துருக்கியின் வெளிவிவகார அமைச்சர் மெவ்லூட் கௌசோக்லு (Mevlut Cavusoglu) ஒரு நாள் உத்தியோகபூர்வ பயணத்தை மேற்கொண்டு இலங்கை வந்துள்ளதாக விமான நிலைய அதிகாரிகள் தெரிவித்துள்ளனர்.

 

அவருடன் 13 பேர் கொண்ட குழுவும் நாட்டை வந்தடைந்துள்ளது.

 

துருக்கியில் இருந்து விசேட விமானம் மூலம் வருகை தந்த குழுவினர் இன்று காலை 6 மணியளவில் கொழும்பு - கட்டுநாயக்க பண்டாரநாயக்க சர்வதேச விமான நிலையத்தை வந்தடைந்துள்ளனர்.

 

மேலும் துருக்கி வெளிவிவகார அமைச்சர் இன்று பிற்பகல் 3.15 மணியளவில் மீண்டும் இலங்கையிலிருந்து புறப்படவுள்ளார் எனவும் தெரிவிக்கப்பட்டுள்ளது.