இந்த மாத தொடக்கத்தில் விண்வெளியில் செயற்கைக்கோள் எதிர்ப்பு ஆயுதத்தை ரஷியா சோதனை செய்ததாக அமெரிக்கா மற்றும் இங்கிலாந்து ராணுவங்கள் குற்றம் சாட்டியுள்ளது.

 

ஏப்ரல் மாதத்தில் ரஷியா செயற்கைக்கோள் எதிர்ப்பு ஏவுகணை சோதனை நடத்தியதாகவும் அமெரிக்கா குற்றம் சாட்டியது.

 

 

இதுபோன்ற ஆயுதத்தை ரஷியாசோதனை செய்ததாக அமெரிக்கா குற்றம் சாட்டியது இதுவே முதல் முறை.

 

ஜூலை 15 ம் தேதி ரஷியா "விண்வெளி அடிப்படையிலான செயற்கைக்கோள் எதிர்ப்பு ஆயுத சோதனையை நடத்தியது" என்பதற்கு அமெரிக்க விண்வெளி அமைப்பு  "ஆதாரங்களைக் கொண்டுள்ளது" என்று வியாழக்கிழமை ஒரு அறிக்கையில் தெரிவிக்கப்பட்டுள்ளது.

 

இதனால் அமெரிக்க மற்றும் நேச நாட்டு விண்வெளி அமைப்புகளுக்கான அச்சுறுத்தல்கள் அதிகரித்து வருகின்றன என்பதற்கு மற்றொரு எடுத்துக்காட்டு என்று அந்த அறிக்கையில் கூறப்பட்டு உள்ளது.

 

கடந்த வார சோதனையை நடத்துவதற்குப் பயன்படுத்தப்படும் அமைப்பு, இந்த ஆண்டின் தொடக்கத்தில், ஒரு அமெரிக்க செயற்கைக்கோளின் அருகே வந்தபோது விண்வெளி கட்டளை கவலைகளை எழுப்பியது.

 

இந்த வகையான செயல்கள் விண்வெளியின் அமைதியான பயன்பாட்டை அச்சுறுத்துகின்றன மற்றும் செயற்கைக்கோள்கள் மற்றும் உலகம் சார்ந்திருக்கும் விண்வெளி அமைப்புகளுக்கு அச்சுறுத்தலை ஏற்படுத்தக்கூடிய குப்பைகளை ஏற்படுத்தும். 

 

இதுபோன்ற எந்தவொரு சோதனையையும் தவிர்க்க ரஷ்யாவை நாங்கள் கேட்டு கொள்கிறோம் என இங்கிலாந்தின் விண்வெளி இயக்குநரகத்தின் தலைவர் மார்ஷல் ஹார்வி ஸ்மித் தெரிவித்துள்ளார்.

 

கடந்த வார சோதனையை நடத்துவதற்கு பயன்படுத்தப்பட்ட அமைப்பு, இந்த ஆண்டு தொடக்கத்தில் ஒரு அமெரிக்க அரசாங்க செயற்கைக்கோளின் அருகே வந்தபோது விண்வெளி அமைப்பு கவலைகளை எழுப்பியது என்று அமெரிக்க விண்வெளி கட்டளைத் தலைவர் ஜெனரல் ஜே ரேமண்ட் கூறினார்