ராஜபக்ச அரசாங்கம் தமிழின அழிப்பின் கருவியாக சீனாவை பயன்படுத்தியதாக தமிழ்த் தேசிய மக்கள் முன்னணியின் தலைவரும் நாடாளுமன்ற உறுப்பினருமான கஜேந்திரகுமார் பொன்னம்பலம் தெரிவித்துள்ளார்.

 

தமிழ்த் தேசிய மக்கள் முன்னணியின் உப செயலாளர் இ.நா.சிறிஞானேஸ்வரன் எழுதிய "பன்னாட்டுக் குற்றங்கள்" என்ற புத்தகத்தின் வெளியீட்டு நிகழ்வு நேற்றைய தினம் இடம்பெற்றது.

 

யாழ்ப்பாணப் பல்கலைக்கழக நூலக கேட்போர் கூடத்தில் இந்த நிகழ்வில் இடம்பெற்றது.

 

இந்நிகழ்வில், "பன்னாட்டுக் குற்றங்களும் தமிழினமும்" எனும் தலைப்பில் கஜேந்திரகுமார் பொன்னம்பலம் சிறப்புரையாற்றினார்.

 

 

 

இதன்போதே இக்குற்றச்சாட்டை முன்வைத்துள்ளார்.

 

சிறிலங்கா அரசாங்கம் தமிழ் மக்களுக்கு எதிரான இன அழிப்பை மேற்கொள்வதற்காக சர்வதேச உதவிகளை பயன்படுத்தியதாலேயே நாடு தற்பொழுது பொருளாதார நெருக்கடியை எதிர்கொண்டுள்ளதாக அவர் தெரிவித்துள்ளார்.