அர­சியல் தீர்­வு­க­ளுக்­காக இது­வரை நாம் முன்­வைத்த யோச­னை­க­ளையும் கையாண்ட முயற்­சி­க­ளையும் குப்­பைத்­தொட்­டியில் வீசி­விட்டு மீண் டும் நாட்டில் ஒரு மோதலை உரு­வாக்­கப்­போ­கின்­றோமா? அல்­லது இது­ வரை எடுத்த முயற்­சி­களை கொண்டு தீர்வை நோக்கி பய­ணிக்­கப்­போ­கின்றோமா? என்­பதை ஆட்­சி­யா­ளர்கள் தீர்­மா­னிக்க வேண்டும்.
இந்த நாட்டில் அர­சியல் தீர்வை எட்­டாது ஒரு­போதும் நாட்­டினை கட்­டி­யெ­ழுப்ப முடி­யாது என்று தமிழ் தேசிய கூட்­ட­மைப்பின் தலைவர் இரா. சம்­பந்தன் தெரி­வித்தார்.
மைத்­திரி, -ரணில், -மஹிந்த மூவ­ருமே அதி­யுச்ச அதி­கா­ரப் பகிர்வை முன்­னெ­டுப்­ப­தாக கூறியும் இன்­று­வரை தீர்வு கிடைக்­க­வில்லை எனவும் அவர் ஆதங்கம் வெளியிட்டார்.
பாரா­ளு­மன்­றத்தில் நேற்று செவ்­வாய்க்­கி­ழமை வரவு செலவு திட்­டத்தின் இரண்டாம் வாசிப்பு மீதான இறு­திநாள் விவா­தத்தில் கலந்­து­கொண்டு உரை­யாற்­றும்­போதே அவர் இதனைக் குறிப்­பிட்டார். அவர் மேலும் கூறு­கையில்,
நாட்டில் பொரு­ளா­தார நெருக்­க­டி­யொன்று உரு­வா­கி­யுள்ள நிலையில் நிதி அமைச்சர் வரவு செலவு திட்­ட­மொன்றை முன்­வைத்­துள்ளார்.
அதேபோல் வடக்கு கிழக்கு பிர­தே­சங்­க­ளுக்கு நிதி ஒதுக்­கப்­பட்­டுள்­ளது. குறிப்­பாக யுத்­தத்தால் பாதிக்­கப்­பட்ட பகு­தி­க­ளுக்கு நிதி ஒதுக்­கப்­பட்­டுள்­ளது.
அதேபோல் ஏனைய அபி­வி­ருத்­தி­க­ளுக்கும் விசேட நிதியம் ஒன்றும் உரு­வாக்­கப்­பட்­டுள்­ளது. வடக்கு கிழக்கு அபி­வி­ருத்­திக்கு இவை பயன்­பா­டாக அமையும்.
அதேபோல் நாடு கடன் நெருக்­க­டியில் தள்­ளப்­பட்­டுள்­ளது. கடன், சேவைகள் மற்றும் பாது­காப்பு என்ற கார­ணி­க­ளுக்கு அதிக அள­வி­லான நிதி ஒதுக்­கப்­பட்­டுள்­ளது.
இரண்டு ஆட்­சி­யிலும் பாது­காப்­புக்கு அதிக பணம் ஒதுக்­கப்­பட்­டுள்­ளது. இரண்டு தரப்பும் ஒரு­வரை ஒருவர் குறை கூறிக்­கொண்டு செயற்­ப­டு­கின்­றனர்.
இந்த நாட்டின் அபி­வி­ருத்­திக்கு கடந்த கால சிவில் யுத்தம் பாரிய தடை­யாக அமைந்­தது. இதில் பிர­தான இரண்டு கட்­சி­களும் அர­சியல் தீர்வு ஒன்­றினை முன்­வைத்­தி­ருந்தால் யுத்­தத்தை தவிர்த்­தி­ருக்க முடியும் ஆனால் நாட்டில் ஒரு சரி­யான தலைமை இல்­லாது போன­மையே யுத்­தத்­திற்கு கார­ண­மாக அமைந்­தது. அப்­போதே தீர்வு ஒன்­றினை கொடுத்­தி­ருந்தால் பிர­பா­கரன் கொல்­லப்­பட்­டி­ருக்க மாட்டார்.
இன்­று­வரை தீர்வு இல்லை
தமி­ழர்கள் இறுக்­க­மா­ன­வர்கள் அல்ல. நாம் ஆழ­மாக கலா­சார மற்றும் பண்­பாட்­டைக்­கொண்ட நபர்கள். அதேபோல் 25 ஆண்­டு­கால யுத்­தத்தை அர­சாங்கம் முடி­வுக்கு கொண்­டு­வந்­தது.
இதில் சர்­வ­தேச சமூ­கத்தின் முழு­மை­யான ஆத­ர­வுடன் விடு­த­லைப்­பு­லிகள் அழிக்­கப்­பட்­டனர். இலங்­கையில் விடு­த­லைப்­பு­லிகள் தடை­செய்­யப்­பட்­டனர்.
அதேபோல் சர்­வ­தேச நாடு­க­ளிலும் விடு­த­லைப்­பு­லிகள் தடை­செய்­யப்­பட்­டனர். யுத்தம் முடிந்­த­வுடன் அர­சியல் தீர்வு கிடைக்கும் என கூறி­னீர்கள். ஆனால் இன்­று­வரை தீர்வு கிடைக்­க­வில்லை.
தமிழர் தரப்பு தீர்வு எட்ட முழு­மை­யான ஆத­ரவை அர­சாங்­கத்­திற்கு வழங்­கு­கின்­றது. தமிழ் அர­சியல் தலை­மை­களும் தமிழ் மக்­களும் அர­சியல் தீர்வு விட­யத்தில் முழு­மை­யான ஒத்­து­ழைப்­புடன் செயற்­பட்டு வரு­கின்­றனர். எமது இலக்கை அடைய எம்மால் முடிந்த சகல விட்­டுக்­கொ­டுப்­பு­க­ளையும் செய்து வரு­கின்றோம்.
இந்த விவ­கா­ரத்தில் பல விட­யங்­களில் எமக்கு தோல்வி கிடைக்கும் என்­பதை எம்மால் உணர முடி­கின்­றது.
ஆனாலும் தீர்­வு­களை பெற்­றுக்­கொ­டுக்கும் விட­யத்தில் எமது முழு­மை­யான அர்ப்­ப­ணிப்­புடன் எமது முயற்­சியை நாம் முன்­னெ­டுத்து வரு­கின்றோம்.
மேலும் இன்றும் நாட்டில் ஊழல், வீண் விரயம் என்ற பல விட­யங்கள் உள்­ளன. இதில் இரண்டு தரப்­பி­னரும் ஒரு­வரை ஒருவர் குறை கூறிக்­கொண்டு தப்­பிக்க முயற்­சித்து வரு­கின்­றனர்.
ஆனால் இதன் விளை­வுகள் இறு­தி­யாக நாட்­டி­னையே பாதிக்கும். இந்த ஆட்­சிக்கும் நாட்­டினை பலப்­ப­டுத்த தெரி­ய­வில்லை. சர்­வ­தேச முத­லீட்­டா­ளர்கள் குறித்து அக்­க­றை­யில்­லாது இந்த அர­சாங்கம் செயற்­பட்டு வரு­கின்­றது.
25 வரு­ட­கால யுத்தம் முடி­வுக்கு வந்­துள்­ளது. ஆனால் நாடு இன்­னமும் முன்­னேற முடி­யா­துள்­ளது. எம்­மைப்­போல உல­கத்தில் பல நாடுகள் நெருக்­க­டி­யான சூழலில் இருந்து அபி­வி­ருத்­தி­ய­டைந்­துள்­ளன.
இந்த விட­யத்தில் சிங்­கபூர் எமக்கு நல்­ல­தொரு உதா­ர­ண­மாகும். 1950 ஆம் ஆண்­டு­களில் சிங்­கபூர் இலங்கை போன்ற அபி­வி­ருத்­தி­ய­டைந்த நாடாக மாற­வேண்டும் என கூறி­னார்கள்.
இலங்­கையை இலக்­காக கொண்டு சிங்­கபூர் வளர்ச்சி கண்­டது. அதற்கு அந்த நாட்டின் ஐக்­கியம், ஒற்­றுமை, புரிந்­து­ணர்வு என்ற விட­யங்கள் சாத­க­மாக அமைந்­தன.
சர்­வ­தே­சத்தின் ஒத்­து­ழைப்பு கிடைக்கும்
ஆசிய கண்­டத்தில் ஏனைய நாடு­களை எடுத்­துப்­பா­ருங்கள். பங்­க­ளாதேஷ் இலங்­கையை விடவும் மோச­மான நிலை­மையில் இருந்த நாடாகும். அங்கு பல தொழிற்­சா­லைகள் மூடப்­பட்டு, பல்­வேறு நெருக்­க­டி­களை சந்­தித்­தது.
ஆனால் இன்று அந்த நாடு நவீ­னத்­துவ பாதையில் பய­ணித்து வரு­கின்­றது. எமது நாட்­டுக்கும் அவ்­வா­றான வாய்ப்­புகள் இருந்­தன.
சர்­வ­தேச சமூகம் எமக்கு உத­வி­யாக இருக்கும் என நாம் நம்­பு­கின்றோம். ஏனெனில் இந்த நாடு ஒரு ஜன­நா­யக நாடு என்ற நம்­பிக்கை சர்­வ­தே­சத்­திடம் உள்­ளது. ஆகவே அவர்­களின் ஒத்­து­ழைப்பு கிடைக்கும் என்ற நம்­பிக்கை இருந்­தது.
ஜன­நா­ய­கத்தை பலப்­ப­டுத்த வேண்­டி­யது மட்­டுமே எமக்­குள்ள ஒரே இலக்­காக உள்­ளது. ஆகவே இதனை வெற்­றி­கொள்ள நாம் என்ன செய்ய வேண்டும்.
எம்­மத்­தியில் பாகு­பாடு இல்­லாது தமிழர், சிங்­க­ளவர், முஸ்­லிம்கள் அனை­வரும் ஒரே­மா­திரி நடத்­தப்­பட வேண்டும். சுதந்­திரம் பெற்று 70 ஆண்­டு­களை கடந்தும் நாம் முரண்­பா­டு­க­ளுடன் செயற்­பட முடி­யாது.
பிரி­வி­னை­யுடன் இருக்க முடி­யாது. ஆளுகை பகி­ரப்­பட வேண்டும். எல்லா மக்­களும் சமத்­து­வ­மாக இருக்க வேண்டும். இலங்கை அனை­வ­ருக்கும் சொந்­த­மா­னது என்ற உணர்வு இருக்க வேண்டும்.
பல இன கலா­சாரா பன்­மைத்­துவ சமூகம் என்ற உணர்வு இருக்க வேண்டும். உலகில் வளர்­சி­கண்ட அனைத்து நாடு­களும் இத­னையே கையாண்­டுள்­ளன. ஆகவே நாமும் அத­னையே செய்ய வேண்டும். இன ஐக்­கி­யத்தை ஏற்­ப­டுத்த நாம் பின்­வாங்க வேண்­டிய அவ­சியம் இல்லை.
ஒரு சிலரின் முயற்சி
எனினும் ஒரு­சிலர் தமது அதி­கா­ரத்தை அர­சியல் ரீதி­யாக பெற்­றுக்­கொள்ள முயற்­சித்து வரு­கின்­றனர். இதனை கைவிட வேண்டும்.
நாம் அர­சியல் ரீதி­யி­லான எமது வெற்­றியை பெற்­றுக்­கொள்ள 1983 ஆம் ஆண்டு எமது போராட்­டத்தை முன்­னெ­டுத்தோம். அப்­போது 13 ஆம் திருத்தம் இருந்­தது. எனினும் 13ஆம் திருத்தம் தீர்வு அல்ல. இது தீர்­வுக்­கான ஆரம்பம் மட்­டு­மே­யாகும். ஆயினும் தீர்­வு­களை நோக்­கிய பயணம் முன்­ன­க­ர­வில்லை.
அர­சியல் தீர்­வுக்­கான முயற்­சிகள் கடந்த காலங்­களில் இருந்து முன்­னெ­டுக்­கப்­பட்டு வந்­துள்­ளன. ஆணைக்­கு­ழுக்கள் உரு­வாக்­கப்­பட்டு முயற்­சிகள் முன்­னெ­டுக்­கப்­பட்­டன.
ஆட்­சியில் இருந்த சகல அர­சாங்­கமும் ஒவ்­வொரு கால­கட்­டத்தில் தீர்­வு­க­ளுக்­கான ஆணைக்­கு­ழுக்­களை அமைத்து முயற்­சி­களை முன்­னெ­டுத்­தன.
13 ஆம் திருத்­தத்­திற்கு அப்பால் பல வேலைத்­திட்­டங்கள் முன்­னெ­டுக்­கப்­ப­டு­வ­தாக கூறப்­பட்­டது. அதற்­கான முயற்­சிகள் எடுக்­கப்­பட்­டன. ஆனால் எமது கடமை நிறை­வேற்­றப்­ப­ட­வில்லை.
இது­வ­ரையில் நாம் முன்­னெ­டுத்த அர­சியல் தீர்­வுக்­கான முயற்­சி­களை குப்­பைத்­தொட்­டியில் வீசி­விட்டு மீண்டும் நாட்டில் ஒரு மோதல் நிலையை உரு­வாக்கும் நிலை­மையை உரு­வாக்­கப்­போ­கின்­றோமா அல்­லது முன்­வைக்­கப்­பட்­டுள்ள தீர்­வு­களை கொண்டு ஆரோக்­கி­ய­மாக முன்­ன­க­ரப்­போ­கி­றோமா?. இதில் எது எமது கடமை?
தீர்­வுக்­கான ஆலோ­ச­னைகள்
என்­னைப்­பொ­றுத்­த­வரை இதற்கு முன்னர் தீர்­வுகள் குறித்து முன்­வைக்­கப்­பட்­டுள்ள முன்­மொ­ழி­வு­களை படித்து நாட்­டி­னதும் மக்­க­ளி­னதும் நன்­மைக்­காக ஆரோக்­கி­ய­மான தீர்வு ஒன்­றினை எடுக்க வேண்டும்.
பிர­தான இரண்டு கட்­சி­களின் மூல­மா­கவும் தீர்­வுக்­கான ஆலோ­ச­னைகள் முன்­வைக்­கப்­பட்­டுள்­ளன. இரண்டு கட்­சிகள் இணைந்தும் இதற்­கான நட­வ­டிக்­கையை எடுத்­துள்­ளன.
அதேபோல் ஜனா­தி­பதி மைத்­தி­ரி­பால சிறி­சேன -பிர­தமர் ரணில் விக்­கி­ர­ம­சிங்க அர­சாங்கம் பல வேலைத்­திட்­டங்­களை முன்­னெ­டுக்கும் வாக்­கு­று­தி­களை கொடுத்­துள்­ளன.
இந்த விட­யத்தில் பொது­வான கருத்­தொண்டும் உள்­ளது. அதா­வது முன்னாள் ஜனா­தி­பதி மஹிந்த ராஜபக் ஷவும் இதற்கு துணை நிக்க வேண்டும்.
இந்த விட­யத்தில் முன்னாள் ஜனா­தி­பதி மஹிந்த ராஜபக் ஷவும் இதற்கு ஆத­ர­வாக இருக்க வேண்டும் என நாம் வேண்­டுகோள் விடுத்தோம். ஆனால் இவர்கள் கூறி­யதை செய்­ய­வில்லை.
அவர் அதி­கா­ரத்தில் இருந்­த­போது அவர் கொடுத்த வாக்­கு­று­தி­களை நிறை­வேற்­ற­வில்லை. அவர் ஆட்­சியில் இருந்­த­போது கூறி­யது ஒன்­றாகும் நடந்­து­கொண்­டது வேறொன்­றா­கவும் இருந்­தது.
மஹிந்­தவின் உறுதி
மஹிந்த ராஜபக் ஷவின் ஆட்­சியில் கடந்த 2006ஆம் ஆண்டு கூறிய விட­யங்­களை சுட்­டிக்­காட்ட விரும்­பு­கின்றேன்,” பிரிக்­க­மு­டி­யாத நாட்­டுக்குள் ஒரு அதி­கார பகிர்வை முன்­னெ­டுப்போம்” என கூறினார்.
“அந்­தந்த பிர­தேச மக்கள் தமது ஆட்­சியை தீர்­மா­னிக்க வேண்டும். அவர்­க­ளுக்கு அதி­காரம் வழங்க வேண்டும் என கூறினார். எந்த தீர்வும் அதிக பட்ச அதி­கார பங்­கீட்டை கொண்­டி­ருக்க வேண்டும்.
பெரும்­பான்மை இதற்கு சார்­பாக இருந்து அமை­தியை ஏற்­ப­டுத்த வேண்டும். அனைத்­தையும் உள்­ள­டக்­கிய ஒரு நிய­மத்­துக்கு பெரும்­பான்மை சமூகம் வர வேண்டும்” என்றார்.
அதேபோல் யுத்த முடிவில் ஐக்­கிய நாடுகள் மனித உரி­மைகள் ஆணை­யாளர் முன்­னி­லையில் உறு­தி­ய­ளித்த விட­யங்­க­ளாக ” அர­சியல் தீர்வை பெற்­றுக்­கொ­டுத்து, நீண்­ட­கால அபி­வி­ருத்­தியை முன்­னெ­டுப்போம்” என வாக்­கு­றுதி கொடுத்தார். “13 ஆம் திருத்­தத்தை அமுல்­ப­டுத்­து­வ­துடன் சகல கட்­சி­க­ளையும் இணைந்து ஒரு பரந்­து­பட்ட வேலைத்­திட்டம் ஒன்­றினை கொண்­டு­வ­ருவோம் ” எனக்­கூ­றினார்.
பஷிலின் நிலைப்­பாடு
அதேபோல் பஸில் ராஜபக் ஷ 2008ஆம் ஆண்டு இந்­தி­யாவில் என்ன கூறினார் – “இரண்டு தரப்­பி­னரும் ஒரு சமா­தா­ன­மான அமை­தி­யான பேச்­சு­வார்த்தை மூலமும் தீர்வு காண இணக்கம் காணப்­பட்­டுள்­ளது.
இதில் இந்­தியா பக்­க­ப­ல­மாக இருந்து 13 ஆம் திருத்­தத்தை முழு­மை­யான நடை­மு­றைப்­ப­டுத்த நாம் அர்ப்­ப­ணிப்­புடன் இருப்­ப­தாக கூறினார். “
தற்­போதும் நல்­லி­ணக்க செயன்­முறை மூல­மாக தீவு காண வேண்டும் என்­பதை ஐக்­கிய நாடுகள் மனித உரி­மைகள் பேரவை கூறு­கின்­றது.
அப்­போது உச்­ச­பட்ச அதி­கார பகிர்­வுக்கு ஆத­ர­வாக இருந்த மஹிந்த ராஜபக் ஷ இன்று அதற்­கான ஒத்­து­ழைப்­பு­களை வழங்க வேண்டும்.
அரசியல் தீர்வுக்குகளை பெற்றுக்கொடுக்கும் பொறுப்பை இவர்கள் கொண்டிருந்தனர். அப்போதே உச்சபட்ச அதிகார பகிர்வு வலியுறுத்தப்பட்டுள்ளது.
ஆகவே இந்த விடயத்தில் ஜனாதிபதி மைத்திரி- பிரதமர் ரணில்- எதிர்க்கட்சி தலைவர் மஹிந்த ஆகிய மூவரும் ஒரே நிலைப்பாட்டினை கொண்டுள்ளனர்.
மூவருமே அதியுச்ச அதிகார பகிர்வுக்கு ஆதரவாக இருந்தனர். ஆனால் தீர்வு விடயத்தில் நடந்தது ஒன்றும் இல்லை. ஆகவே பொருளாதாரம் வெற்றிபெற வேண்டும் என்றால் உள்நாட்டு முதலீடுகளும் சர்வதேச முதலீடுகளும் அதிகரிக்க வேண்டும்.
ஆனால் முதலீட்டாளர்கள் அரசாங்கத்தை நம்பவில்லை. முதலீடுகளுக்கு அச்சப்படுகின்றனர். ஆகவே முதலில் இலங்கையில் வேலைவாய்ப்புகளை உருவாக்குங்கள்.
இளைஞர்களுக்கு வேலைவாய்ப்புகளை உருவாக்கிக்கொடுங்கள். உள்நாட்டு உற்பத்திகளை பலப்படுத்துங்கள். அதை செய்யாது நாட்டின் பொருளாதாரம் ஒருபோதும் முன்னேற்றம் காணாது.
அதேபோல் இந்த நாட்டின் அரசியல் தீர்வு ஒன்றினை எட்டும் வரையில் இந்த நாட்டினை ஐக்கியமாக கட்டியெழுப்ப முடியாது என்றார்.