தன்னை கைது செய்யப்போவதாக வெளியான தகவல் குறித்து நாம் தமிழர் கட்சியின் தலைவர் சீமான் பதில் அளித்துள்ளார்.

 

 

அமேசான் கிரேட் ஃப்ரீடம் சேல் - டிவிகள், வாஷிங் மெஷின்கள் மற்றும் குளிர்சாதனப் பெட்டிகள் ஆகியவற்றுக்கான ஆரம்ப சலுகைகள் 65% வரை தள்ளுபடி

நாம் தமிழர் கட்சியின் தலைமை ஒருங்கிணைப்பாளரும் திரைப்பட இயக்குநருமான சீமான் தன்னை திருமணம் செய்து கொள்வதாக கூறி ஏமாற்றிவிட்டதாக நடிகை விஜயலட்சுமி புகார் அளித்துள்ளார். மதுரை மீனாட்சி அம்மன் கோவிலில் மாலை மாற்றி திருமணம் செய்த சீமான், பாலியல் ரீதியாக தன்னை பயன்படுத்திவிட்டு ஏமாற்றிவிட்டதாக குற்றம்சாட்டியுள்ளார் விஜயலட்சுமி.

 

 

 

2011 ஆம் ஆண்டு இதுகுறித்து புகார் அளித்த விஜயலட்சுமி சீமான் தன்னை திருமணம் செய்துகொள்வதாக உறுதி அளித்ததால் தான் அமைதியாக இருந்ததாகவும் இனியும் காத்திருக்க முடியாது எனவும் கூறி கடந்த வாரம் கமிஷனர் அலுவலகத்தில் புகார் அளித்தார். பின்னர் சென்னை ராமாபுரம் காவல்நிலையத்திலும் நடிகை விஜயலட்சுமி புகர் அளித்தார்.

 

 

 

 

சீமான் தன்னை கட்டாயப்படுத்தி 7 முறை கருக்கலைப்பு செய்ததாகவும் அடித்து துன்புறுத்தியதாகவும் கூறியிருந்தார் விஜயலட்சுமி. இதையடுத்து துணை கமிஷர் உமையாள் 8 மணி நேரத்திற்கும் மேலாக விஜயலட்சுமியிடம் விசாரணை நடத்தினார். அப்போது விஜயலட்சுமியிடம் இருந்து சீமான் மீதான புகார் குறித்த ஆவணங்கள் பெறப்பட்டன.

 

 

 

இதையடுத்து மகிளா நீதிமன்ற நீதிபதி முன்பு ஆஜர்படுத்தப்பட்ட விஜயலட்சுமி வாக்குமூலம் அளித்தார்.

இந்நிலையில் சீமான் கைது செய்யப்படவுள்ளதாக நேற்று தகவல் வெளியானது. சீமானை கைது செய்ய தனிப்படை போலீசார் உதகை விரைந்துள்ளதாகவும் தகவல்கள் பரவின.

இதனால் தமிழக அரசியல் வட்டாரத்தில் பெரும் பரபரப்பு ஏற்பட்டது.

 

 

இந்நிலையில் நாம் தமிழர் கட்சியின் தலைமை ஒருங்கிணைப்பாளரான சீமான் கோவையில் செய்தியாளர்களை சந்தித்தார். அப்போது பேசிய அவர், தன்னை கைதுசெய்ய தனிப்படை விரைந்துள்ளதாக வெளியான தகவலை சிரித்தப்படியே அதெல்லாம் வெறும் வதந்தி என மறுத்தார். மேலும் தன்னைப் பார்த்தால் மிரட்டலுக்கெல்லாம் பயப்படுற ஆள் மாதிரி தெரியுதா என்றும் சிரித்துக்கொண்டே கேட்டார் சீமான்.

 

 

விஜயலட்சுமி விவகாரத்தை சட்டரீதியாகவும், அரசியல் ரீதியாகவும் சந்திக்க தயார் என்றும் சீமான் தெரிவித்தார். தொடர்ந்து பேசிய சீமானின் வழக்கறிஞர், அரசியலில் பழிவாங்க வேண்டும், அசிங்கப்படுத்த வேண்டும் என்ற நோக்கத்தில் சீமான் மீது பொய் வழக்கு போடப்படுவதாக குற்றஞ்சாட்டினார்.