சில வாரங்களுக்கு முன்னர், குரோம் பிரவுசரில் நீங்கள் எளிதாக உலாவ, பயன்படுத்த, சில குறிப்புகளையும், ஷார்ட் கட் கீகளையும் தந்திருந்தேன். இந்த வாரத்தில் இன்னும் சில குறிப்புகளையும் காணலாம்.
1. பிரவுசரில் திறந்து வைக்கப்பட்டுள்ள தளங்களுக்குச்செல்ல,கீ போர்ட் வழியாக ஒரு வழி உள்ளது. முதலில், நீங்கள் விரும்பும் இணைய தளம் காட்டப்படும் டேப் எந்த இடத்தில் (1,2,3,4ஸ) உள்ளது எனப் பார்க்கவும். பின்னர், கண்ட்ரோல் கீ அழுத்தி, அதன் இடத்திற்கான எண்ணை (Ctrl+3) அழுத்தினால், அந்த குறிப்பிட்ட டேப் உள்ள தளம் திரையில் கிடைக்கும்.
2. ஸ்பேஸ் பாரினை அழுத்தினால், எந்த இணைய தளத்திலும், தளமானது ஒரு பக்கம் கீழாகச் செல்லும் என்பதனை நீங்கள் அறிந்திருக்கலாம். இதே போல, ஷிப்ட் கீ அழுத்தி ஸ்பேஸ் பார் அழுத்தினால், அதே போல பக்கங்களைத் தாண்டிச் செல்லலாம்.

3. குரோம் அதன் எக்ஸ்டன்ஷன்களுக்குச் செல்ல ஷார்ட் கட் கீ வழிகளை அமைக்க வசதி தருகிறது. இதற்கு chrome://extensions எனச் செல்லவும். கிடைக்கும் பக்கத்தில் கீழாகச் செல்லவும்.இங்கு "Keyboard shortcuts” என்ற இடத்தில் கிளிக் செய்து, நீங்கள் விரும்பும் செயல்பாடுகளுக்கு, ஷார்ட் கட் கீகளை அமைக்கலாம்.
4. சில எக்ஸ்டன்ஷன் புரோகிராம்கள் பின்னணியில் இயங்கினாலே போதும். எனவே, ஏன் அவை பிரவுசரின் டூல்பாரில், இடம் எடுத்துக் கொண்டு தேவையற்ற வகையில் காட்டப்படுகிறது. இதனைப் போக்க, எந்த எக்ஸ்டன்ஷன் காட்டப்பட வேண்டாம் என்று எண்ணுகிறீர்களோ, அதற்கான ஐகானில், ரைட் கிளிக் செய்து, கிடைக்கும் கீழ்விரி மெனுவில், "Hide button” என்ற பட்டனைத் தேர்ந்தெடுத்து அமைக்கவும்.
5. எந்தவிதமான கவனச் சிதறலும் இல்லாமல், இணையப் பக்கத்தில் உலா வர, F11 என்ற கீயை அழுத்தவும். உடன், குரோம் பிரவுசர் முழு திரையிலும் காட்டப்படும். வழக்கமாகக் காட்டப்படும் பிரவுசர் சார்ந்த ஐகான்கள் மற்றும் பிற வகை தோற்றங்கள் அனைத்தும் மறைக்கப்படும்.
6. நிறைய டேப்களைத் திறந்து வைத்து, பிரவுசரைப் பயன்படுத்துபவரா நீங்கள்? இவற்றில் சிலவற்றை மறைத்து வைக்க விரும்புகிறீர்களா? பிரவுசரின் முகவரி விண்டோவில், chrome://flags என டைப் செய்திடவும். அங்கு Stacked Tabs என்பதனைத் தேடி அறியவும். அதனை இயக்கும் வகையில் enable செய்திடவும். இதனால், டேப்கள் அனைத்தும் சுருங்கி, சிறியதாகக் காட்சியளிப்பதற்குப் பதிலாக, ஒன்றின் மேல் ஒன்றாக அடுக்கப்பட்டுக் காட்சி அளிக்கும்.
7. எந்த இணைய தளத்தினையும், அதன் காட்சித் தோற்றத்தினைப் பெரிதாக்கிப் (Zoom) பார்க்கலாம். பின் சுருக்கலாம். இதற்கு கண்ட்ரோல் கீ அழுத்திய நிலையில் "+” அல்லது "–” கீயினை அழுத்த வேண்டும். ஸூம் செய்யப்படும் அல்லது ஸூம் செய்த காட்சி சுருக்கப்படும். இதன் மூலம் இணைய தளப் பக்கத்தில் உள்ள எழுத்துக்களும் படங்களும் விரிக்கப்பட்டுக் காட்டப்படும்.
8. கண்ட்ரோல் + ஸீரோ (Ctrl+0) அழுத்தினால், நீங்கள் ஸும் செய்த ஸ்கிரீன், அல்லது சுருக்கிய திரை பழைய 100% நிலைக்குத் திரும்பும்.
9. நீங்கள் எப்போது விரும்பினாலும், குரோம் பிரவுசரின் தாய் முகப்புப் பக்கத்திற்குச் செல்லலாம். Alt+Home கீகளை அழுத்திப் பெறலாம். இதற்குப் பதிலாக ஹோம் பட்டன் இருந்தால், அதனை மட்டும் அழுத்திச் செல்லலாம் அல்லவா? இதனைப் பெற, chrome://settings தேர்ந்தெடுத்துச் செல்லவும். அங்கு, "Show Home button” என்று உள்ள பெட்டியில் டிக் அடையாளத்தை ஏற்படுத்தவும். இனி, இதற்கான பட்டன் ஒன்று ஸ்கீரினில் காட்டப்படும்.
10. எந்த இணையதளத்திற்குமான ஷார்ட் கட் ஒன்றை, விண்டோஸ் டெஸ்க்டாப்பில் அமைக்கலாம். முகவரி கட்டத்தில் காட்டப்படும் முகவரியினை, மவுஸ் மூலம் அப்படியே இழுத்துச் சென்று, திரையில் அமைத்தால், அது, அந்த இணைய தளத்திற்கான ஷார்ட் கட் கீயாகச் செயல்படும். அப்ளிகேஷன்களுக்கு நாம் ஏற்படுத்தும் ஷார்ட் கட் கீ ஒன்றையும், இணையப் பக்கங்களுக்கு ஏற்படுத்தலாம். பிரவுசரின் மெயின் மெனுவிற்குச் செல்லவும். அங்கு Tools தேர்ந்தெடுக்கவும். இதில் "Create application shortcuts” என்பதைத் தேர்ந்தெடுக்கவும். இனி, குறிப்பிட்ட பக்கமானது முழுமையாகத் திரை முழுவதும் காட்டப்படும். வழக்கமான பிரவுசர் சார்ந்த எதுவும் காட்டப்பட மாட்டாது.
11. பிரவுசரில் பல இணைய தளங்களைப் பார்த்துத் தேவையான தகவல்களை தேர்ந்தெடுக்கிறீர்கள். கம்ப்யூட்டரை நிறுத்தி, வேறு சில வேலைகளை முடித்து மீண்டும் திரும்ப நினைக்கிறீர்கள். பிரவுசரில் பார்த்த அனைத்து தளங்களும் அதன் டேப்களோடு உங்களுக்கு வேண்டும் என விரும்புகிறீர்கள். இதற்கு, chrome://settings செல்லவும். அங்கு, "On startup” என்பதனைத் தேர்ந்தெடுக்கவும். இதில் "Continue where I left off.” என்பதனைக் கிளிக் செய்து தேர்ந்தெடுத்து அமைக்கவும். அடுத்த முறை, குரோம் பிரவுசரை இயக்கும்போது, அதற்கு முன் இயக்கியபோது நீங்கள் பார்த்த அனைத்து இணைய தளங்களுடன், பிரவுசர் திறக்கப்படும்.

இந்த வார டவுண்லோட் கண்ட்ரோல் + சி

நாம் காப்பி செய்திடும் டெக்ஸ்ட் மற்றும் படங்கள் அனைத்தும் கிளிப் போர்டில் தான் சேவ் செய்யப்படுகின்றன. அவ்வப்போது காப்பி செய்துவிட்டு, அடுத்த வேலைக்கு நகன்றுவிடுவோம். எப்போதாவது, நாம் எவற்றை எல்லாம் காப்பி செய்து கிளிப் போர்டுக்குக் கொண்டு சென்றோம் என நீங்கள் எண்ணியதுண்டா? நேற்று காப்பி செய்தது இன்றைக்கும் வேண்டுமே என எண்ணி, அதனை எப்படி பெறுவது என்று தேடியதுண்டா? இதற்கெனவே, கண்ட்ரோல் + சி (ControlC!) என்ற பெயரில் ஒரு சாப்ட்வேர் அப்ளிகேஷன் நமக்கு இலவசமாக இணையத்தில் கிடைக்கிறது. இதனை இன்ஸ்டால் செய்துவிட்டால், நம் பிரவுசரில், நாம் கிளிப் போர்டுக்குக் கொண்டு சென்றதை எல்லாம் பெற்று பார்க்கலாம்.
இந்த புரோகிராம் http://controlc.com/ என்ற முகவரியில் உள்ள இணைய தளத்தில்

கிடைக்கிறது. இதனை இன்ஸ்டால் செய்தவுடன், இது நம்மிடம் கேட்கும் முதல் தேவை ஒரு பாஸ்வேர்ட் தான். இதன் மூலம் நம் டேட்டாவினைச் சுருக்கி வைத்துக் கொண்டு பின்னர் கேட்கும் போது தரும்.
எனவே, ஏதேனும் நினைவில் வைத்துக் கொண்டு பயன்படுத்தக் கூடிய பாஸ்வேர்ட் ஒன்றைக் கொடுத்து, அதனையே இந்த புரோகிராமிற்கான பாஸ்வேர்டாக அமைத்துவிடவும். பின்னர், இந்த புரோகிராமினைத் திறக்கவும். இது மாறா நிலையில் உங்கள் கம்ப்யூட்டரில் உள்ள, அதாவது நீங்கள் செட் செய்த பிரவுசரில் திறக்கப்படும். உடன், நீங்கள் செட் செய்த பாஸ்வேர்ட் கேட்கப்படும். அதனைக் கொடுத்தவுடன், பிரவுசரில், நீங்கள் கிளிப் போர்டுக்கு அனுப்பிய டேட்டாவினைக் காணலாம். நீங்கள் எதனையும் காப்பி செய்திடவில்லை என்றால், காலியாக இடம் காட்டப்படும். நான், இந்த புரோகிராமினை நிறுவிய பின்னர், சோதனைக்காக சிலவற்றை காப்பி செய்து, பின்னர் எணி பட்டன் அழுத்திய போது அவை காட்டப்பட்டன.
இந்தப் பக்கத்தின் மேலாக உள்ள Advanced என்ற பட்டனைக் கிளிக் செய்தால், மற்ற செட்டிங்ஸ் பக்கத்திற்கு நீங்கள் எடுத்துச் செல்லப்படுவீர்கள். இங்கு Advanced Search Settings, Settings, and Blacklist போன்ற டேப்களைப் பார்க்கலாம். Advanced Search Settings பகுதியில், நீங்கள் எந்த வகையில் தேடலை மேற்கொள்கிறீர்கள் என்பதனை வரையறை செய்திடலாம். தொடர்ந்து, சார்ந்த பல அமைப்புகளையும் உருவாக்கலாம். Admin Theme என்ற பிரிவில் கிடைக்கும் கீழ் விரி பட்டியல் பெட்டியில், பத்துவகையான கருத்துப் பொருட்கள், உங்கள் தேடலுக்கென கிடைக்கிறது. அத்துடன் உங்களுக்குக் காட்டப்படுபவை எப்படிக் காட்டப்பட வேண்டும் என்பதனையும் இங்கு விருப்பமாக அமைக்கலாம்.
டெக்ஸ்ட், பைல் மற்றும் படங்கள், கிளிப் போர்டுக்குச் சென்ற பின்னர், எத்தனை நாட்கள் வைக்கப்பட வேண்டும் என்பதனையும் செட் செய்திடலாம். மாறா நிலையில் இது இரு வார காலமாக அமைக்கப்பட்டுள்ளது. இன்னும் பல விருப்பங்களையும் இதில் அமைக்கலாம். விருப்பமுள்ளவர்கள் உடனே செல்ல வேண்டிய இணைய தள முகவரி: http://controlc.com/

டிஜிட்டல் எழுத்தின் அளவு

கம்ப்யூட்டரில், அச்செடுப்பில், எழுத்து ஒன்றின் அளவு, point என்ற அலகால் குறிப்பிடப்படுகிறது. இது அச்செழுத்து வடிவம் சார்ந்த அளவு கோலாகும். இந்த அலகின் அளவு ஓர் அங்குலத்தில் 72ல் (1/72) ஒரு பங்கு. அச்சுத் துறையில், எழுத்தின் அளவைக் குறிக்க, இதுவே பரவலாகப் பயன்படுத்தப்பட்டு வருகிறது.

வேர்ட் புரோகிராமிலும் இந்த point அளவே பயன்படுத்தப்படுகிறது. நீங்கள் 12 பாய்ண்ட் எழுத்து ஒன்றைப் பயன்படுத்துகையில், அது ஓர் அங்குலத்தில் ஆறில் ஒரு பங்கு 12/72 ( அல்லது 1/6) இடத்தை எடுத்துக் கொள்கிறது. எழுத்தின் மேல் நிலையிலிருந்து (riser) கீழாக (des cender) இதன் அளவினை எடுத்துக் கொள்ள வேண்டும்.எனவே, 72 பாய்ண்ட் அளவில் எழுத்து ஒன்றைப் பயன்படுத்தினால், அது ஓர் அங்குல உயரத்திலான பெட்டி அளவில் அமர்ந்து கொள்கிறது.
இந்த point அளவினை நாம் நன்றாகப் புரிந்து கொண்டால், வேர்ட் புரோகிராமில் இதனையே அடிப்படை அலகாக வைத்துச் செயல்படலாம். இதனைக் குறிக்க pt என்ற எழுத்துக்கள் பயன்படுத்தப்படுகின்றன. இதற்கு மாறாக, கீழ்க்காணும் வழிகள் மூலமாகவும், வேர்டில் எழுத்தின் மாறா அளவி நிலையை அமைக்கலாம்.
1. வேர்ட் ஆப்ஷன்ஸ் (Word Options) டயலாக் பாக்ஸைத் திறக்கவும். வேர்ட் 2007ல், ஆபீஸ் பட்டன் கிளிக் செய்து, பின்னர் கிடைக்கும் கட்டத்தின் கீழாக இடது பக்கம் இந்த டேப் காணப்படும். வேர்ட் 2010 மற்றும் வேர்ட் 2013 புரோகிராம்களில், ரிப்பனில் பைல் டேப்பினைத் தேர்ந்தெடுத்து, அதில் Options என்பதில் கிளிக் செய்திடவும்.
2. டயலாக் பாக்ஸின் இடது பக்கம் உள்ள Advanced என்ற ஆப்ஷனைத் தேர்ந்தெடுக்கவும்.
3. கீழாகச் செல்லவும். Display என்பதனைக் கண்டறியவும். இங்கு கிடைக்கும் கீழ் விரி பட்டியலில், Show Measurements in Units என்பதனைப் பயன்படுத்தி, Points என்பதனைத் தேர்ந்தெடுக்கவும்.
4. பின்னர், ஓகே கிளிக் செய்து சேவ் செய்திடவும்.