அமெரிக்காவின்(United States) மத்திய புளோரிடாவில் ஏற்பட்ட பேருந்து விபத்தில் 8 பேர் உயிரிழந்துள்ளதாக அந்நாட்டு ஊடகங்கள் செய்தி வெளியிட்டுள்ளன.

 

புளோரிடா பகுதியில் விவசாயத் தொழிலாளர்களை ஏற்றிச் சென்ற பேருந்தே இவ்வாறு கவிழ்ந்து விபத்துக்குள்ளாகியுள்ளதாக தெரிவிக்கப்படுகிறது.

 

மேலும் குறித்த பேருந்தில் பயணித்த சுமார் 40 பயணிகள் படுகாயமடைந்துள்ளனர்.

 

 

53 விவசாயத் தொழிலாளர்களை ஏற்றிச் சென்ற பேருந்து, ஆர்லாண்டோவின் வடக்கே உள்ள சாலையொன்றில் பயணித்த கனரக வாகனம் ஒன்றுடன் மோதியதாக புளோரிடா நெடுஞ்சாலை பொலிஸார் தெரிவித்துள்ளனர்.

 

விபத்தின்போது, சாலையைவிட்டு விலகிச் சென்ற பேருந்து பாதையோர தடுப்பை உடைத்து பக்கத்தில் ஒரு வயலில் கவிழ்ந்து விபத்துக்குள்ளாகியுள்ளதாகவும் இதில், சம்பவ இடத்திலேயே 8 பேர் உயிரிழந்துள்ளனர் எனவும் கூறப்படுகிறது.