யாழில் பெருவாரியான வாக்குகளை பெற்று வெற்றிபெற்றுள்ள அங்கஜன் ராமநாதனுக்கு, நல்ல பதவிகளை கோட்டபாய அள்ளி வழங்கியுள்ள அதேவேளை. டக்ளஸ் தேவானந்தாவுக்கு முக்கியமில்லாத பதவிகளையே இம்முறை வழங்கியுள்ளார்

யாழ்ப்பாணம் மாவட்ட ஒருங்கிணைப்புக் குழுவின் தலைவராக நாடாளுமன்றுக்கு தெரிவாகியுள்ள அங்கஜன் இராமநாதன் நியமிக்கப்பட்டுள்ளார். அமைச்சர்கள் மற்றும் இராஜாங்க அமைச்சர்கள் பதவியேற்பு நேற்று புதன்கிழமை காலை 9 மணியளவில் வரலாற்று முக்கியத்துவமிக்க கண்டி ஸ்ரீ தலதா மாளிகை வளாகத்தில் உள்ள மகுல்மடுவ மண்டபத்தில் ஜனாதிபதி தலைமையில் ஆரம்பமானது.

 

இதன் முதல் நிகழ்வாக மாவட்ட ஒருங்கிணைப்புக் குழுத் தலைவர்கள் நியமிக்கப்பட்டனர். கிளிநொச்சி மாவட்ட ஒருங்கிணைப்புக் குழுவின் தலைவராக டக்ளஸ் தேவானந்தா நியமிக்கப்பட்டுள்ளார்.வவுனியா மாவட்ட ஒருங்கிணைப்புக் குழுவின் தலைவராக கே. திலீபன் நியமிக்கப்பட்டுள்ளார்.மன்னார், முல்லைத்தீவு மாவட்டங்களின் ஒருங்கிணைப்புக் குழுவின் தலைவராக காதர் மஸ்தான் நியமிக்கப்பட்டுள்ளார்.

 

திருகோணமலை மாவட்ட ஒருங்கிணைப்புக் குழுவின் தலைவராக கபில அத்துக்கொரல நியமிக்கப்பட்டுள்ளார்