ஆப்பிள் நிறுவனத்தின் ஐபோன் 13 சீரிஸ் மாடல்கள் அடுத்த மாதம் அறிமுகம் செய்யப்பட இருக்கின்றன. புதிய தலைமுறை ஐபோன்களும் முந்தைய ஐபோன் 12 சீரிஸ் போன்றே நான்கு வேரியண்ட்களில் கிடைக்கும் என தெரிகிறது. 

 

அதிக ரிப்ரெஷ் ரேட் கொண்ட டிஸ்ப்ளே, சிறப்பான கேமரா போன்ற அம்சங்களுடன் உருவாகும் பட்சத்திலும் ஐபோன் 13 சீரிஸ் விலை உயர்த்தப்படாது என தகவல் வெளியாகி உள்ளது. முந்தைய ஐபோன் 12 சீரிஸ் விலையிலேயே புதிய ஐபோன் 13 மாடல்கள் விலையும் நிர்ணயம் செய்யப்படும் என கூறப்படுகிறது.

 

ஐபோன் 13 மினி விலை 699 டாலர்கள், இந்திய மதிப்பில் ரூ. 51,896 என துவங்கும். ஐபோன் 13 மாடல் விலை 799 டாலர்கள், இந்திய மதிப்பில் ரூ. 59,320, ஐபோன் 13 ப்ரோ விலை 999 டாலர்கள், இந்திய மதிப்பில் ரூ. 74,169, ஐபோன் 13 ப்ரோ மேக்ஸ் விலை 1,099 டாலர்கள், இந்திய மதிப்பில் ரூ. 81,594 வரை நிர்ணயம் செய்யப்படலாம்.