அரச இராணுவத்துடன் அல்லது புலனாய்வுத்துறையினரின் அனுசரணையுடனே மட்டக்களப்பு - வாகரை கல்லடியில் அமைக்கப்பட்ட மாவீரர் துயிலுமில்லம் விஷமிகளால் உடைக்கப்பட்டுள்ளதாக நாடாளுமன்ற உறுப்பினர் இரா.சாணக்கியன் தெரிவித்துள்ளார்.

 

குறித்த இடத்திற்கு நேற்று(26) விஜயம் மேற்கொண்ட போதே மேற்கண்டவாறு கூறியுள்ளார்.

 

இதன் போது அவர் மேலும் கருத்து தெரிவிக்கையில், “2023 கார்த்திகை மாதத்திலே இந்த வாரம் தமிழர்களுக்கு முக்கியமான வாரமென்பது தமிழர்களுக்கு தான் தெரியும்.

 

இந்த மண்ணுக்காகப் போராடி, இந்த மண்ணிலே எமது மக்கள் சுதந்திரமாக, கௌரவமாக வாழ வேண்டுமென்ற ஒரே காரணத்திற்காக விடுதலைப் போராட்டம் இடம்பெற்றது.

 

 

இதனால் இலட்சக்கணக்கான, மக்கள் இராணுவத்தினரால் மாறி மாறி வந்த சிங்கள அரசாங்கத்தினரால் கொல்லப்பட்டனர்.

 

 

இந்த வாரத்திலே, விடுதலைப் போராட்டம் மௌனிக்கப்பட்டதன் பிற்பாடு தமிழ் மக்கள் தங்கள் இழந்த உறவுகளை நினைவுகூறும் வகையிலே வடக்கு கிழக்கில் மட்டுமன்றி சர்வதேச ரீதியிலும் நினைவேந்தல் நிகழ்வுகள் நடை பெற்று வருகின்றன ”என்றார்.