மகிந்த ராஜபக்சவின் கட்சியினர் ரணிலுடன் இணைந்தது!

நாடாளுமன்ற தேர்தல் முடிவுகளில் ஐக்கிய தேசியக் கட்சி அமோக வெற்றியீட்டியதை அடுத்து மகிந்த கட்சியினர் பலர் ரணிலுடன் இணைந்து கொள்ளப் போவதாக கொழும்புச் செய்திகள் தெரிவிக்கின்றன.

நாளையோ, நாளை மறுதினமோ ரணில் பிரதமராக பதவியேற்கவிருக்கும் நிலையில் உத்தியோகபூர்வமாக மகிந்த கட்சியினர் ரணிலுடன் இணைவதற்காக அவசர அவசரமாக சந்தித்து பேச்சுக்களை நடாத்தியுள்ளதாக தெரிவிக்கப்படுகிறது.

இவ்வாறு இணைந்து கொள்பவர்களின் பெயர் விபரங்கள் நாளை வெளிவரும் எனவும் அங்கிருந்து கிடைக்கும் செய்திகள் தெரிவிக்கின்றன.

கொலை, கொள்ளை குற்றங்களுக்காக சவுதி அரேபியாவில் மூன்று இலங்கையர்களுக்கு மரண தண்டனை

சவுதி அரேபியாவில் மூன்று இலங்கையர்களுக்கு மரண தண்டனை நிறைவேற்றப்பட்டுள்ளது.

கொள்ளை மற்றும் கொலை குற்றங்களுக்காக அவர்களுக்கு இந்த தண்டனை நிறைவேற்றப்பட்டுள்ளதாக, ஏ.எப்.பி.இணையத்தளம் செய்தி வெளியிட்டுள்ளது.

அவர்கள் மூன்று பேரும் சவுதி அரேபிய பிரஜை ஒருவரின் வீட்டுனுள் நுழைந்து கொள்ளையிட்டதுடன், குறித்த நபரை கொலை செய்ததாகவும் குற்றம் சுமத்தப்பட்டுள்ளது.

இந்த குற்றச்சாட்டுகள் நிரூபிக்கப்பட்டதை அடுத்து அவர்களுக்கு ஜெட்டாவில் வைத்து மரண தண்டனை நிறைவேற்றப்பட்டதாக தெரிவிக்கப்பட்டுள்ளது.