மட்டக்களப்பு கல்லடி பாலத்தின் கீழ் உள்ள வாவியில் உயிரிழந்த நிலையில் பெண் ஒருவர் சடலமாக இன்று (22)  பகல் 12 மணிக்கு மீட்கப்பட்டுள்ளதாக காத்தான்குடி பெலிஸார் தெரிவித்தனர்.

 

குறித்த வாவியில் சடலம் ஒன்று கரையொதுங்கியுள்ளதாக பொதுமக்கள் பொலிஸாருக்கு தகவல்  வழங்கியதையடுத்து பொலிஸார் சம்பவ இடத்துக்கு சென்று  வாவியில் கறுப்பு நிறத்திலான நீளகாச்சட்டையும் சேட்டும் அணிந்த நிலையில் இருந்த பெண் ஒருவரின் சடலத்தை மீட்டுள்ளனர்.

 

 

 

மீட்கப்பட்ட சடலம் 25 வயது மதிக்க தக்க பெண் ஒருவர் எனவும் இதுவரை அடையாளம் காணப்படவில்லை எனவும் நீதிமன்ற உத்தரவுக்கு அமைய சடலத்தை பிரோத பரிசோதனைக்காக வைத்தியசாலையில் ஒப்படைப்பதற்கான நடவடிக்கை எடுக்கப்பட்டுவருவதாக பொலிஸார் தெரிவித்தனர்.

 

இது தொடர்பான மேலதிக விசாரணைகளை காத்தான்குடி பொலிஸார் மேற்கொண்டுவருகின்றனர்.