இந்தியாவிலிருந்து கொண்டு வரப்பட்டுள்ள சாந்தனின் உடல் பிரேதப்பரிசோதனைக்காக நீர் கொழும்பு வைத்தியசாலைக்கு கொண்டு செல்லப்பட்ட நிலையில் தற்போது அதில் தாமதம் ஏற்பட்டுள்ளதாக தெரிவிக்கப்பட்டுள்ளது.

 

இந்த விடயம் தொடர்பில் குரலற்றோர் குரல் அமைப்பு ஒருங்கிணைப்பாளரும் சாந்தனின் மைத்துனனுமான கோமகனிடம்  அவர் இதனை தெரிவித்துள்ளார். 

 

நேற்றையதினம் காலி 11. 30 மணியளவில் இலங்கை கொழும்பு கட்டுநாயக்க விமான நிலையத்தை வந்தடைந்த சாந்தனின் உடல் உறவினர்களிடம் ஒப்படைப்பதில் தாமதம் ஏற்பட்டதை தொடர்ந்து பிரேதப்பரிசோதனைக்காக நீர் கொழும்பு வைத்தியசாலைக்கு கொண்டு செல்லப்பட்டது.

 

இந்தநிலையில், சாந்தனின் உடலம் வைக்கப்பட்டுள்ள பெட்டி நீதிபதியின் முன்னிலையிலேயே திறக்கப்பட வேண்டும் என்ற சட்டத்திற்கு அமைய அதில் தாமதம் ஏற்பட்டுள்ளதாக தெரிவிக்கப்பட்டுள்ளது.

 

குறித்த வைத்தியசாலைக்கு நீர்கொழும்பு நீதவான் இதுவரை (10.00 AM) சமூகமளிக்கவில்லை எனவும் அவர் வருகையின் பின்னரே பரிசோதனைகள் இடம்பெறும் எனவும் தெரிவிக்கப்பட்டுள்ளது.

 

எனினும், இன்று மாலை சாந்தனின் உடலம் கையளிக்கப்படலாம் என கோமகன் தெரிவித்துள்ளார்.

 

இதனை தொடர்ந்து, சாந்தனின் உடல் யாழ்ப்பாணம் கொண்டு செல்வதற்கான ஏற்பாடுகள் மேற்கொள்ளப்பட்டுவருவதுடன் அங்கு மக்கள் அஞ்சலிக்கு வைப்பதற்கான ஏற்பாடுகளும் இடம்பெற்று வருகின்றமை குறிப்பிடத்தக்கது.