ஜோர்தான் அதிகாரிகளால் நாடு கடத்தல் உத்தரவு பெற்ற 31 இலங்கையர்கள் கடந்த வாரம் 27ஆம் திகதி இலங்கைக்கு திரும்பியுள்ளனர்.

 

ஜோர்தானில் உள்ள இலங்கைத் தூதரகம், ஜோர்தானின் பொதுப் பாதுகாப்பு இயக்குநரகத்துடன் இணைந்து இந்த நடவடிக்கை மேற்கொண்டுள்ளது.

 

 

ஜோர்தானில் உள்ள இலங்கை தூதரகம் ஒரு அறிக்கையை வெளியிட்டது,

 

இந்த இலங்கையர்கள் 2023 ஜூலை 22 அன்று, வேலை வாய்ப்புகளை தேடும் எதிர்பார்ப்புடன் சுற்றுலா விசாவில் ஜோர்தானுக்குள் நுழைந்தனர்.

 

 

பின்னர், அக்டோபர் 12, 2023 அன்று வடக்கு ஆம்மன் நீதிமன்றத்தால் எடுக்கப்பட்ட தீர்ப்பைத் தொடர்ந்து அவர்கள் வடக்கு ஆம்மன் காவல் நிலையத்தால் கைது செய்யப்பட்டு அடைக்கப்பட்டனர்.

 

புலம்பெயர்ந்த தொழிலாளர்கள் வருகை/சுற்றுலா விசாவில் வந்து அதிக காலம் தங்கியிருப்பது அல்லது சட்டவிரோதமாக சர்வதேச எல்லைகளை கடக்க முயற்சிப்பது கடந்த காலங்களில் தொடர் போக்கவுள்ளது.

 

ஜனவரி 2023 முதல் தற்போது வரை, ஜோர்தானில் உள்ள இலங்கைத் தூதரகம், ஜோர்டான் அதிகாரிகளின் ஆதரவுடன், சிக்கித் தவிக்கும் சுமார் 120 இலங்கையர்களை நாடு கடத்துவதில் தீவிரமாக ஈடுபட்டுள்ளது.

 

 

அவர்கள் தங்கியிருக்கும் காலத்தில் நலன் மற்றும் பாதுகாப்பை உறுதி செய்வதற்காக தூதரக அதிகாரிகள் திருத்த மையங்களை பார்வையிட்டனர்.

  

 

சிக்கித் தவிக்கும் இலங்கையர்களுக்கு மருத்துவ உதவி மற்றும் அடிப்படைத் தேவைகளுக்கான அணுகல் உள்ளிட்ட அத்தியாவசிய மனிதாபிமான உதவிகள் ஜோர்தானிய அதிகாரிகளால் வழங்கப்பட்டதாக கூறினர்.

 

இதேவேளை, உறுதிப்படுத்தப்பட்ட வேலை வாய்ப்பு மற்றும் தேவையான வீசா இல்லாமல் விசிட்/டூரிஸ்ட் விசாவில் இலங்கையர்கள் ஜோர்தானுக்கு வர வேண்டாம் என இலங்கை தூதரகம் மேலும் அறிவுறுத்தியது,

 

 

மேலும், பல ஆண் மற்றும் பெண் இலங்கையர்கள் தொடர்ந்து மனித கடத்தலுக்கு பலியாகி, பின்னர் நாடு கடத்தப்படுவதாக தெரிவித்தது,

 

ஜோர்தானில் உள்ள இலங்கைத் தூதரகம் அனைத்து இலங்கையர்களையும் சட்டரீதியாக வெளிநாட்டு வேலை வாய்ப்புகளைப் பெறுமாறும், அவர்கள் புறப்படுவதற்கு முன்னர் இலங்கை வெளிநாட்டு வேலைவாய்ப்புப் பணியகத்தில் (SLBFE) பதிவு செய்யுமாறும் கேட்டுக் கொண்டுள்ளது.