இந்தியாவில் வரும் டிசம்பர் 6-ம் தேதி ரெட்மி 13சி அறிமுகம் செய்யப்பட உள்ளதால் ரெட்மி 12சி ஸ்மார்ட்போனின் விலை தற்போது அதிரடியாக  குறைக்கப்பட்டுள்ளது.

 

அமேசான் தளத்தில் 4ஜிபி ரேம் மற்றும் 64ஜிபி மெமரி கொண்ட ரெட்மி 12சி ஸ்மார்ட்போனுக்கு தற்போது 51 சதவீதம் விலை குறைக்கப்பட்டுள்ளது. எனவே 64ஜிபி மெமரி கொண்ட ரெட்மி 12சி போனை ரூ.6,799-க்கு வாங்க முடியும். இந்த போனின் 128ஜிபி மெமரி கொண்ட வேரியண்ட் தற்போது ரூ.8,299-க்கு வாங்க கிடைக்கிறது. 

 

6.71-இன்ச் எச்டி பிளஸ் டிஸ்பிளே வசதியுடன் இந்த ரெட்மி 12சி ஸ்மார்ட்போன் வெளிவந்துள்ளது. மேலும் 1,650 x 720 பிக்சல்கள் கொண்ட திறனுடன் 20.6:9 விகிதம், 500nits பீக் பிரைட்னஸ் மற்றும் சிறந்த பாதுகாப்பு வசதியைக் கொண்டுள்ளது இந்த அட்டகாசமான ஸ்மார்ட்போன். குறிப்பாக இந்த போன் வாட்டர் டிராப் நாட்ச் டிஸ்பிளே வடிவமைப்பைக் கொண்டுள்ளது என்பது குறிப்பிடத்தக்கது.

 

ஆக்டா கோர் மீடியாடெக் ஹீலியோ ஜி85 சிப்செட் உடன் ரெட்மி 12சி ஸ்மார்ட்போன் வெளிவந்துள்ளது. எனவே இயக்குவதற்கு மிகவும் அருமையாக இருக்கும். குறிப்பாக இந்த சிப்செட் மேம்பட்ட செயல்திறன் வழங்கும் என்பது குறிப்பிடத்தக்கது. அதேபோல் MIUI 13 சார்ந்த ஆண்ட்ராய்டு 12 இயங்குதளத்தைக் கொண்டு இந்த ரெட்மி 12சி வெளிவந்துள்ளது. ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும்.

 

4ஜிபி ரேம் மற்றும் 64ஜிபி/128ஜிபி மெமரி வசதியைக் கொண்டுள்ளது. மேலும் கூடுதலாக மெமரி நீட்டிப்பு ஆதரவு கொண்டுள்ளது. அதாவது இந்த போனில் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு உள்ளது.

 

 

50எம்பி பிரைமரி கேமரா + இரண்டாம் நிலை QVGA லென்ஸ் என்கிற டூயல் ரியர் கேமரா அமைப்பைக் கொண்டுள்ளது. எனவே இந்த ஸ்மார்ட்போன் உதவியுடன் தரமான புகைப்படங்கள் மற்றும் வீடியோக்கள் எடுக்க முடியும். மேலும் செல்ஃபிகளுக்கும், கால் அழைப்புகளுக்கும் என்றே 5எம்பி கேமரா கொண்டுள்ளது.

 

குறிப்பாக 1080பிக்சல் பதிவு செய்யும் ஆதரவைக் கொண்டுள்ளது. இதுதவிர எல்இடி பிளாஸ் மற்றும் பல்வேறு கேமரா அம்சங்கள் இந்த போனில் உள்ளன. மேலும் இந்த போனின் வடிவமைப்பு மிகவும் அருமையாக உள்ளது.

 

அதேபோல் 5000எம்ஏஎச் பேட்டரியை கொண்டிருக்கிறது. எனவே இந்த போன் நாள் முழுவதும் பேட்டரி பேக்கப் வழங்கும். பின்பு 10 வாட்ஸ் சார்ஜிங், கைரேகை ஸ்கேனர் உள்ளிட்ட பல சிறப்பு அம்சங்களை கொண்டுள்ளது. இரட்டை சிம் ஆதரவு, Wi-Fi, புளூடூத் 5.1, FM ரேடியோ, 3.5mm ஆடியோ ஜாக் போன்ற பல கனெக்டிவிட்டி ஆதரவுகள் இந்த போனில் உள்ளன. இவ்வளவு சிறப்பம்சங்கள் உள்ளதால் இந்த போனை இப்போது மிகக் குறைந்த விலையில் வாங்கிக் கொள்ள முடியும்.