அமெரிக்கா தங்கள் நாட்டு கப்பல்கள் மீது தாக்குதல் நடத்தினால் ஆக்ரோஷமான பதிலடி கொடுக்கப்படும் என ஈரான் எச்சரிக்கை விடுத்துள்ளது.
ஈரானிய புரட்சிகர காவல்படை கடற்படையின் 11 கப்பல்கள் அமெரிக்க கப்பல்களுக்கு அருகில் வந்த ஒரு வாரத்திற்குப் பிறகு’எங்கள் கப்பல்களை கடலில் தொந்தரவு செய்தால் எந்தவொரு மற்றும் அனைத்து ஈரானிய துப்பாக்கி படகுகளையும் சுட்டு அழிக்குமாறு நான் அமெரிக்க கடற்படைக்கு அறிவுறுத்தியுள்ளேன்’ என்று ட்ரம்ப் ட்வீட் செய்தார். இந்த விடயம் பெரும் பரபரப்பை ஏற்படுத்தியது.
இந்தநிலையில், அமெரிக்கா இவ்வாறு தாக்குதல் தொடுத்தால், அதற்கு விரைவாக பதிலடி கொடுக்கப்படும் என ஈரான் நாட்டின் புரட்சிகர பாதுகாப்பு படையின் தளபதி ஜெனரல் ஹாசீன் சலமீ எச்சரிக்கை விடுத்துள்ளார்.
மேலும், ஈரான் நாட்டுக்கு சொந்தமான கப்பல்களையும், போர் படகுகளையும் அச்சுறுத்தும் வகையில் செயல்படும் அமெரிக்க கப்பல்களையும் தாக்க உத்தரவு பிறப்பிக்கப்பட்டுள்ளதாக சலமீ தெரிவித்துள்ளார்.