ஜனா­தி­பதித் தேர்­தலை முன்­னிட்டு தமிழ் தேசியக் கூட்­ட­மைப்பு முன்­வைத்­துள்ள நிபந்­த­னைகள் இது­வ­ரையில் எமக்கு கிடைக்கப் பெற­வில்லை. அவற்றைப் பெற்றுக் கொள்ள வேண்­டிய அவ­சி­யமும் எமக்கு கிடை­யாது. காரணம் நாட்டை பிள­வ­டையச் செய்யும் தமிழ் தேசிய கூட்­ட­மைப்பின் நிபந்­த­னை­க­ளுக்கு நாம் ஒரு­போதும் அடி­ப­ணியப் போவ­தில்லை என்று எதிர்க்­கட்சி தலைவர் மஹிந்த ராஜ­பக் ஷ தெரி­வித்தார்.
‘ வெற்­றி­க­ர­மான நோக்கு – உழைக்கும் நாடு’ என்ற தொனிப்பொருளில் மாத்­ தறை – தெவி­நு­வ­ரவில் நேற்று திங்­கட்­கி­ழமை இடம்­பெற்ற பொது­ஜன பெர­மு­னவின் தேர்தல் பிர­சார கூட்­டத்தில் கலந்து கொண்டு உரை­யாற்று கையி­லேயே போதே அவர் இவ்­வாறு தெரி­வித்தார்.
அவர் அங்கு தொடர்ந்தும் உரை­யாற்­று­கையில்,
இது மிகவும் முக்­கி­யத்­துவம் வாய்ந்த தேர்­த­லாகும். 30 வருட கால யுத்­ததை நாம் நிறை­வுக்கு கொண்டு வந்தோம். யுத்தம் நிறை­வ­டைந்து 10 வரு­டங்­க­ளுக்குள் பல்­வேறு அபி­வி­ருத்­திகள் எம்மால் மேற்­கொள்­ளப்­பட்­டன. எனினும் 2015 இல் எமது அர­சாங்கம் தோல்­வி­ய­டைந்­தது. இம்­முறை வர­லாற்றில் இல்­லா­த­வாறு அதி கூடிய வாக்­கு­களால் நாம் வெற்றி பெறுவோம் என்­பதை கோத்­தா­பய ராஜ­ப­க்ஷ­வுக்கு தெரி­விக்க விரும்­பு­கின்றேன்.
கடந்த ஏப்ரல் 21 ஆம் திகதி உயிர்த்த ஞாயிறு தாக்­குதல் அனை­வ­ரையும் அச்சல் ஆழ்த்­தி­யது. ஐக்­கிய தேசிய கட்­சியோ அமைச்­ச­ர­வையோ தக­வல்கள் கிடைத்­தி­ருந்தும் இதனை கவ­னத்தில் கொள்­ள­வில்லை. எனினும் முஸ்லிம் வாக்­கு­களைப் பெற வேண்டும் என்­ப­தற்­காக எவ்­வித நட­வ­டிக்­கையும் எடுக்­கப்­ப­ட­வில்லை. முஸ்லிம் அமைச்­சர்­க­ளதும், ஆளு­னர்­க­ளதும் விருப்­பத்­திற்கு ஏற்ப குற்­ற­வா­ளிகள் விடு­விக்­கப்­பட்­டுள்­ளனர். எவ்­வாறு இவர்கள் விடு­விக்­கப்­ப­டலாம் என்ற கேள்வி இன்­னமும் மக்கள் மத்­தியில் இருக்­கி­றது. இது தொடர்­பான அச்சம் இன்னும் மக்கள் மத்­தியில் இருக்­கி­றது. இதற்கு சிறந்த தீர்வு தேசிய பாது­காப்பு பற்­றிய பொறுப்­பு­டைய கோத்­தா­பய ராஜ­பக்ஷ ஜனா­தி­ப­தி­யாகத் தெரிவு செய்­யப்­ப­டு­வது மாத்­தி­ர­மே­யாகும்.
தற்­போது சிலர் இரா­ணுவ வீரர்கள் குறித்து பேசு­கி­றார்கள். மக்­க­ளுடன் கைகோர்த்து உயி­ரி­ழக்­கவும் தயா­ராக இருப்­ப­தாகக் கூறு­கின்­றனர். மக்­களை சேர்த்துக் கொண்டு மர­ணிக்க தேவை­யில்லை. வேண்­டு­மானால் அவர்கள் தனித்து மர­ணிக்­கட்டும். தான் மிகக் குறைந்த நேரமே உறங்­கு­வ­தாக சஜித் பிரே­ம­தாச கூறு­கின்றார். அதிக நேரம் பேசு­வ­தா­கவும் கூறு­கின்றார். அவர் அவ்­வாறு தொடர்ந்து பேசாமல் இருப்­பதே அவ­ரது உடல் நலத்­துக்கு சிறந்­தது என்­பதை அறி­வு­றுத்­த­லாகக் கூறு­கின்றேன்.
2015 ஆம் ஆண்டைப் போன்றே இப்­போதும் மக்­களை ஏமாற்ற முடியும் என்று எண்­ணு­கின்­றனர். வாக்­கு­று­திகள் வழங்கி நாம் யுத்­தத்­ததை நிறை­வுக்கு கொண்டு வர­வில்லை. எனினும் நிறை­வ­டையச் செய்தோம். இதனை மீண்டும் சிந்­திக்க வேண்டும். தற்­போது சிறு சிறு விட­யங்­க­ளுக்குக் கூட வரி செலுத்த வேண்­டி­யி­ருக்­கி­றது. ஒழுங்­கு­முறை எது­வு­மின்றி மக்கள் வறு­மையில் தள்­ளப்­படும் செயற்­பாடே இது­வாகும். எனினும் நாம் கூறும் வாக்­கு­று­தி­களை நிறை­வேற்­று­வ­தற்கு நிதி எங்­கி­ருந்து கிடைக்கும் என்று கேட்­கி­றார்கள். யுத்­த­தத்தின் போதும் இத­னையே கேட்­டனர். ஆனால் நாம் யுத்­தத்­தையும் நிறை­வ­டையச் செய்து 10 வரு­டங்கள் அபி­வி­ருத்­தியும் செய்­தி­ருக்­கின்றோம்.
இன்று பெலி­யத்­தை­யுடன் புகை­யி­ரத சேவை நிறை­வ­டை­கின்­றது. எமது ஆட்சி தொடர்ந்­தி­ருந்தால் இது கதிர்­காமம் வரை தொடர்ந்­தி­ருக்கும். அதி வேக வீதிகள் பல வரு­டங்கள் பிற்­போ­டப்­பட்­டன. எனினும் இந்த வேலைத்­திட்­டங்­களை ஆரம்­பித்­தது யார் என்று நாட்டு மக்­க­ளுக்கு தெரியும். எதிர்­கால சந்­த­தி­யி­ன­ருக்­காக நாம் ஆரம்­பித்த வேலைத்­திட்­டங்­களை வெளி­நா­டு­க­ளுக்கு விற்­றுள்­ளனர். வேலை வாய்ப்பு கோரி ஆர்ப்­பாட்­டத்தில் ஈடு­பட்­ட­வர்கள் சிறை­யி­ல­டைக்­கப்­பட்­டுள்­ளனர். மேலும் 5 வரு­டங்கள் ஆட்­சியைக் கைப்­பற்றி எஞ்­சி­யி­ருக்கும் தேசிய சொத்­துக்­கள விற்­ப­தற்கே இவர்கள் திட்­ட­மி­டு­கின்­றனர். இதனால் மீண்டும் வாக்கு கேட்­ப­தற்கு இவர்­க­ளுக்கு உரிமை கிடை­யாது.
எமது அர­சாங்­கத்­தி­லேயே கல்­வித்­துறை மேம்­ப­டுத்­தப்­பட்­டது. கல்­விக்­கான கொள்கை திட்­டங்கள் உரு­வாக்­கப்­பட்­டன. வடக்கில் முழு­மை­யான அபி­வி­ருத்­தி­களை நாமே மேற்­கொண்டோம். இந்த அர­சாங்கம் தமிழ் தேசிய கூட்­ட­மைப்பின் மூலம் வாக்­கு­களை மாத்­தி­ரமே பெற்றுக் கொண்­டது. சிறி­த­ளவு கூட அபி­வி­ருத்­தி­களை செய்­ய­வில்லை. அங்­குள்ள மக்கள் இம்­முறை வாக்­க­ளிப்பை புறக்­க­ணிக்க தீர்­மா­னித்­தி­ருக்­கி­றார்கள். எனவே தான் நாமல் ராஜ­ப­க்ஷவை வடக்­கிற்கு சென்று நேர­டி­யாக அந்த மக்­களின் நிலை­மையை கண்­ட­றி­யு­மாறு தெரி­வித்­தி­ருக்­கின்றேன்.
தமிழ் தேசிய கூட்­ட­மைப்­பி­லுள்ள கட்­சிகள் 13 நிபந்­த­னை­களை முன்­வைத்­தி­ருப்­ப­தாகக் கூறப்­ப­டு­கி­றது. எனினும் அந்த நிபந்­த­னைகள் எமக்கு இது வரையில் கிடைக்­க­வில்லை. தமிழ் பத்திரிகைகளில் வெளியாகியிருந்த செய்திகள் மூலமாகவே அறியக்கிடைத்தது. அவை எனக்கு கிடைக்கவும் இல்லை. அவற்றை பெற்றுக் கொள்ள வேண்டிய தேவையும் எனக்கு இல்லை. காரணம் தமிழ் தேசிய கூட்டமைப்பின் எந்தவொரு நிபந்தனைக்கும் கட்டுப்படுவதற்கு நாம் தயாராக இல்லை என்பதைத் தெளிவாகக் கூறுகின்றேன். எமக்கு நாடு என்பது மிக முக்கியமானது. அதனை பிளவடையச் செய்வதற்கு இடமளிக்க முடியாது. நாட்டின் தனித்துவ தன்மையை பாதுகாப்பதற்காக பாடுபடுவதற்கு நாம் தயாரா இருக்கின்றோம்.