அமெரிக்காவில் மழையால் ஏற்பட்ட வெள்ளத்தில், கார்கள் அடித்து செல்லப்படும் வீடியோ காட்சிகள் வெளியாகியுள்ளது.
 
எதிர்பாராத மழைப்பொழிவு காரணமாக அமெரிக்காவின் தெற்கு கலிபோர்னியாவிற்கு உட்பட்ட பகுதிகளில் கடும் வெள்ளம் ஏற்பட்டுள்ளது. அங்கு ஏற்பட்ட கடுமையான வெள்ளப்பெருக்கு சாலைகளில் நிறுத்தி வைக்கப்பட்டிருந்த கார்கள் மற்றும் பிற வாகனங்களை வாரி சுருட்டி கொண்டு சென்றது.
 
தெற்கு கலிபோர்னியாவில் சுமார் 6க்கும் மேற்பட்ட நகரங்களில் கனமழை கொட்டி தீர்த்தது. மேலும் நாட்டின் பல பகுதிகளில் கடுமையான பனிப்பொழிவு காரணமாக ஏராளமான சாலைகள் மூடப்பட்டன. அரிசோனா மாகாணத்திலும் கனமழை காரணமாக, வெள்ள அபாய எச்சரிக்கை விடுக்கப்பட்டுள்ளது.