விடுதலைப் புலிகளின் தலைவர் வேலுப்பிள்ளை பிரபாகரனை கைப்பற்றும் நோக்கத்தோடு இந்தியாவின் முப்படைகளும் மேற்கொண்ட நித்தகைக்குள முற்றுகைகள் பற்றி பல விடயங்களை உண்மையின் தரிசனம் நிகழ்ச்சிகளில் நாம் விரிவாக பார்த்திருந்தோம்.

 

இந்தியப் படைகளின் அதிஉயர் பலப் பிரயோகத்துடன் கூடிய நித்தகைக்குள முற்றுகை பற்றிய மற்றொரு பதிவையும் அந்த நித்தகைக்குள தளத்தில் இடம்பெற்ற தலைவர் பிரபாகரனுடன் தொடர்புபட்ட ஒரு சில சம்பவங்கள் பற்றியும் தான் இன்றைய உண்மையின் தரிசனம் நிகழ்ச்சியிலும் நாம் பார்க்க இருக்கின்றோம்.

 

இந்தியாவின் பிரபல எழுத்தாளர் எம்.ஆர். நாராயன் சுவாமி எழுதிய பிரபல்யமான புத்தகம் தான் Inside An Elusive Mind Prabhakaran. அந்தப் புத்தகத்தில் விடுதலைப் புலிகளின் தலைவர் தொடர்பான நிறைய விடயங்கள் வெளியாகி இருந்தன.

 

 

அந்தப் புத்தகத்தின் 22ஆவது அத்தியாயத்தில் டீப் அண்டர் கிரவுண்ட் (Deep Underground) என்ற தலைப்பில் விடுதலைப் புலிகளின் தலைவர் பிரபாகரன் அவர்களின் நித்தகைக்குள தளம் பற்றி இவ்வாறு விவரிக்கப்பட்டிருந்தது.