பலாங்கொடை நகரில் அமைந்துள்ள தங்க நகை கடைக்குள் நுழைந்த இருவர் அங்கிருந்த தங்க மாலைகளுடன் கூடிய பெட்டியினை கொள்ளையிட்டு தப்பிச் சென்றுள்ளனர்.
இன்று(2) பிற்பகல் இந்த கொள்ளை சம்பவம் இடம்பெற்றுள்ளது.
திருடப்பட்ட தங்க நகைகளின் பெறுமதி சுமார் 3 லட்சத்திற்கும் அதிகம் என நகை கடையின் உரிமையாளர் தெரிவித்துள்ளார்.
கொள்ளையிட்டு தப்பிச் சென்றவர்களில் ஒருவரை பிரதேசவாசிகள் தொரவெல பகுதியில் வைத்து மடக்கி பிடித்து காவல்துறையிடம் ஒப்படைத்துள்ளனர்.
குறித்த சந்தேக நபர் பலாங்கொடை – வேவல்வத்தை பகுதியை சேர்ந்தவர் என தெரியவந்துள்ளது.
இந்நிலையில், தப்பிச் சென்ற மற்றைய சந்தேக நபரை தேடி காவல்துறை விசாரணைகளை ஆரம்பித்துள்ளது.
குறித்த கொள்ளை சம்பவம் நகை கடைக்கு அருகில் பொருத்தப்படிருந்த சி.சி.டி.வி கெமராவில் பதிவாகியுள்ளது.