ஜனா­தி­பதி மைத்­தி­ரி­பால சிறி­சே­னவே சட்டம் ஒழுங்கு அமைச்சை எனக்கு தர­வி­டாமல் தடுத்தார் என்று நிலை­யான அபிவிருத்தி,வனஜீவ­ராசிகள் பாது­காப்பு மற்றும் பிராந்­திய அபி­வி­ருத்தி அமைச்சர் பீல்ட் மார்ஷல் சரத் பொன்­சேகா தெரி­வித்தார்.
நான் வன­ஜீ­வ­ரா­சிகள் அமைச்சை பொறுப்­பேற்­றமை­யினால் முன்னாள் ஜனா­தி­பதி மஹிந்த ராஜ­ப­க்ஷ­விற்கு நினைத்த படி மிரு­கங்­களை கொன்று பலவகை­யான இறைச்சி வகை­களை இனிமேல் சாப்­பிட முடி­யாது. அந்த பயம் அவ­ருக்கு உள்­ள­மை­யி­னா­லேயே எனது பதவியை கொச்­சைப்­ப­டுத்­து­கின்றார் என்றும் அவர் குறிப்­பிட்டார்.
தேசிய அர­சாங்­கத்தின் மறு­சீ­ர­மைப்பு நட­வ­டிக்­கை­களின் அடுத்த அங்­க­மான இரா­ஜாங்க மற்றும் பிரதி அமைச்சு பத­வி­க­ளுக்கு புதிய நியம­னங்­களை வழங்கும் நிகழ்வு நேற்று ஜனா­தி­பதி செய­க­லத்தில் நடை­பெற்ற பின்னர் ஊட­கங்­க­ளுக்கு கருத்து தெரி­விக்கும் போதே அமைச்சர் மேற்­கண்­ட­வாறு தெரி­வித்தார்.
அவர் மேலும் குறிப்­பி­டு­கையில்,
வன­ஜீ­வ­ரா­சிகள் அமைச்­சினை தான் பொறுப்­பேற்­ற­மையின் ஊடாக நீண்­ட­கா­ல­மாக பெரும் பிரச்­சி­னை­யாக காணப்­படும் யானை மனித மோத­லுக்கு உரிய தீர்­வினை பெற்­று­தர முயற்­சிப்பேன்.
நான் சட்டம் ஒழுங்கு அமைச்­சையே எதிர்­பார்த்தேன். அதற்கே ஐக்­கிய தேசியக் கட்சி என்னை பரிந்­துரை செய்­தது. எனினும் சட்டம் ஒழுங்கு அமைச்சை எனக்கு தர­வி­டாமல் தடுத்­தது ஜனா­தி­பதி மைத்­தி­ரி­பால சிறி­சே­ன­வாகும். அதன்­கா­ர­ண­மாக பிர­த­ம­ரிடம் கோரி இந்த அமைச்சை பெற்று எடுத்தேன்.
சட்டம் ஒழுங்கு அமைச்­சுக்கு என்னை ஐக்­கிய தேசியக் கட்சி பரிந்­துரை செய்­தாலும் அதனை வழங்­கு­வ­தற்கு சுதந்­திரக் கட்சி அமைச்­சர்கள் அன்றி ஜனா­தி­பதி மைத்­தி­ரி­பால சிறி­சே­னவே எதிர்ப்பு வெளி­யிட்டார்.
எவ்­வா­றா­யினும் சட்டம் ஒழுங்கு சரி­யான முறையில் பேணப்­பட வேண்டும். மிகுதி உள்ள இரு வரு­டங்­க­ளி­லா­வது ஊழல் மோச­டி­களில் ஈடுப்­பட்­ட­வர்­களை கைது செய்து சட்­டத்தை நிலை­நாட்ட வேண்டும்.
அத்­துடன் விஜ­ய­தாஸ ராஜ­ப­க்ஷ­விற்கு அமைச்சு பதவி வழங்­கி­யமை தகு­தி­யற்ற விட­ய­மா­ஞகும். என்­றாலும் நம்பி தரப்­பட்ட அமைச்சு பத­வியை பொறுப்­புடன் நிறை­வேற்ற வேண்டும். ஆகவே இனி­மே­லா­வது சரி­யான முறை­யிலும் நம்­பிக்­கை­யான முறை­யிலும் நடந்து கொள்ள வேண்டும்.
வன­ஜீ­வ­ராசி அமைச்சு எனக்கு ஒப்­ப­டைக்­கப்­பட்­டமை தொடர்பில் முன்னாள் ஜனா­தி­பதி மஹிந்த ராஜ­பக்ஷ என்னை அவ­ம­திக்கும் வகையில் ஊட­கங்­க­ளுக்கு கருத்து தெரி­வித்­துள்ளார்.
அவ­ருடன் நான் முன்பு பாது­காப்பு சபையில் ஒன்­றாக கலந்­து­ரை­யா­டலில் இருக்கும் போது பன்றி உட்பட பலவிதமான இறைச்சி வகைகளை சாப்பிடுவார்.
இந்நிலையில் தற்போது நான் வனஜீவராசிகள் அமைச்சை பொறுப்பேற்றமையினால் அவருக்கு நினைத்த மாதிரி இனிமேல் இறைச்சி சாப்பிட முடியாது. அந்த பயம் அவருக்கு உள்ளது என்றார்.