ரஷ்யா - உக்ரேனுக்கு இடையில் போர் பதற்றம் அதிகரித்துள்ள நிலையில், இராணுவ பயிற்சியில் ஈடுபட்ட பெண் தொடர்பான தகவல் வெளியாகி உள்ளது. 

 

 

உக்ரைனில் பொதுமக்களிற்கு ஆயுத பயிற்சி பெற்றவேளை  அதில் தன்னையும் இணைத்து கொண்டு பயிற்சி பெற்ற 79  வயது  பெண்ணிற்கு பாராட்டுகள் குவிகின்றன.

 

கிழக்கு உக்ரைனின் மரியுபொல் பகுதியில் தேசிய பாதுகாவல் படையினர் பொதுமக்களிற்கு பயிற்சிகளை வழங்கியவேளை 79 வயது பெண் ஏகே 47 துப்பாக்கியை எவ்வாறு பயன்படுத்துவது என பயிற்சி எடுத்துள்ளார்.

 

அஜொவ் என்ற விசேட படையணி துப்பாக்கியை எவ்வாறு பயன்படுத்துவது என்பது குறித்து அவருக்கு பயிற்சிகளை வழங்கியுள்ளது.

 

ரஷ்யாவின் இராணுவ நடவடிக்கை இடம்பெறுவது உறுதி என்ற நிலையில் பொதுமக்களிற்கு பயிற்சி வழங்கி துணை இராணுவத்தை உருவாக்கும் நடவடிக்கைகள் உக்ரைனில் இடம்பெறுகின்றன.

 

பயிற்சியில் கலந்துகொண்டமைக்காக 79 வயது பெண்ணிற்கு தங்கள் பாராட்டுகளை உக்ரைன் மக்கள் தெரிவித்துள்ளனர்.

 

நான்கு வயது நிரம்பிய சிறுவர்களிற்கு கூட பயிற்சி வழங்கப்பட்டதாக தகவல் வெளியாகியுள்ளது.