தன் மகன் விஜய் தோளில் சூப்பர் ஸ்டார் ரஜினிகாந்த் கை போட்டதை பார்த்து அப்படியொரு சந்தோஷமாக இருந்ததாக அம்மா ஷோபா சந்திரசேகர் தெரிவித்தது குறித்து சினிமா ரசிகர்கள் பேசி வருகிறார்கள்.
தலைவர் ஃபேன் விஜய் : நான் சூப்பர் ஸ்டார் ரஜினி சார் ரசிகன். சூப்பர் ஸ்டார் என்பது தலைவர் ரஜினிகாந்த் மட்டும் தான். அவர் என் தலைவர். நான் மிஸ்டர் ரஜினிகாந்த் ரசிகன். அவர் தளபதி படத்தில் நடித்தபோது தான் என் கெரியிர் துவங்கியது. என் ரசிகர்கள் எனக்கு எழுதும் கடிதங்களை எல்லாம் படிப்பேன். அப்படியொரு கடிதத்தில் ரசிகர் ஒருவர் என்னை இளைய தளபதி என்று குறிப்பிட்டிருந்தார். அப்படித் தான் நான் இளைய தளபதி ஆனேன் என்று முன்பு விஜய் தெரிவித்திருந்தார்.
படங்களிலும் ரஜினிகாந்த் மாதிரியே மேனரிசம் செய்கிறார் விஜய் என்று விமர்சனம் உண்டு. விஜய் மீது ரஜினிக்கு தனி பிரியம் உண்டு. பல ஆண்டுகளுக்கு முன்பு விழா ஒன்றில் விஜய் தோள் மீது கை போட்டு ரஜினிகாந்த் அமர்ந்த புகைப்படத்தை தலைவர், தளபதி ரசிகர்கள் மறந்திருக்க முடியாது. அந்த நிகழ்ச்சி குறித்து விஜய்ணாவின் அம்மா ஷோபா முன்பு கூறியதாவது, விழாவுக்கு நானும் சென்றிருந்தேன். விஜய்யை பார்த்ததும் வரவேற்று தன் பக்கத்தில் அமர வைத்து அவர் தோள் மீது கை போட்டுக் கொண்டார் ரஜினி சார். நிகழ்ச்சி முடியும் வரை விஜய் தோளில் அவர் கை இருந்தது.
அவர்களுக்கு பின்னால் இருக்கும் சீட்டில் இருந்த எனக்கு அதை பார்த்து ரொம்ப சந்தோஷமாக இருந்தது. கடவுள் விஜய்யை பிடித்துக் கொண்டிருந்தால் எப்படி இருக்குமோ அது மாதிரி தான் எனக்கு தோன்றியது. ரஜினி சார் என் மகன் மீது பாசமாக கை போட்டது என் வாழ்க்கையில் ரொம்ப மகிழ்ச்சியான தருணம் என்றார்.
சமூக வலைதளங்களில் தான் விஜய் ரசிகர்களுக்கும், ரஜினிகாந்த் ரசிகர்களுக்கும் மோதலாக உள்ளது. 75 வயது நபரை போய் இப்படி மட்டு மரியாதை இல்லாமல் சமூக வலைதளங்களில் பேசுகிறார்களே என்று பொதுவான ரசிகர்கள் சொல்கிறார்கள். ஆனால் விஜய்க்கு எதிரானவன் இல்லை என்று ரஜினியே விளக்கம் கொடுத்தும் கூட அந்த பேச்சு அடங்கியபாடில்லை.
விளாசலும், விளக்கமும்: அவர் விளக்கம் கொடுத்ததை பார்த்த விஷ்ணு விஷாலோ, விஜய்க்கு எதிரா எதுவும் இல்லைனு தலைவர் ரஜினி சாரே சொல்லும் கால கட்டமாக இருக்கிறதே என்று வேதனை தெரிவித்தார். அதை பார்த்த விஜய் ரசிகர்களோ, அதென்ன விஜய்னு பெயர் சொல்வது. முதல்வர் விஜய் அல்லது விஜய் சார்னு தான் சொல்லணும் என்று விஷ்ணு விஷாலை விளாசினார்கள்.
நான் விஜய்னு சொல்லவில்லை. ரஜினி சார் சொன்னார் என்று தான் சொன்னேன் என விஷ்ணு விஷால் ஒரு விளக்கம் கொடுத்தார். அவர் நம்பிக்கையுடன் நடித்த கட்டா குஸ்தி 2 படம் பிளாக்பஸ்டராகிவிட்டது. இதையடுத்து ஹீரோ விஷ்ணு விஷாலுக்கு பி.எம்.டபுள்யூ கார் கொடுத்து பாராட்டியிருக்கிறார் தயாரிப்பாளர் ஐசரி கணேஷ்.
எனக்கு சரியான அங்கீகாரம் கிடைப்பது இல்லை என்று கட்டா குஸ்தி 2 படத்தை விளம்பரம் செய்தபோது கவலையாக தெரிவித்தார் விஷ்ணு விஷால். இந்நிலையில் 18 ஆண்டுகள் கழித்து அந்த அங்கீகாரம் தற்போது கிடைத்துவிட்டது என்று கட்டா குஸ்தி 2 சக்சஸ் மீட்டில் கூறியிருக்கிறார்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
இதற்கிடையே முதல்வர் விஜய்யின் ஜனநாயகன் படத்திற்கு சென்சார் போர்டிடம் இருந்து ஏ சான்று கிடைத்திருப்பதால் ஜூலை 24ம் தேதியே ரிலீஸ் செய்யப் போகிறார்கள் என்று கூறப்படுகிறது.
