Antivirus பற்றி தெரிந்துகொள்ளுங்கள்!

தொழில்நுட்பத்தால் எந்த அளவு நன்மை ஏற்படுகிறதோ அதே அளவு தீமையும் ஏற்படுகின்றது. அதை கட்டுப்படுத்துவது என்பது பெரிய தலைவலி என்றே கூறலாம்.
தற்போது பல்வேறு வகையான அதிநவீன கணனிகள் பயன்பாட்டிற்கு வந்துவிட்டன. எனினும் அவற்றை வைரஸ் போன்றவற்றின் பாதிப்பில் இருந்து காப்பாற்றுவதில் Antivirus -ன் பங்கு முக்கியமானதாகும்.

வைரஸ் என்றால் என்ன

கணனி வைரஸ்கள் என்பன நமது கணனியில் பயன்படுத்தும் Mocrosoft Word, Excel, Google Chrome போன்ற மென்பொருட்களை போல ஒரு மென்பொருள்தான்.

ஆனால், சாதாரணமாக இயங்கிக்கொண்டிருக்கும் கணனியின் செயல்பாடுகளில் இடையூறு விளைவித்து கணனியின் செயல்பாட்டை முழுமையாகவோ பகுதியாகவோ பாதிக்கக்கூடிய ஒரு வகை ப்ரோக்ராம்(Program) ஆகும்

இந்த வைரஸ்களால் தன்னைப்போல ஒரு நகலை உருவாக்கி இன்னுமொரு கணனியையும் தாக்கமுடியும். இப்படி இவற்றால் பல்வேறு கணனிகளுக்கு பரவிச்செல்ல முடியும் என்பது குறிப்பிடத்தக்கது.

முதலில் தோன்றிய வைரஸாக அறியப்பட்டது கடந்த 1971 ஆண்டின் தொடக்கத்தில் தோன்றிய கிரீப்பர் வைரஸே ஆகும்

அதேபோல் அதனை சரி செய்வதற்காக ரே தாம்லின்சன் என்பவர் உருவாக்கிய தி ரீப்பர் (The Reaper) என்ற ப்ரோகிராமே முதல் Antivirus - ஆக அறியப்படுகிறது.

Antivirus என்றால் என்ன

பொதுவாக கணணி வைரஸ்கள் மல்வேர் (Malware) ட்ரோஜன் ஹோர்ஸ்(Trojan Horse) ரூட்கிட் (RootKit) வோர்ம் (Worm) என்ற பல வகைகள் உண்டு.