எல்லைகளைக் கடந்து நாங்கள் எங்கள் சர்வதேச சகாக்களுடன் இணைந்து செயற்பட்டிருக்காவிட்டால் எங்களால் விடுதலைப்புலிகளை தோற்கடித்திருக்க முடியாது என வெளிவிவகார அமைச்சர் அலி சப்ரி தெரிவித்துள்ளார்.

 

அண்மைய அமெரிக்காவின் உயர் மட்டக் குழுவினரின் இலங்கை விஜயம் தொடர்பில் கருத்து தெரிவிக்கையில் அவர் மேற்கண்டவாறு கூறினார்.

 

 

மேலும் கருத்து வெளியிட்ட அவர், “ விடுதலைப் புலிகள் அமைப்பை தோற்கடிப்பதற்கு அமெரிக்காவின் புலனாய்வு தகவல்களே உதவின என்பது எங்களிற்கு தெரியும்.

 

இவ்வாறான செயற்பாட்டின் மூலம் எங்களால் விடுதலைப்புலிகளின் ஆயுத விநியோகத்தை முடக்க முடிந்தது.

 

அவர்களின் நிதி திரட்டும் நடவடிக்கைகளை முடக்கினோம். சர்வதேச அளவில் அவர்களை தடை செய்தோம்.

 

விடுதலைப் புலிகளின் 9 ஆயுதக் கப்பல்களை சிறிலங்கா கடற்படை அழித்தது.

 

இது எங்களது புலனாய்வு பிரிவினர் அமெரிக்க புலனாய்வு பிரிவினருடன் ஒத்துழைத்ததன் காரணமாகவே சாத்தியமானது” - என்றார்.