குருநாகலில் ஐரோப்பிய மற்றும் ஆசிய நாடுகளுக்கான பிரதான போலி விசா அச்சிடும் மோசடி சம்பவம் தொடர்பில் இரண்டு சந்தேகநபர்கள் கைது செய்யப்பட்டுள்ளனர்.

 

இந்த கைது சம்பவம் இன்று (20.12.2023) இடம்பெற்றுள்ளது.

 

சம்பவம் தொடர்பில் கைது செய்யப்பட்ட இருவரும் 32 மற்றும் 22 வயதுடையவர்கள் என்பது தெரியவந்துள்ளது.

 

மூன்று வருட மோசடி

இரண்டு இளைஞர்களும் தங்களுடைய வீட்டில் உள்ள அறை ஒன்றில் போலி விசா அச்சிடும் நிறுவனத்தை கடந்த மூன்று வருடங்களாக நடத்தி வந்துள்ளனர்.

 

சந்தேகநபர்களின் கூற்றுப்படி, எந்தவொரு நாட்டிற்கும் போலி விசாவை அச்சிடுவதற்காக அவர்கள் 75, 000 ரூபாய் முதல் 100, 000 ரூபாய் வரை பெற்றுள்ளனர்.

 

இந்நிலையில் கைது செய்யப்பட்ட இருவரும் குற்றப்புலனாய்வு திணைக்களத்தில் ஒப்படைக்கப்பட்டுள்ளனர்.