மொட்டு கட்சியில் உறுப்புரிமை

அதிபர் ரணில் விக்ரமசிங்க மொட்டுக்கட்சியில் உறுப்புரிமையை பெற்றுக்கொண்டுள்ளதாக அந்தக்கட்சியின் நாடாளுமன்ற உறுப்பினரும் தற்போது சுயாதீனமாக செயற்படும் சுதந்திரபேரவையின் தலைவரும் முன்னாள் வெளிவிவகார அமைச்சருமான ஜி.எல். பீரிஸ் தெரிவித்துள்ளார்.

 

  களுத்துறையில் நடைபெற்ற பொதுஜன பெரமுனவின் கூட்டமொன்றில் கலந்துகொண்டு உரையாற்றிய முன்னாள் பிரதமர் மஹிந்த ராஜபக்சவின் உரையை வைத்துப் பார்க்கும் போது,ரணில் மொட்டு கட்சியில் இணைந்துள்ளமை உறுதிப்படுத்தப்படுவதாக அவர் தெரிவித்தார்.

 

ம

 மக்களின் சுனாமி அலையால் ஏற்பட்ட மாற்றம்

 முறைமை மாற்றத்தை (சிஸ்டம் சேஞ்ச்) கோரி நாட்டில் சுனாமி ஒன்று ஏற்பட்டது. இதனால் 8ஆவது நிறைவேற்று அதிகாரம் கொண்ட அதிபர் கோட்டாபய ராஜபக்ச பதவியிலிருந்து விலகியதோடு, நாட்டைவிட்டும் வௌியேறிச் செல்ல வேண்டிய நிலை ஏற்பட்டது எனவும் பீரிஸ் தெரிவித்தார்.

 

 எனினும், நாட்டு மக்கள் முறைமை மாற்றத்தைக் கோரியிருந்தாலும் அதிபர் ரணில் விக்ரமசிங்க மொட்டுக் கட்சியில் இணைந்துகொண்டது மாத்திரமே நாட்டில் நடந்துள்ளதாகவும் அவர் மேலும் குறிப்பிட்டார்.

 

 

 

இதேவேளை களுத்துறையில் நடைபெற்ற கூட்டத்தில் உரையாற்றிய மகிந்த ராஜபக்ச, ரணில் தற்போது சரியான பாதையில் நடப்பதாகவும் முன்னர் அவர் வேறு பாதையில் சென்றாலும் தற்போது எமது வழிக்கு வந்துள்ளதாகவும் எனவே அவரது அரசை பொதுஜன பெரமுனவினர் காப்பாற்ற வேண்டுமெனவும் தெரிவித்திருந்தமை குறிப்பிடத்தக்கது.

 

ரணிலுக்கு ஆதரவளித்தவர்கள் விதித்த முக்கிய நிபந்தனை

 

 

விரைவில் தேர்தலை நடத்த வேண்டும்

மக்களின் உண்மையான கருத்து நாடாளுமன்றத்தில் பிரதிபலிக்காததால் கூடிய விரைவில் தேர்தலை நடத்த வேண்டும் என நாடாளுமன்ற உறுப்பினர் ஹர்ஷன ராஜகருணா கொழும்பில் தெரிவித்துள்ளார்.

 

நாட்டிற்கு மக்கள் விரும்பும் அரசியல் ஸ்திரத்தன்மையை பெற்றுக் கொள்வதற்கு தேர்தலுக்கு தேவையான அனைத்து நடவடிக்கைகளுக்கும் எதிர்க்கட்சிகள் பாடுபடும் எனவும் நாடாளுமன்ற உறுப்பினர் மேலும் குறிப்பிட்டார்.

 

 

 

கொழும்பு மார்க்ஸ் பெர்னாண்டோ மாவத்தையில் உள்ள எதிர்க்கட்சித் தலைவரின் அலுவலகத்தில் நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவித்த நாடாளுமன்ற உறுப்பினர் மேலும் கூறியதாவது:

 

நாடாளுமன்றம் சிதைக்கப்படுகின்றது

இன்று இந்த நாடாளுமன்றம் சிதைக்கப்படுகின்றது அது மட்டுமன்றி உண்மையான கருத்து நாடாளுமன்றத்தில் பிரதிபலிக்கவில்லை. 2019, 2020 இல் வாக்களித்த மனநிலை நாடாளுமன்றத்திற்குள்ளும் அதே பிரதிநிதித்துவம் நாடாளுமன்றத்திற்கு வெளியில் அந்த கருத்து முற்றாக மாறியுள்ளது.

 

அதனால்தான் கூடிய விரைவில் தேர்தல் அவசியம் என்று நாங்கள் நம்புகிறோம். நாடாளுமன்றத்தில் அதிபருக்கு ஆதரவாக வாக்களிக்க உதவிய 134 பேரின் முக்கிய நிபந்தனைகளில் ஒன்று தேர்தல் நடத்தக்கூடாது என்பதுதான்.

 

 

எனவே தான் மக்களுடன் வெளியே செல்ல காத்திருக்கிறோம். நாட்டுக்கு மக்கள் விரும்பும் அரசியல் ஸ்திரத்தன்மையை பெற்றுக் கொள்வதற்காக தேர்தலுக்கு தேவையான அனைத்து நடவடிக்கைகளையும் மேற்கொள்வதாக நாங்கள் நம்புகின்றோம்.