விடு­தலைப் புலிகள் அமைப்­புடன் தொடர்பு கொண்­டி­ருந்­தமை தொடர்பில் மலே­ஷி­யாவின் அர­சி­யல்­வா­திகள் இருவர் உட்­பட 7 பேர் அந்­நாட்டு பொலி­ஸாரால் கைது­செய்­யப்­பட்­டுள்­ள­தாக மலே­ஷிய பொலிஸார் தெரி­வித்­துள்­ளனர். கடந்த 2014 ஆம் ஆண்டு முதல் விடு­தலைப் புலிகள் இயக்­கத்­துக்கு மலே­ஷி­யாவில் தடை­வி­திக்­கப்­பட்­டுள்­ளது.

மலாக்கா ஆட்­சிக்­குழு உறுப்­பினர் சாமி­நாதன் மற்றும் நெகிரி சாம்­பிலான் சிரம்பா ஜெயா சட்­ட­மன்ற உறுப்­பினர் குண­சே­கரன் ஆகியோர் உட்­பட ரவாங்கைச் சேர்ந்த 28 வய­தான வர்த்­தகர், 28 வயதா காப்­பு­றுதி முகவர், பேராக் சிப்­புட்டைச் சேர்ந்த 37 வய­தான டெக்ஸி ஓட்­டுநர், கூலிம் கெடாவைச் சேர்ந்த தொழில்­நுட்ப உத­வி­யாளர் மற்றும் சுங்கை பூலோவைச் சேர்ந்த 57 வய­தான உண­வக உரி­மை­யாளர் ஆகி­யோரே இவ்­வாறு கைது­செய்­யப்­பட்­டுள்­ள­தாக புக்கிட் அமான் பயங்­க­ர­வாத எதிர்ப்புப் பிரிவின் தலைவர் டத்தோ அயூப் கான் நேற்று செய்­தி­யாளார் சந்­திப்பில் குறிப்­பிட்டார்.
பயங்­க­ர­வாத எதிர்ப்பு பிரி­வி­னரால் நேற்று காலை 9 மணி­முதல் பிற்­பகல் 2 மணி­வ­ரை­யான காலப்­ப­கு­தி­யினுள் நாட்டின் பல்­வேறு மாநி­லங்­களில் இவர்கள் கைது­செய்­யப்­பட்­டுள்­ள­தாக அவர் மேலும் தெரி­வித்தார்.
கைது­செய்­யப்­பட்ட சந்­தேக நபர்கள் ஏழு பேரும் விடு­தலை புலிகள் இயக்­கத்தை ஊக்­கு­வித்­தமை, நிதி­வ­ழங்­கி­யமை, ஆட்­சேர்ப்பு செய்­தமை மற்றும் இந்த இயக்­கத்­துடன் தொடர்­பு­டைய பொருட்­களை விநி­யோ­கித்­தமை தொடர்பில் குற்­றஞ்­சாட்­டப்­பட்­டுள்­ளனர்.
இவர்­களில் சட்­ட­மன்ற உறுப்­பி­னர்­க­ளான இருவர் கடந்த வருடம் மலாக்­காவில் நடந்த விடு­தலைப் புலிகள் மாவீ­ரர்கள் தின நிகழ்­வு­களில் கலந்­து­கொண்டு உரை நிகழ்த்­தி­ய­துடன் இயக்­கத்­துக்கு ஆத­ர­வாக துண்டு பிர­சு­ரங்­க­ளையும் விநி­யோ­கித்­துள்­ள­தாக நம்­பப்­ப­டு­கி­றது என அவர் மேலும் தெரி­வித்­துள்ளார்.
2009 ஆம் ஆண்டு முதல் இது­வ­ரையில் விடு­தலை புலிகள் இயக்­கத்­துடன் தொடர்­பு­டை­ய­வர்கள் என்ற சந்­தே­கத்தில் 25 பேர் கைதுசெய்யப்பட்டுள்ளனர். மலேசியாவில் பயங்கரவாத செயல்கள் ஊடுறுவாமல் இருப்பதற்கு மலேஷிய பொலிஸார் தொடர்ந்தும் முயற்சிகளை மேற்கொண்டுள்ளதாக அயுப் கான் மேலும் தெரிவித்தார்