.

மன்னார் தீவில் காற்றாலை திட்டத்தை தனியார் துறை முதலீட்டாளர்களுடன் உருவாக்கி, சொந்தமாக மற்றும் இயக்க (BOO) அடிப்படையில் செயல்படுத்துவதற்கு அமைச்சரவை அனுமதி வழங்கியுள்ளது.

 

அரசாங்கத்தின் தகவலின்படி, மன்னார் தீவில் காற்றாலை மின் நிலையத்தை இயக்குவதற்கு ஆசிய அபிவிருத்தி வங்கியின் (ADB) நிதியின் கீழ் 47 மில்லியன் அமெரிக்க டொலர்களை செலவழித்து 6 மேலதிக விசையாழிகளை நிறுவி மின்சார உற்பத்தியை அதிகரிக்கும் திட்டத்தை நடைமுறைப்படுத்துவதற்கு 2020 ஒக்டோபரில் அமைச்சரவையின் அங்கீகாரம் கிடைத்தது.

 

 20 வருட செயற்பாட்டு காலத்துடன்

 எனினும், அரசாங்கத்தின் வெளிநாட்டுக் கடன் மறுசீரமைப்புத் திட்டம் நடைமுறைப்படுத்தப்படும் வரை ஆசிய அபிவிருத்தி வங்கியின் நிதியைப் பயன்படுத்த முடியாது.

 

.

இதன்படி, 20 வருட செயற்பாட்டு காலத்துடன் போட்டி அடிப்படையில் தெரிவு செய்யப்பட்ட தனியார் துறை முதலீட்டாளர்களைக் கொண்டு இத்திட்டத்தை நடைமுறைப்படுத்த மின்சக்தி மற்றும் எரிசக்தி அமைச்சரினால் முன்வைக்கப்பட்ட யோசனைக்கு அமைச்சரவை அங்கீகாரம் வழங்கியுள்ளது.