கிழக்கு தாய்லாந்தில் பேருந்து விபத்தில் 18 பேர் பலி
27 Feb,2025
பாங்காக்: தாய்லாந்தில் பேருந்து கவிழ்ந்த விபத்தில் 18 பேர் பரிதாபமாக உயிரிழந்தனர். வடக்கு தாய்லாந்தில் இருந்து கடரோத ராயோங் மாகாணத்துக்கு நகராட்சி ஆய்வு சுற்றுலா செல்வதற்காக பேருந்து ஒன்று வாடகைக்கு எடுக்கப்பட்டது. இதில் அரசு ஊழியர்கள் சுமார் 50 பேர் பயணம் செய்தனர். இரவு பயணத்தின்போது பிரக்சின்புரி மாகாணத்தில் வந்தபோது ஓட்டுனரின் கட்டுப்பாட்டை இழந்த பேருந்து சாலையில் கவிழ்ந்து விபத்துக்குள்ளானது.
இந்த விபத்தில் சுமார் 18 பேர் உயிரிழந்தனர். மேலும் 31 பேர் காயமடைந்தனர். காயமடைந்தவர்கள் மீட்கப்பட்டு மருத்துவமனையில் அனுமதிக்கப்பட்டுள்ளனர். இந்த விபத்து குறித்து போலீசார் விசாரணை நடத்தி வருகின்றனர்.