ஈரானிற்கு எதிராக சைபர் தாக்குதலை மேற்கொண்டது அமெரிக்கா- ரொய்ட்டர்

ஈரானின் உட்கட்டமைப்பு வசதிகளை இலக்குவைத்து அமெரிக்கா சைபர் தாக்குதல்களை மேற்கொண்டுள்ளதாக அதிகாரிகளை மேற்கோள் காட்டி ரொய்ட்டர் செய்தி வெளியிட்டுள்ளது.
செப்டம்பர் 14 திகதி சவுதி அரேபியாவின் எண்ணெய் சுத்திகரிப்பு நிலையங்கள் மீது மேற்கொள்ளப்பட்ட தாக்குதல்களை தொடர்ந்தே அமெரிக்கா சைபர் தாக்குதல்களை மேற்கொண்டுள்ளது.
செப்டம்பர் இறுதியில் இந்த சைபர் தாக்குதல்கள் இடம்பெற்றன  ஈரானின் பிரச்சார திறனை பலவீனப்படுத்தும் விதத்தில் இந்த தாக்குதல்கள் இடம்பெற்றன என அதிகாரிகள் தெரிவித்துள்ளனர்.
இந்த தாக்குதல் பாதிப்பை ஏற்படுத்தியது என தெரிவித்துள்ள அதிகாரிகள் மேலதிக தகவல்களை வெளியிட மறுத்துள்ளனர்.
எனினும் பென்டகன் இந்த தாக்குதல் குறித்து கருத்து தெரிவிக்க மறுத்துள்ளது.

சைபர் தாக்குதல்கள் புலனாய்வுகள் திட்டமிடல்கள் குறித்து நாங்கள் கருத்து தெரிவிப்பதில்லை என பென்டகன் தெரிவித்துள்ளது.
சவுதி அரேபியாவின் எண்ணெய் சுத்திரிகரிப்பு நிலையங்கள் மீதான தாக்குதலிற்கு ஈரானே காரணம் என அமெரிக்கா குற்றம்சாட்டியிருந்தமை குறிப்பிடத்தக்கது.
அமெரிக்கா சைபர்தாக்குதலை முன்னெடுத்துள்ளமை டிரம்ப நிர்வாகம் ஈரானிற்கு எதிராக பரந்துபட்ட மோதலை முன்னெடுக்க விரும்பாமல் மாற்று தந்திரோபாயங்களை பயன்படுத்த முனைவதை  புலப்படுத்தியது.
இதேவேளை செப்டம்பரிற்கு பின்னர் வேறு சைபர் தாக்குதல்கள் இடம்பெற்றனவா என்ற விபரங்கள் வெளியாகவில்லை.
ஈரான் அமெரிக்காவின் சகாக்களிற்கு எதிராக சைபர் தாக்குதல்களை மேற்கொண்டுள்ளது.
ஈரான் சார்பு ஹக்கிங் குழுவொன்று டிரம்ப தொடர்பான ஆவணங்களை களவாடுவதற்கான முயற்சியில் ஈடுபட்டது.