கொழும்பு மற்றும்  ஏனைய  பிரதேசங்களில் இன்று   காலை இடம் பெற்ற   குண்டு வெடிப்பினை தொடர்ந்து  சம்பவம் இடம் பெற்றுள்ள  பகுதியில் பாதுகாப்பு  பலப்படுத்தப்பட்டுள்ளது.

அத்துடன் பாதுகாப்பு  மேலும்  வலுப்படுத்தப்பட்டுள்ளதாகவும் அரசாங்க தகவல் திணைக்களம் அறிக்கை   வெளியிட்டுள்ளது.
 குறித்த குண்டு வெடிப்புக்கள் தொடர்பில்    பொலிஸார் முன்னெடுக்கின்ற   ஆரம்பக்கட்ட விசாரணைகளுக்கு பொதுமக்கள் ஒத்துழைப்பு வழங்குவது   அவசியமாகும்.
மேலும் பாதிக்கப்பட்ட மக்கள்  போக்குவரத்து  நடவடிக்ககைகளில்  ஈடுப்படுவதையும் முடிந்த வரையில் குறைத்துக் கொண்டு  நிலைமையினை  கட்டுப்பாட்டுக்குள் கொண்டு  வர முழுயையான ஒத்துழைப்பு வழங்குமாறும் கோரிக்கை விடுக்கப்பட்டுள்ளது.

பாதுகாப்புச் சபை கூடுகின்றது !

நாட்டில் இடம்பெற்ற தொடர் குண்டுவெடிப்பையடுத்து அவசரமாக பாதுகாப்புச் சபை கூடுகின்றது.

நாட்டில் ஜனாதிபதி இல்லாத நிலையில் பிரதமர் தலைமையில் குறித்த பாதுகாப்புச் சபை அவசரமாக இன்று கூடுகின்றது.
அத்துடன் பாதுகாப்பு இராஜாங்க அமைச்சர் ரூவான் விஜேவர்தன உள்ளிட்ட சில அமைச்சர்களும் இதில் கலந்துகொள்ளவுள்ளனர்.
அவசரமாக பாராளுமன்றத்தை கூட்டுவது தொடர்பான அமைச்சரவையும் இன்று கூடவுள்ளமை குறிப்பிடத்தக்கது.