இலங்கையில் அண்மைக்காலமாகக் கொலை, வாள் வெட்டு மற்றும் கொள்ளைச் சம்பவங்கள் அதிகரித்துக் காணப்படுகின்றது, அதிலும் யாழ் மாவட்டத்தில் இச்சம்பவங்கள் மிக அசுர வேகத்தில் தலை தூக்கியுள்ளது. அதாவது நேற்று முன்தினம் அனலைதீவில் கனடாவிலிருந்து வந்த குடும்பத்தவர்கள் தங்கியிருந்த வீட்டினைக் கொள்ளைக் கும்பல் ஒன்று முற்றுகையிட்டுள்ளது.

 

இதன்போது நால்வர் அடங்கிய கும்பல் வீட்டிலிருந்த மூவரைக் கட்டி வைத்ததுடன் கனடா பிரஜை ஒருவர் மீது வாள்வெட்டுத் தாக்குதலினை மேற்கொண்டதுடன் வீட்டிலிருந்த 3000 அமெரிக்க டொலரினையும் பல வெளிநாட்டுச் சொத்துக்களையும் கொள்ளையடித்துச் சென்றுள்ளது அப்பகுதியிலும் ஊடகங்களிலும் பரபரப்பாகப் பேசப்படுகின்றது, இவ்வாறான சம்பவங்களினால் மக்கள் தமது சொந்த இடங்களுக்கு வருவதற்கு தயங்குவதாகத் தெரிவிக்கப்பட்டுள்ளது.