ராஜபக்சர்களை பாதுகாப்பதற்காக செயற்பட்டு வரும் ரணில் விக்ரமசிங்க , கோட்டாபயவை விட பாரிய தோல்வியை சந்திப்பார் என முன்னாள் நாடாளுமன்ற உறுப்பினர் ஹிருணிகா பிரேமசந்திர தெரிவித்துள்ளார்.

 

கொழும்பிலுள்ள எதிர்க்கட்சி தலைவர் அலுவலகத்தில் நேற்று 18 ஆம் திகதி திங்கட்கிழமை நடைபெற்ற ஊடகவியலாளர் மாநாட்டில் இவ்வாறு தெரிவித்தார்.

 

ராஜபக்சர்களை பாதுகாப்பதற்காக செயற்பட்டு வரும் ரணில் விக்ரமசிங்க , கோட்டாபயவை விட மோசமான தோல்வியை சந்திப்பதோடு அவர் மாத்திரமின்றி இலங்கையில் மிகப் பழைய வரலாற்று முக்கியத்துவம் பெற்ற ஐக்கிய தேசிய கட்சியும் அழிவடையும் என குறிப்பிட்டார்.

 

மேலும், நாட்டு மக்கள் போராட்டங்களை கைவிடப் போவதில்லை, இந்த ஆர்ப்பாட்டங்களின் இறுதி இலக்கு நாட்டை கட்டியெழுப்புவதாக அமைய வேண்டுமே தவிர வன்முறையாக இருக்கக் கூடாது எனவும் சுட்டிக்காட்டினார்.

 

 

 

ரஞ்சன் ராமநாயக்கவிற்கு பொது மன்னிப்பு வழங்க தீர்மானித்துள்ளமை சிறந்த விடயமாகும் அதனை சஜித் பிரேமதாச பல சந்தர்ப்பங்களில் வலியுறுத்தியிருக்கின்றார் எனவும் தெரிவித்தார்.

 

இதனை செய்வதன் மூலம் ரணில் விக்ரமசிங்க பொது மக்கள் மத்தியில் தன்னைப் பற்றிய சிறந்த தோற்றப்பாடுகளை உருவாக்குவதற்கு முயற்சிக்கின்றார்.