ஈரான் நாட்டவர்களின் சுற்றுலா பயணங்களை அதிகரிப்பதற்காக, இரு நாடுகளுக்கும் இடையில் விமானங்களை இயக்குவதற்கு ஈரானிய விமான நிறுவனமான மஹான் ஏர் (Mahan Air) நிறுவனத்திற்கு  இலங்கை அனுமதி வழங்கியுள்ளதாக தகவல்கள் வெளியாகியுள்ளன.

 

2022 இல்,  இலங்கைக்கு அதிக சர்வதேச சுற்றுலாப் பயணிகளைக் கொண்ட நாடுகளில் ஈரான் 27ஆவது இடத்தைப் பிடித்திருந்தது.

 

 

இது 2021 உடன் ஒப்பிடும்போது குறிப்பிடத்தக்க வளர்ச்சியை கொண்டிருந்தது.இந்த நிலையில் மஹான் ஏர் என்பது ஈரானின் தெஹ்ரானில் உள்ள தனியாருக்கு சொந்தமான விமான நிறுவனம் ஆகும்.

 

இது தற்போது தூர கிழக்கு, மத்திய கிழக்கு, மத்திய ஆசியா மற்றும் ஐரோப்பாவிற்கு திட்டமிடப்பட்ட உள்நாட்டு சேவைகள் மற்றும் சர்வதேச விமானங்களை இயக்குகின்றமை குறிப்பிடத்தக்கது.