வடக்கில் இல­வச அம்பியூலன்ஸ் சேவை­யினை ஆரம்­பிக்கும் நிகழ்வு நாளை மறு­தினம் சனிக்­கி­ழமை யாழ்ப்­பா­ணத்தில் நடை­பெ­ற­வுள்­ளது. இந்­நி­கழ்வில் பிர­தமர் ரணில் விக்­கி­ர­ம­சிங்க,  பிர­தம அதி­தி­யாக கலந்­து­கொள்­ள­வுள்ளார்.   
யாழ்ப்­பாணம் துறை­யப்பா விளை­யாட்­ட­ரங்கில் நடை­பெறும் இந்த நிகழ்வில் இந்­தியப் பிர­தமர் நரேந்­தி­ர­மோடி உரை­யாற்­ற­வுள்ளார். இணை­ய­வ­ழி­மூ­ல­மாக அவ­ரது உரை நேர­டி­யாக இடம்­பெ­ற­வுள்­ளது.
இந்­தி­யாவின் உத­வி­யுடன் 1990 சுவ­சி­றிய எனும் திட்­டத்தின் கீழ் இந்த இல­வச அம்­புலன்ஸ் சேவை கொழும்பு உட்­பட தென்­ப­கு­தியில் செயற்­ப­டுத்­தப்­பட்டு வரு­கின்­றது. இந்த சேவை­யினை வடக்கில் ஆரம்­பிக்கும் நிகழ்வே நாளை மறு­தினம் யாழ்ப்­பா­ணத்தில் நடை­பெ­று­கின்­றது. பிற்­பகல் 3.30மணிக்கு நடை­பெறும் இந்த நிகழ்வில் தேசிய திட்­ட­மிடல் பொரு­ளா­தார அபி­வி­ருத்தி இரா­ஜாங்க அமைச்சர் ஹர்ச டி சில்வா, வட­மா­காண முத­ல­மைச்சர் சி.வி. விக்­கி­னேஸ்­வரன் உட்­பட வட­மா­கா­ணத்தை சேர்ந்த பாரா­ளு­மன்ற உறுப்­பி­னர்­களும் கலந்­து­கொள்­ள­வுள்­ளனர்.
இதே­வேளை கம் பெர­லிய வேலைத்­திட்­டத்தின் இரண்டாம் கட்­டமும் வட­ப­கு­தியில் ஆரம்­பித்து வைக்­கப்­ப­ட­வுள்­ளது. இந்த நிகழ்­விலும் பிர­தமர் ரணில் விக்­கி­ர­ம­சிங்க கலந்து கொள்வார்.
நாளை மறு­தினம் சனிக்­கி­ழ­மையும் ஞாயிற்­றுக்­கி­ழ­மையும் கிளி­நொச்சி, முல்லை தீவு மற்றும் யாழ்ப்­பா­ணத்தில் கம்­பெ­ர­லிய நிகழ்வு நடை­பெ­ற­வுள்­ளது. இந்த நிகழ்வில் நிதி மற்றும் ஊடக அமைச்சர் மங்­கள சம­ர­வீ­ரவும் பங்­கேற்­க­வுள்ளார்.
கம்­பெ­ர­லிய வேலைத்­திட்­டத்தின் ஆரம்ப நிகழ்வு குரு­நாகல் நிக­வ­ரட்­டிய பகு­தியில் பிர­தமர் ரணில் விக்­கி­ர­ம­சிங்­கவின் தலை­மையில் நடை­பெற்­றது. இதன்­படி இரண்டாம் கட்டம் வடக்கில் ஆரம்­பிக்­கப்­ப­ட­வுள்­ளமை விசேட அம்­ச­மாகும்.
இந்த திட்­டத்தின் கீழ் கிரா­மத்தின் வீதி கட்­ட­மைப்பு, பாட­சா­லைகள், விளை­யாட்டு மைதா­னங்கள் புன­ர­மைப்பு செய்­யப்­ப­டு­வ­துடன் கைத்­தொழில் முயற்­சி­யா­ளர்­க­ளுக்கு கடன் உத­வி­களும் வழங்­கப்­ப­ட­வுள்­ளது. கிரா­மத்தை கட்­டி­யெ­ழுப்பும் பிர­தான நிகழ்ச்சி திட்­ட­மாக கம்­பெ­ர­லிய கரு­தப்­ப­டு­கின்­றமை குறிப்­பி­ட­தக்­கது.
கிளி­நொச்சி, கரைச்சி பிர­தேச செய­ல­கப்­பி­ரிவில் நிதி மற்று் ஊடக அமைச்­சினால் நிர்­மா­ணிக்­கப்­பட்ட விவ­சா­யி­களின் தானி­யங்கள் பாது­காப்பு மையம் சனிக்­கி­ழமை பிற்­பகல் 2.30 மணிக்கு பொது­மக்­களின் பாவ­னைக்­காக ஒப்­ப­டைக்­கப்­ப­ட­வுள்­ளது. இந்த நிகழ்­விலும் பிர­தமர் பங்­கேற்­க­வுள்ளார்.
இத­னை­விட மீள்­கு­டி­யேற்ற அமைச்­சினால் அன்­றைய தினம் கிளி­நொச்சி மாவட்­டத்தில் பொதுச்சந்தைக் கட்டடத்திற்கான அடிக்கல் நாட்டும் நிகழ்வும் இடம்பெறவுள்ளது. கிளிநொச்சி பொதுச்சந்தையானது தீ விபத்தை அடுத்து சேதமடைந்திருந்தது. இதனையடுத்தே புதிய சந்தைக்கான கட்டடத்திற்கு அடிக்கல் நாட்டப்படவுள்ளது. இந்த நிகழ்விலும் பிரதமர் பங்கேற்பார் என்று தெரிவிக்கப்படுகின்றது.