அமைச்சர் ரிஷாத் பதியுதீனிற்கு எதிராக போதிய ஆதாரங்கள் இருப்பதன் காரணமாகவே அவருக்கு எதிராக நம்பிக்கை இல்லாப் பிரரேரணை கொண்டுவந்துள்ளோம் என நாடாளுமன்ற உறுப்பினர் அத்துரலிய ரத்தன தேரர் தெரிவித்துள்ளார்.
சிங்கள ஊடகம் ஒன்றிற்கு வழங்கிய செவ்வியிலேயே அவர் இதனை தெரிவித்துள்ளார். இது குறித்து அவர் மேலும் கூறியுள்ளதாவது:-
“அமைச்சர் ரிஷாத் பதியுதீன் முஸ்லிம் பயங்கரவாதிகளுடன் நேரடியாகத் தொடர்பு கொண்டுள்ளமைக்கான ஆதாரங்கள் எங்களிடம் இருக்கின்றன என போதிய ஆதாரங்கள் இருப்பதன் காரணமாகவே நாம் அவருக்கு எதிராக நம்பிக்கையில்லாப் பிரேரணையைக் கொண்டுவரத் தீர்மானித்தோம்.
அதேநேரம், இந்த நம்பிக்கையில்லாப் பிரேரணையைப் பொது எதிரணியின் சார்பில் கொண்டுவந்தால், அது இன்னும் பெறுமதியானதாக இருக்கும் என்று கருதுகின்றோம்.
ரிஷாத் பதியுதீனுக்கு எதிரான நம்பிக்கையில்லாப் பிரேரணையை இன்று சபாநாயகரிடம் கையளிக்க எதிர்பார்த்துள்ளேன்” – என்று குறிப்பிட்டுள்ளார்.