"நாங்கள் தற்போது, அந்த 14 பொருட்களில் மட்டும் கவனம் செலுத்துகிறோம், அதில் முன்னேற்றத்திற்கான மிகப்பெரிய தேவை உள்ளது. அது மக்களுக்கு பயனளிக்கும் என்று நாங்கள் நம்புகிறோம்," என்றார் அவர்.

 

 

இந்த மொபைல்போன் அறிமுகப்படுத்தப்பட்டதில் இருந்து சுமார் ஐந்து லட்சத்து ஐம்பதாயிரம் போன்களைத்தான் விற்பனை செய்துள்ளது. ஆனால், 2022 இல் ஆண்டில், உலகளவில் 23.2 கோடிக்கும் அதிகமான ஐபோன்கள் விற்கப்பட்டுள்ளன.

 

சந்தையின் நிலை இப்படி இருக்க, நீண்ட ஆயுள் கொண்ட ஸ்மார்ட்போன்களை விற்பனை செய்வதன் மூலம், நிறுவனங்கள் லாபம் ஈட்ட முடியும் என்பதை ஃபேர்போன் நிறுவனம் நிரூபிக்க முயற்சிப்பதாக வான் ஏபெல் கூறுகிறார்.

 

 

 

இந்த மொபைல் போன்களின் விலையும் அதிகமாகத்தான் உள்ளன. சமீபத்திய ஃபேர்போன் மாடலின் விலை இந்திய ரூபாய் பதிப்பில் ரூ 68,301.

 

 

 

ஃபேர்போன், ஒருவர் வீட்டில் உள்ள அனைத்து பொருட்களையும் கட்டுப்படுத்த வேண்டும் என்பது வான் ஏபலின் நோக்கம். "நீண்ட காலம் பயன்படுத்தும் ஸ்மார்ட்போன்களை ஆதரிக்கும் ஒரு நிறுவனம் உலகில் இல்லை என்பதால், அனைத்து மென்பொருளையும் நாங்களே உருவாக்குகிறோம். அதனால், நாங்கள் விரும்புவதைச் செய்ய அந்த மென்பொருளில் அதிக முதலீடு தேவைப்படுகிறது," என்றார்.

 

 

ஃபேர்போன்களை பழுது பார்க்கும் திட்டம் அதன் முக்கிய போட்டியாளர்களை விட மலிவானது. ஃபேர்போன் 5-க்கான புதிய பேட்டரியின் விலை இந்திய ரூபாய் மதிப்பின்படி, ரூ 4,204, அதே ஐபோன் 15-யின் பேட்டரியை மாற்ற ஆப்பிள் நிறுவனம் வசூலிக்கும் தொகை ரூ 8,418.

 

"நீங்கள் அனைத்து பாகங்களையும் மீண்டும் பயன்படுத்த விரும்புகிறீர்கள். ஆனால், அது சாத்தியம் இல்லை. அதனால், நீங்கள் செய்ய விரும்பும் கடைசி விஷயம், அவற்றை மறுசுழற்சி செய்வதாகும். அதனால்தான் நாங்கள் நீண்ட ஆயுளில் அதிக கவனம் செலுத்துகிறோம்." என்கிறார் வான் ஏபெல்.

 

பல நவீன மின்னணு சாதனங்களைப் போலவே, ஸ்மார்ட்போன்களும் 70 சதவீதம் வெவ்வேறு வகையான உலோகங்களால் ஆன பொருட்களைக் கொண்டிருப்பதால் முழுமையாக மறுசுழற்சி செய்வது கடினம்.

 

"தொழில்நுட்ப சாதனங்களும், மின்னணு சாதனங்களும் உடைக்கப்படுவதற்கு இல்லை. அவை விலை மதிப்பற்றவை என்பதை நாங்கள் உள்ளுணர்வுடன் புரிந்து கொண்டுள்ளோம்," என்று இங்கிலாந்தில் உள்ள டிசைன் கவுன்சிலின் தலைமை வடிவமைப்பு அதிகாரி கேட் ட்ரூ கூறுகிறார்.

 

 

ஒரு தொழில்துறை மதிப்பீட்டின்படி, உலகெங்கிலும் 500 கோடி மொபைல் போன்கள் பயன்படுத்தப்படாமல் இருக்கக் கூடும்.

 

பெரும்பாலான ஸ்மார்ட்போன்களின் வடிவமைப்பு மக்கள் அவற்றைப் பழுதுபார்ப்பதையும் முடிந்தவரை அவற்றைப் பயன்படுத்துவதையும் தடுக்கிறது என்கிறார் ட்ரூ. போன்கள், எளிதில் பிரிக்கக் கூடிய வகையில் வடிவமைக்கப்படவில்லை, மக்கள் மிகவும் மெல்லிய, நேர்த்தியான தொலைபேசிகளை விரும்புகிறார்கள், அவற்றைப் பிரிப்பது கடினம் என்கிறார் அவர்.

 

மின்னணு சாதனங்களை பழுது பார்க்கும் செலவும் "தடையாக" இருக்கலாம். "முதலில் ஒரு புதிய லேப்டாப்பைப் பெறுவதை விட லேப்டாப் திரையை சரிசெய்வது விலை உயர்ந்ததாக இருக்கும்" என்கிறார் அவர்.

 

பழுது பார்க்கக் கூடிய ஸ்மார்ட்போன்களை உருவாக்குவது ஒரு "தொழில்நுட்ப சவால்" அல்ல என்கிறார், எலன் மேக்ஆர்தர் தொண்டு நிறுவனத்தைச் சேர்ந்த ஜோ ஐல்ஸ்.

 

“இது ஒரு லாப நோக்கற்ற நிறுவனமாகும். இங்கு பொருட்கள் முடிந்தவரை மீண்டும் பயன்படுத்தப்படுகின்றன, மறுசுழற்சி செய்யப்படுகின்றன. பழுது பார்க்கக் கூடிய ஸ்மார்ட்போன்களை உருவாக்குவதற்கான கண்டுபிடிப்பு ஏற்கனவே உள்ளது. தற்போது, முக்கியமான பிரபல மொபைல்போன் நிறுவனங்கள் அதை ஏற்றுக்கொள்ளத் தொடங்கியுள்ளன,” என்கிறார் அவர்.

 

இன்று வரை, ஸ்மார்ட்போன்கள் போன்ற சாதனங்களுக்கான விற்பனை மாதிரி என்பது, ஒவ்வொரு இரண்டு வருடங்களுக்கு ஒருமுறை தங்கள் சாதனங்களைப் புதுப்பிக்கும்படி நுகர்வோரை ஊக்குவிப்பதை நோக்கமாகக் கொண்டுள்ளது. ஐரோப்பாவிலும் அமெரிக்காவிலும் அறிமுகப்படுத்தப்பட்ட பழுதுபார்க்கும் புதிய உரிமைச் சட்டங்கள் இதை மாற்றுகின்றன.

 

பிப்ரவரியில், நோக்கியா நிறுவனம் தனது முதல் ஸ்மார்ட்போனை வெளியிட்டது. இது ஆன்லைன் பழுதுபார்க்கும் வழிகாட்டிகளைப் பயன்படுத்தி உடைந்த பாகங்களை மாற்றுவதன் மூலம் நுகர்வோர் தங்கள் போனை தாங்களே சரிசெய்துகொள்ள முடியும்.

 

ஆப்பிள் பழுது பார்க்கும் கையேடுகளை ஆன்லைனில் வெளியிடத் தொடங்கியுள்ளது. மேலும், ஒரு சுய-சேவை பழுதுபார்க்கும் கடையைத் திறந்துள்ளது. அங்கு நுகர்வோர் ஆப்பிள் பாகங்களை வாங்கலாம் மற்றும் உடைந்த சாதனங்களை சரிசெய்ய உதவும் கருவிகளை வாங்கலாம் அல்லது வாடகைக்கு எடுத்துக்கொள்ளலாம்.

 

ஆனால் ஆப்பிளின் பழுது பார்க்கும் திட்டம் விரிவான கட்டுப்பாடுகளைக் கொண்டிருப்பதாக விமர்சிக்கப்பட்டது. ஒரு சாதனத்தின் தனிப்பட்ட பகுதியுடன் இணைக்கப்பட்ட தனிப்பட்ட வரிசை எண்ணை நுகர்வோர் வழங்க வேண்டும்.

 

 

 

"நாம் பொருட்களை தயாரிக்கும் விதம், சந்தைப்படுத்துதல் மற்றும் அனுப்புதல்- இந்த விநியோகச் சங்கிலிகள் பல தசாப்தங்களாக மேம்படுத்தப்பட்டவை. அதை [வணிக மாதிரியை] மாற்றுவது அல்லது அதற்கு முரணான ஒன்றைச் செய்வது என்பதை கற்பனை கூட செய்து பார்க் முடியாது. நிறுவனங்கள் உண்மையில் முதலீடு செய்வது கடினம்." என்கிறார் ஜோ ஐல்ஸ்.

 

இதற்கிடையில், " இந்த அனைத்து வணிக மாதிரியும், வளர்ச்சி மற்றும் அதிக ஸ்மார்ட்போன்களை விற்பனை செய்வதை அடிப்படையாகக் கொண்டது" என்கிறார் வான் ஏபெல்.

 

"ஒரு புதிய ஸ்மார்ட்போன்களை வெளியிடுவதில் நிறைய பேர் இன்னும் உற்சாகமாக இருக்கிறார்கள், ஆனால் ஒவ்வொரு வருடமும் புதிய ஒன்றைப் பெறுவது மிகவும் வீணானது, ஏனெனில் கேமராவில் இன்னும் சில மெகாபிக்சல்கள் இருப்பதால், திரை சற்று வித்தியாசமாக உள்ளது, அவ்வளவுதான்," என்கிறார் வான் ஏபெல்.

 

 

மின்னணு குப்பைகளின் அச்சுறுத்தலை கருத்தில் கொண்டு பல ஐரோப்பிய நாடுகள், சாதனங்களை பழுதானதும் தூக்கி வீசும் கலாச்சாரத்தை எதிர்த்து ஏற்கனவே போராடி வருகின்றன. இதனால் நுகர்வோர் பழுது பார்க்கக் கூடிய பொருட்களைத் தேர்ந்தெடுப்பது மற்றும் உடைந்த பொருட்களை சரிசெய்வதை எளிதாக்குகிறது.

 

2021 ஆம் ஆண்டில், பிரான்ஸ் தொலைக்காட்சிகள், ஸ்மார்ட்போன்கள், வாஷிங் மெஷின்கள், மடிக்கணினிகள் மற்றும் புல்வெளி அறுக்கும் இயந்திரங்கள் உள்ளிட்ட சில மின்னணு சாதனங்களை லேபிளிடத் தொடங்கியது.

 

ஸ்வீடனில், சலவை இயந்திரங்கள், பாத்திரங்களைக் கழுவுபவர்கள் மற்றும் சைக்கிள்கள் உள்ளிட்ட ஆடைகள் மற்றும் உபகரணங்களில் பழுது பார்ப்பதற்காக மக்கள் வரிச் சலுகைகளைப் பெறுகின்றனர்.

.

 

அமெரிக்க அதிபர் ஜோ பைடன் சமீபத்தில் ஒரு நிர்வாக உத்தரவில் கையெழுத்திட்டார். அது அமெரிக்க நுகர்வோர் தங்கள் சொந்த மின்னணு சாதனங்களை பழுது பார்க்கும் உரிமையை வழங்குவதை நோக்கமாகக் கொண்டது.

 

கலிபோர்னியா, நியூயார்க், மின்னசோட்டா மற்றும் கொலராடோ ஆகிய அனைத்தும் 2023 ஆம் ஆண்டில் பழுது பார்க்கும் சட்டத்தை அறிமுகப்படுத்தின.

 

"உற்பத்தியாளர்கள் தங்கள் நடத்தையை மாற்றிக் கொள்ளும் பல சட்டங்கள் இப்போது வெளிவருகின்றன. எங்கள் முதன்மை குறிக்கோள் முழு ஸ்மார்ட்போன் துறையையும் மிகவும் நிலையானதாக மாற்றுவதாகும். விநியோக சங்கிலியில் உள்ள பிரச்சனைகள் குறித்து விழிப்புணர்வை ஏற்படுத்தி அதற்கான தீர்வுகளை கொண்டு வருவோம்," என்கிறார் வான் ஏபெல்.