ஆப்கானிஸ்தான் தலைநகர் காபூலில் பேருந்து ஒன்றில் பயங்கர சத்தத்துடன் குண்டு வெடிப்பு சம்பவம் இடம்பெற்றுள்ளது.

 

காபூலின் மேற்கு பகுதியில் உள்ள தாஷ்ட் இ பார்ச்சி மாவட்டத்தில் நேற்று காலை குண்டு வெடிப்பு சம்பவம் இடம்பெற்றுள்ளது. குண்டு வெடிப்பில் சிக்கி இருவர் சம்பவ இடத்திலேயே உடல் சிதறி உயிரிழந்ததுடன் மேலும் 3 பேர் காயமடைந்தனர்.

 

இந்நிலையில் இந்த குண்டு வெடிப்பு நடந்த அடுத்த சில நிமிடங்களில் அதே பகுதியில் மற்றொரு குண்டு வெடித்துள்ளது.இதில் பெண் ஒருவர் பலத்த காயம் அடைந்துள்ளார்.

 

ஆப்கானிஸ்தான் தலைநகர் காபூலில் நடந்த இரட்டை குண்டு வெடிப்பு சம்பவத்துக்கு ஐ.எஸ்.பயங்கரவாதிகள் பொறுப்பேற்றுள்ளனர்.

 

ஆப்கானிஸ்தானை தலீபான் பயங்கரவாதிகள் கைப்பற்றியது முதல் ஐ.எஸ். பயங்கரவாதிகள் தலீபான்களை குறிவைத்தும், ஷியா பிரிவு முஸ்லிம்களுக்கு எதிராகவும் தொடர்ச்சியாக பயங்கரவாத தாக்குதல் நடத்தி வருகின்றனமை குறிப்பிடத்தக்கது.