மத்திய கிழக்கு பிராந்தியத்தில் இஸ்ரேலின் அல்லது அமெரிக்காவின் தூதரகங்கள் கட்டிடங்களை ஈரான் தாக்கலாம் என கருதும் அமெரிக்கா அதனை எதிர்கொள்ள தயாராகிவருகின்றது முன்னெச்சரி;க்கை நடவடிக்கைகளை எடுத்துள்ளது என ரொய்ட்டர் செய்தி வெளியிட்டுள்ளது.

 

சிரியாவில் உள்ள ஈரானின் துணைதூதரகத்தின் மீது இஸ்ரேல் கடந்தவாரம் தாக்குதல் நடத்தியதை தொடர்ந்து ஈரான் பதில்தாக்குதலை மேற்கொள்ளும் என அமெரிக்கா கருதுகின்றது.

 

நாங்கள் மிகுந்த எச்சரிக்கையுடன் இருக்கின்றோம் என அமெரிக்க அதிகாரியொருவர் ரொய்ட்டருக்கு தெரிவித்துள்ளார்.

 

எதிர்வரும் நாட்களில் ஈரான் தாக்குதலை மேற்கொள்ளக்கூடும் என சிஎன்என் தெரிவித்துள்ளதை அவர் உறுதி செய்துள்ளார்.

 

இதேவேளை ஈரான் தாக்குதலை மேற்கொள்வதற்கான சாத்தியக்கூறுகள் குறித்து அமெரிக்க ஜனாதிபதி இஸ்ரேலிய பிரதமருடன் தொலைபேசி பேச்சுவார்த்தைகளை மேற்கொண்டுள்;ளார்.

 

எங்கள் குழுக்கள் தொடர்ந்து இந்த விடயம் குறித்து ஆராய்ந்துவருகின்றன ஈரானின் அச்சுறுத்தலில் இருந்து தன்னை பாதுகாப்பதற்கு இஸ்ரேலிற்கு உள்ள உரிமையை நாங்கள் ஆதரிக்கின்றோம் என அமெரிக்க அதிகாரியொருவர் தெரிவித்துள்ளார்.