பிரித்தானிய சுகாதார செயலருடன் நெருக்கமாக இருந்த பெண் தலைமறைவாகிவிட்டார். சமூக இடைவெளி விடுங்கள், யாரும் யாரையும் கட்டியணைக்காதீர்கள் என ஊருக்கெல்லாம் உபதேசம் கொடுத்துவந்த பிரித்தானிய சுகாதாரச் செயலரான Matt Hancock, தனது உதவியாளரான, திருமணமான ஒரு பெண்ணுடன் நெருக்கமாக இருக்கும் காட்சிகள் வெளியாகி பரபரப்பை ஏற்படுத்திவருகின்றன.

 

    

பொதுமக்கள் சமூக ஊடகங்களில் அவரை கிழித்துத் தொங்க விட்டு வருகிறார்கள், அரசியல்வாதிகள் அவர் பதவி விலகவேண்டும் என்றும், அவரை பதவியிலிருந்து நீக்கவேண்டும் என்றும் பிரதமருக்கு அழுத்தம் கொடுத்து வருகிறார்கள்.

 

இந்நிலையில், Hancockஉடன் முத்தத்தைப் பகிர்ந்துகொண்ட அவரது உதவியாளரான Gina Coladangelo (43), திடீரென தலைமறைவாகிவிட்டதாக தகவல் வெளியாகியுள்ளது.

 

கோடீஸ்வரியான Gina, தான் தன் கணவரான Oliver Tress (54)உடன் வாழ்ந்துவந்த 4.5 மில்லியன் பவுண்டுகள் மதிப்புடைய வீட்டிலிருந்து, தனது பெட்டி படுக்கைகளுடன், தனது 70,000 பவுண்டுகள் மதிப்புடைய ஆடி காரில் எங்கோ புறப்பட்டுச் சென்றுவிட்டார்.

 

அவருடன் அவரது கணவர் செல்லவில்லை. தனது கணவரும், மூன்று பிள்ளைகளும் வாழும் வீட்டுக்கு அவர் இதுவரை திரும்பவில்லை என்று, அவரது வீட்டின் ஷட்டர்கள் மூடப்பட்ட நிலையிலேயே உள்ளன என்றும் The Sun பத்திரிகை தெரிவித்துள்ளது