பாகிஸ்தானில் கடும் மழையைத் தொடர்ந்து சிறார்கள் உட்பட 30 இற்கும் அதிகமானோர் உயிரிழந்துள்ளனர் என அதிகாரிகள் நேற்று தெரிவித்துள்ளனர்.

 

பாகிஸ்தானின் பல பிராந்தியங்களில் கடந்த வியாழன் முதல் கடும் மழை பெய்து வருகிறது. இதனால், பலோசிஸ்தான் மாகாணத்தில்  பாடசாலைகள் மூடப்பட்டுள்ளன. 

 

கைபர் பக்துன்க்வா மாகாணத்தில் கட்டிடங்கள் இடிந்ததால் 18 சிறார்கள் உட்பட 27பேர் உயிரிழந்துள்ளனர் என அதிகாரிகள் தெரிவித்துள்ளனர்.  

 

அம்மாகாணத்தில் 30 வீடுகள் முற்றாக சேதமடைந்துள்ளதாகவும், 97 வீடுகள் பகுதியளவில் சேதமடைந்துள்ளதாகவும் கைபர் பக்துன்க்வா மாகாண அனர்த்த முகாமைத்துவ முகவரகம் தெரிவித்துள்ளது.

 

பலோசிஸ்தான் மாகாணத்தில் ஐவர் உயிரிழந்துள்ளனர் என அனர்த்த முகாமைத்துவ முகவரகம் தெரிவித்துள்ளது. 

 

பலேசிஸ்தானில் சேதமடைந்த வீதிகள், வெள்ளம், மண்சரிவுகள் காரணமாக பிரதான நகரங்களுக்கும் கிராமங்களுக்கும் இடையிலான தொடர்புகள் துண்டிக்கப்பட்டுள்ளன.