கல்முனையில் தமிழீழ விடுதலைப் புலிகளின் புரட்சி பாடல்களை ஒலிபரப்பிய சந்தேகத்தின் பெயரில் ஒருவர் கைது செய்யப்பட்டிருப்பதாக கொழும்பு ஊடகம் ஒன்று செய்தி வெளியிட்டுள்ளது.
கல்முனை – அம்மன் கோயில் வீதியில் புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாஸவை ஆதரித்து தமிழ்த் தேசியக் கூட்டமைப்பு பிரசார கூட்டத்தை ஒழுங்கு செய்திருந்தது.
கூட்டம் ஆரம்பிக்கப்படுவதற்கு முன்னதாக விடுதலைப் புலிகளின் புரட்சிப் பாடல் ஒலிக்கப்பட்டதாக தெரிவிக்கப்படுகின்றது.
அதுதொடர்பாக காவற்துறைக்கு தகவல் வழங்கப்பட்ட நிலையில், கூட்டத்துக்கான ஒலி ஏற்பாடுகளை செய்திருந்த இளைஞர் ஒருவர் கைது செய்யப்பட்டதாகவும் அந்த செய்தியில் குறிப்பிடப்பட்டுள்ளது