்து வழங்குவார்கள் என கூறப்பட்டது. இந்நிலையில் டைட்டிலை வென்ற முத்துக்குமரன் இல்லை மாறாக பார்வையாளர்களின் கவனத்தை ஈர்த்த மாயா அக்காவை தான் தி காமன்மேன் ஷோவை தொகுத்து வழங்க தேர்வு செய்திருக்கிறார்கள்.
3 நடுவர்கள்: மெயின் நிகழ்ச்சிக்கான போட்டியாளர்களை தேர்வு செய்யும் இந்த காமன்மேன் நிகழ்ச்சியில் பிக் பாஸ் டைட்டில் வின்னர்களான ஆரி, ராஜு மற்றும் முதல் சீசனில் கண்டபடி பிரபலமான ஓவியா ஆகியோரை நடுவர்களாக நியமித்திருக்கிறார்கள். பிக் பாஸ் வீட்டிற்கு போனால் பட்டிதொட்டி எல்லாம் பிரபலமாகிவிடலாம் என்கிற நம்பிக்கை பலருக்கும் ஏற்பட காரணமே ஓவியா தான். ஆனால் ஓவியா அளவுக்கு பிற சீசன் போட்டியாளர்களுக்கு ரீச் கிடைக்கவில்லை என்றே சொல்லலாம்.
முதல் சீசனில் சொன்ன அதே கொக்கு நெட்ட கொக்கை இன்னும் விடாமல் காமன்மேன் ப்ரொமோ வீடியோவிலும் சொல்லியிருக்கிறார் ஓவியா. பிக் பாஸ் நிகழ்ச்சியில் நடுவர்கள் வருவது இதுவே முதல் முறையாகும். நீங்கள் எதிர்பார்ப்பதை அல்ல எதிர்பார்க்காததை செய்வதே பிக் பாஸுக்கு பிடித்த விஷயமாகும். அதனால் தான் காமன்மேன் நிகழ்ச்சியில் இப்படியொரு டுவிஸ்ட் வைத்துவிட்டார்.
ஜூலி வரலாமே: மாயாவை பார்த்த பிக் பாஸ் பார்வையாளர்கள் சிலரோ, வீரத் தமிழச்சி ஜூலியை தொகுப்பாளராக ஆக்கியிருக்கலாம். அக்கா அடிக்கடி வீடியோ போடு தெறிக்க விடுகிறார். அவர் மட்டும் பிக் பாஸ் நிகழ்ச்சி தொகுப்பாளராக ஆனால் டி.ஆர்.பி. எகிறிவிடும் என்கிறார்கள்.
மாயா அக்காவே மஞ்சுளா டீச்சர் என்கிற பெயரில் தன் யூடியூப் சேனலில் வீடியோக்கள் வெளியிட்டு அதிரடி காட்டி வருகிறார். இந்நிலையில் பிக் பாஸ் நிகழ்ச்சி தொகுப்பாளர் எனும் அரிய வாய்ப்பு அவருக்கு கிடைத்திருக்கிறது. தன்னை தேடி வந்த வாய்ப்பை அவர் நிச்சயம் நல்லபடியாக பயன்படுத்தி பெயர் எடுப்பார் என நம்பப்படுகிறது.
பிக் பாஸ் தி காமன்மேன் ப்ரொமோவை பார்த்தவர்களோ, சீக்கிரமாக ஆரம்பிங்க பாஸ். நாட்டு பிரச்சனையை எல்லாம் மறந்து, போட்டியாளர்கள் சண்டையில் கவனம் செலுத்த ஆரம்பித்துவிடுவார்கள். காமன்மேனில் யார் யாரெல்லாம் பிக் பாஸ் வீட்டுக்கு போகிறார்களோ என தெரிவித்துள்ளனர்.
தாதா, தல: இந்த சீசனில் தமிழில் மட்டும் அல்ல இந்தி, மலையாளம், தெலுங்கு, கன்னடம், பெங்காலி மொழிகளிலும் ஒரே நேரத்தில் பிக் பாஸ் நிகழ்ச்சியை துவங்கி நடத்தவிருக்கிறார்கள். 10 ஆண்டுகளாக பெங்காலியில் பிக் பாஸ் நிகழ்ச்சி நடத்தப்படவில்லை. இந்நிலையில் பிக் பாஸ் பங்களாவை தூசிதட்டி அதை நடிகர் அல்ல மாறாக முன்னாள் கிரிக்கெட் வீரரும், மேற்கு வங்க மக்கள் கொண்டாடும் தாதா சவுரவ் கங்குலியை வைத்து நடத்தவிருக்கிறார்கள்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
தாதாவை பார்த்த சிலரோ அப்படியே தல தோனியை ஒரு மொழியில் தொகுப்பாளராக்கினால் கூட்டத்திற்கு குறைவே இல்லாமல் இருக்குமே. அடுத்த சீசனில் தோனியை நிகழ்ச்சி தொகுப்பாளராக்கவும் பிக் பாஸ் என கோரிக்கை விடுத்துள்ளனர்.
