உக்ரைன் போர் தொடர்ந்து உக்கிரமடைந்து வரும் நிலையில் நெருக்கடியை தீர்க்க உதவ தயாராக இருப்பதாக சீன அதிபர் ஜின்பிங் தெரிவித்துள்ளார். Live Updates 16 ஜூன் 2022 2:30 AM லுஹான்ஸ்கின் உக்ரேனிய கவர்னர் செர்ஹி ஹைடாய் நிருபர்கள் சந்திபில், “சீவிரோடோனெட்ஸ்கில் இன்றும் கடுமையான சண்டை தொடர்கிறது. ஏனெனில் ரஷிய படைகள் அதிக ஆள்பலத்தையும், ஆயுதங்களையும் கொண்டிருப்பதால் நகரத்தின் நிலைமை இன்னும் மோசமாகி வருகிறது” என்று அவர் தெரிவித்தார். 16 ஜூன் 2022 1:33 AM ரஷிய அதிகாரிகள் அசோட் ஆலையில் இருந்து ஒரு மனிதாபிமான தாழ்வாரத்தை நேற்று அறிவித்தனர், ஆனால் அது உக்ரேனியப் படைகளுக்கு அல்ல என்றும் ரஷிய கட்டுப்பாட்டில் உள்ள பகுதிகளுக்கு பொதுமக்களை அழைத்துச் செல்வதாகவும் அவர்கள் தெரிவித்தனர்.  16 ஜூன் 2022 1:07 AM உக்ரேனியப் படைகள் நகரின் முற்றுகையிடப்பட்ட அசோட் இரசாயன ஆலையில் இருந்து பொதுமக்களை வெளியேற்றுவதை நாசப்படுத்தியதாக ரஷியா ஆதரவு பிரிவினைவாதிகள் குற்றம் சாட்டி உள்ளனர். அங்கு சுமார் 500 பொதுமக்கள் மற்றும் அறியப்படாத எண்ணிக்கையிலான உக்ரேனிய போராளிகள் ஏவுகணை தாக்குதல்களில் இருந்து தப்பிக்க தஞ்சம் அடைவதாக நம்பப்படுவதாக தகவல் வெளியாகி உள்ளது. 16 ஜூன் 2022 12:37 AM உக்ரைனின் கிழக்கு டான்பாஸ் பகுதியில் உள்ள சீவிரோடோனெட்ஸ்க் நகரத்தின் மீதான போர் சமீபத்திய வாரங்களில் ரஷியாவின் தாக்குதலின் மையமாக மாறியுள்ளதாக தெரிவிக்கப்பட்டுள்ளது. 15 ஜூன் 2022 11:52 PM உக்ரைன் நெருக்கடியை தீர்க்க உதவ தயார் - சீன அதிபர் ஜின்பிங் உக்ரைன் விவகாரம் தொடர்பாக சீன அதிபர் ஜின்பிங் நேற்று ரஷிய அதிபர் புதினை தொலைபேசியில் தொடர்பு கொண்டு பேசினார். அப்போது உக்ரைன் நெருக்கடியைத் தீர்க்க உதவும் ‘ஆக்கப்பூர்வமான பங்கை’ வகிக்க சீனா தயாராக இருப்பதாக புதினிடம் ஜின்பிங் தெரிவித்தார். இது குறித்து அவர் கூறியதாவது:- சம்பந்தப்பட்ட அனைத்து தரப்பினரும் ஒரு பொறுப்பான நிலைப்பாட்டை எடுக்க வேண்டும். அதன் மூலம் உக்ரைன் நெருக்கடியின் சரியான தீர்வுக்கு ஊக்கமளிக்க வேண்டும். சீனா தனது ஆக்கபூர்வமான பாத்திரத்தை தொடர்ந்து செய்ய தயாராக உள்ளது. உலக அளவில் அமைதியைப் பாதுகாப்பதில் நாங்கள் தீவிரமாகப் பங்களிக்கிறோம். அதேபோல், உலகில் நிலையான பொருளாதார ஒழுங்கைப் பேணுவதற்கு நாங்கள் பங்களிக்கிறோம் என்று ஜின்பிங் கூறினார். ரஷியாவின் நெருங்கிய கூட்டாளியான சீனா, போர் தொடங்கியதில் இருந்து ரஷியாவின் உக்ரைன் ஆக்கிரமிப்பை கண்டிக்க உறுதியாக மறுத்துவிட்டது குறிப்பிடத்தக்கது.