இந்த வாரம் கிரகங்களின் சஞ்சாரம் சூரியன் - விருச்சிக ராசி செவ்வாய் - கடக ராசி புதன் - விருச்சிக ராசி குரு - ரிஷப ராசி சுக்கிரன் - தனுசு ராசி சனி -கும்ப ராசி ராகு - மீன ராசி கேது - கன்னி ராசி "ஜோசியம் படுத்தும்பாடு.. ஒன்றல்ல, இரண்டல்ல 450 பசுக்களை வாங்கியதால் கடன்.. அப்ஸ்காண்டாகிய மெஸ் ஓனர்! 

 

" மேஷம் 

 

வீரத்தை அணிகலனாகக் கொண்ட செவ்வாயை அதிபதியாகப் பெற்றுள்ள மேஷ ராசி அன்பர்களே... நவக்கிரக நாயகர்களின் முதல்வரான சூரியன் 8 ஆம் வீட்டில் இருக்கிறார். வெளிநாட்டு பயணத்தின் மூலம் பல வெற்றிகளை அடைவீர்கள். முகம் திரிந்து போன நண்பர்கள் கூட மனம் திருந்தி மீண்டும் வருவார்கள். தங்க நகை சேர்க்கை உண்டாகும். சந்திரனின் நகர்வுகள் பொருளாதாரம் முன்னேற்றத்தை ஏற்படுத்தும். மிகவும் விருப்பப்பட்டு பிள்ளைகள் படிப்பில் கவனம் செலுத்துவார்கள். எதிர்பாராத பண வரவு கிடைக்கும். செவ்வாய் 4 ஆம் வீட்டில் இருக்கிறார். வேகமாக வாகனம் ஓட்டுவதை விட்டுவிடுங்கள். வேளா வேளைக்கு உணவு உண்ண கூட நேரம் கிடைக்காது. தேவையில்லாத காரியங்களில் தலையிட்டால் பண இழப்பு உண்டாகும். புதன் 8 ஆம் வீட்டில் இருக்கிறார். அரசு வேலைக்கு நீங்கள் செய்திருந்த விண்ணப்பம் பரிசீலிக்கப்பட்டு உரிய பதில் கிடைக்கும். குரு 2 ஆம் வீட்டில் இருக்கிறார். விருந்து நிகழ்ச்சிகளில் அதிகம் ஈடுபடுவீர்கள். தொழிலில் புதிய முதலீடுகளை செய்வீர்கள். சுக்கிரன் 9 ஆம் இடத்தில் அமர்ந்திருக்கிறார்.கடன் தொல்லை நீங்கும். பழைய கடன்களை வசூல் பண்ணுவதில் அக்கறை காட்டுவீர்கள். எதிர்பாராத வகையில் நண்பர்களிடம் மனம் வருத்தம் உண்டானாலும் அதை சரிப்படுத்திக் கொள்வீர்கள். மங்கல நிகழ்ச்சிகளுக்காக அதிகம் செலவு செய்வீர்கள். சனி 11 ஆம் வீட்டில் இருக்கிறார்.தனியார் துறை ஊழியர்கள் தன லாபம் பெறுவார்கள். ஏற்றுமதி இறக்குமதி தொழில் சிறப்பாக நடக்கும். ராகு 12 ஆம் வீட்டில் இருக்கிறார். உடன் இருக்கும் நண்பர்கள் உங்களின் மனக்கஷ்டத்தை துடைப்பார்கள். கேது 6 ஆம் வீட்டில் இருக்கிறார். கணவன் மனைவி உறவு ஓரளவிற்கு சுமூகமான நிலையில் இருக்கும்.

 

ரிஷபம்

 

 கலைநயம் மிளிரும் சுக்கிரனை அதிபதியாகக் கொண்ட ரிஷபராசி அன்பர்களே.... சூரிய பகவான் உங்கள் ராசிக்கு 7 ஆம் இடத்தில் இருக்கிறார். ஒரு காரியத்தை நீங்கள் செய்து முடிக்க நினைத்தால் அதில் ஏகப்பட்ட இடையூறுகள் உண்டாகும். ஆனால் அதே செயலை அடுத்தவர் மூலமாக முயன்று பாருங்கள் சிரமம் இல்லாமல் முடியும். தொழில்துறை ஏற்ற இறக்கமாக நடக்கும். சந்திரனின் இடப்பெயர்ச்சிகள் நன்மை தீமை கலந்த பலன்களை கொடுக்கும். கண் காது போன்ற இடங்களில் பிரச்சனை வராமல் பார்த்துக் கொள்ளுங்கள். வெளிவட்டாரங்களில் உங்களை போற்றி புகழ்வார்கள். ஆன்லைன் வர்த்தகங்களில் அதிக ஆர்வம் காட்ட வேண்டாம். செவ்வாய் 3 ஆம் இடத்தில் அமர்ந்திருக்கிறார். மேலதிகாரிகளின் கோபம் உங்களுக்கு மன சங்கடத்தை கொண்டு வரும். தகப்பனார் உடல் நிலையில் பாதிப்பு உண்டாகலாம். விபத்துக்கள் ஏற்பட வாய்ப்பு இருக்கிறது. புதன் 7 ஆம் இடத்தில் இருக்கிறார். நண்பர்கள் குணம் மாறி நடப்பார்கள். எக்காரணம் கொண்டும் தீய காரியங்களில் மனதை செலுத்தாதீர்கள். வெளியூர் பயணங்களால் சிறப்பான பலன் கிடைக்காது. குரு 1 ஆம் இடத்தில் இருக்கிறார். வியாபாரத்தில் புதிய எல்லையை எட்டுவீர்கள். எதிரிகள் பணிந்து நடப்பார்கள். செல்வமும் செல்வாக்கும் பெருகும். கணவன் மனைவி உறவு கலகலப்பாக இருக்கும். சுக்கிரன் 12 ஆம் வீட்டில் இருக்கிறார். உங்களின் உதவிக்காக பலர் காத்திருப்பார்கள். கடவுள் பக்தி அதிகரித்து குலதெய்வ வழிபாடு செய்வீர்கள். சனி 10 ஆம் இடத்தில் இருக்கிறார். திடீரென்று வெளிநாட்டு பயணம் மேற்கொள்வீர்கள். ராகு 11 ஆம் இடத்தில் இருக்கிறார் குலதெய்வ வழிபாடு செய்வீர்கள். கேது 5ஆம் இடத்தில் இருக்கிறார் பிள்ளைகள் படிப்புக்காக கடன் வாங்குவீர்கள். "

 

மிதுனம் 

 

எதிர்ப்புகளை புத்திசாலித்தனத்தால் முறியடிக்கும் புதனை அதிபதியாகக் கொண்ட மிதுன ராசி அன்பர்களே... சூரிய பகவான் உங்கள் ராசிக்கு 6 ஆம் இடத்தில் அமர்ந்திருக்கிறார். வரவுக்கு மேல் செலவுகள் அதிகரித்து பணத்தட்டுப்பாடு உண்டாகும். ஆனால் இறைவன் அனுக்கிரகத்தால் எப்படியாவது பணம் வந்து உங்களுக்கு நிம்மதியை ஏற்படுத்தும். வியாபாரத்தில் இருந்த சங்கடங்கள் விலகி நல்ல ஆதாயம் கிடைக்கும். சந்திரனின் இடப்பெயர்ச்சி தொழிலுக்கு ஏற்றமான பலனை தரும். செவ்வாய் 2 ஆம் இடத்தில் இருக்கிறார். விவசாயத் தொழிலில் அதிக அக்கறை காட்டுவீர்கள். வீடு மனை வாங்குவதற்கான வாய்ப்பு அதிகம் உள்ளது. குடும்பத்தில் குதூகலம் நிலவும். புதன் 6 ஆம் வீட்டில் இருக்கிறார். அரசாங்க வேலை பார்ப்பவர்கள் அற்புதமான பலனை பெறுவார்கள். நடக்குமா என்று நினைத்த காரியங்கள் தடையில்லாமல் நடந்து சந்தோஷத்தை கொடுக்கும். மன மகிழ்ச்சிக்காக அதிக பணம் செலவு செய்வீர்கள். குரு 12 ஆம் இடத்தில் இருக்கிறார். நீண்ட காலமாக தொந்தரவு செய்த நோய் அகலும். ஆன்லைன் வர்த்தகங்கள் சூடு பிடிக்கும். அரசாங்க உத்தியோகத்தில் பதவி உயர்வு கிடைக்கும். சுக்கிரன் 7 ஆம் இடத்தில் இருக்கிறார். புதிய சொத்துக்கள் வாங்குவீர்கள். உறவினர்களும் நண்பர்களும் மனதுக்கு இதமாக நடந்து கொள்வார்கள். இழுவையாய் இருந்த வழக்கில் உங்களுக்கு வெற்றி கிடைக்கும். சனி 9 ஆம் இடத்தில் இருக்கிறார். உங்களுக்கு சம்பந்தமில்லாத காரியத்தில் பட்டும் படாமலும் நடந்து கொள்ளுங்கள். அதுதான் குடும்பத்திற்கு நல்லது. ராகு 10 ஆம் இடத்தில் இருக்கிறார். பெரிய மனிதர்களின் சந்திப்பு நல்ல காரியம் நடக்கும். கேது 4 ஆம் வீட்டில் இருக்கிறார். வீட்டுமனை வாங்கி பத்திரம் போடுவீர்கள்.

 

 

கடகம் 

 

வளர்ச்சிகளை சீராக அள்ளித் தருகின்ற சந்திரனை அதிபதியாகக் கொண்ட கடக ராசி அன்பர்களே... சூரிய பகவான் உங்கள் ராசிக்கு 5 ஆம் இடத்தில் அமர்ந்து இருக்கிறார். குடும்பப் பொறுப்புகளை உணர்ந்து செயல்படுவீர்கள். பிள்ளைகளுக்கு தேவையான வசதிகளை செய்து கொடுப்பீர்கள். மனைவியின் மனம் கோணாமல் நடந்து கொள்வீர்கள். பக்குவமாக செயல்பட்டு வியாபாரத்தை விரிவுபடுத்துவீர்கள். சந்திரனின் இடப்பெயர்ச்சிகள் நன்றாக இருக்கிறது. புதிய முதலீடுகள் செய்வீர்கள். செவ்வாய் 1ஆம் இடத்தில் இருக்கிறார். ரியல் எஸ்டேட் தொழில் மூலம் அமோகமான லாபம் பார்ப்பீர்கள். மணல் வியாபாரம் சிறப்பாக கை கொடுக்கும். புதன் 5 ஆம் வீட்டில் இருக்கிறார். குடும்பத்தில் சுப காரியங்கள் திடீரென்று நடக்கும். அதற்கான செலவுகளை ஈடுகட்ட தடுமாற்றம் அடைவீர்கள். பெரியோர்கள் சந்திப்பு நடந்து தெய்வ வழிபாடுகள் செய்து வேண்டுதலை நிறைவேற்றிக் கொள்வீர்கள். குரு 11 ஆம் இடத்தில் இருக்கிறார். குடும்பத்தில் புதிய ஜீவன் உருவாகும். கணவன் மனைவி உறவு மகிழ்ச்சிகரமாக இருக்கும். கடன் தொல்லைகள் அகலும். மனக்கவலைகள் விலகும். சுக்கிரன் 6 ஆம் வீட்டில் இருக்கிறார். கூட்டுத் தொழில் செய்வதற்கான முன்னெடுப்புகளை செய்வீர்கள். சிலருக்கு திருமணம் கைகூடி வந்து இல்லற வாழ்க்கையில் அடியெடுத்து வைப்பார்கள். சனி 8 ஆம் இடத்தில் இருக்கிறார். கண்டதை சாப்பிட்டு வயிற்றை கெடுத்துக் கொள்ளாதீர்கள். அடுத்தவர் பொருளுக்கு ஆசைப்பட்டு பணத்தை இழக்காதீர்கள். ராகு 9ஆம் இடத்தில் இருக்கிறார். தந்தையாரிடமிருந்து தொழிலுக்கு தேவையான பணம் கிடைக்கும். கேது 3ஆம் இடத்தில் இருக்கிறார். சகோதர சகோதரிகளுக்கு பண உதவி செய்வீர்கள். 

 

சிம்மம் 

 

அரசரைப் போல் கோலோச்சும் ஆற்றல்மிக்க சூரியனை அதிபதியாகக் கொண்ட சிம்ம ராசி அன்பர்களே... உங்கள் ராசிநாதன் 4 ஆம் வீட்டில் இருக்கிறார். "தலைக்கு மேலே வெள்ளம் போனால் சாண் என்ன முழம் என்ன" என்ற மனநிலையில் தொழிலை நடத்துவீர்கள். கட்டிய மனைவியிடம் நல்ல விதமாக நடந்து கொள்ளவில்லை என்றால் பெட்டியை தூக்கிக்கொண்டு பிறந்த வீட்டிற்கு சென்று விடுவார். சந்திரனின் சஞ்சாரம் நல்ல பலன்களையே தரும். சிறு சிறு தொல்லைகள் இருந்தாலும் பொருளாதாரத்தில் முன்னேற்றம் காண்பீர்கள். ஆடல் பாடல் போன்ற விருப்பமான நிகழ்ச்சிகளில் மனம் ஈடுபட்டு இன்பமாக பொழுதை கழிப்பீர்கள்‌. செவ்வாய் 12 ஆம் வீட்டில் இருக்கிறார். கடிதங்கள் மூலமாக வெளியூரில் இருந்து நல்ல செய்தி கிடைக்கும். உங்களை கவிழ்க்க நினைத்த விரோதிகள் அதில் வெற்றி பெறாமல் கவலையில் ஆழ்ந்து போவார்கள். எதிர்பாராத வகையில் பொருள் வரவும் உண்டாகும். புதன் 4 ஆம் வீட்டில் இருக்கிறார். என்னதான் தைரியசாலியாக இருந்தாலும் மனதில் ஏதாவது ஒரு கவலை அரித்துக் கொண்டிருக்கும். பெற்றோர்களுக்காக மருத்துவச்செலவு செய்வீர்கள். குரு 10 ஆம் இடத்தில் இருக்கிறார். நல்ல நண்பர்களை பகைத்துக் கொள்ளாதீர்கள். உறவுகளில் உள்குத்து வேலை செய்யாதீர்கள். சுக்ரன் 5 ஆம் இடத்தில் இருக்கிறார். அரசாங்க அதிகாரிகள் ஆதரவுடன் நடந்து கொள்வார்கள். தனியார் துறை ஊழியர்கள் உழைப்புக்கேற்ற சன்மானம் பெறுவார்கள். சனி 7 ஆம் இடத்தில் இருக்கிறார். திருமணம் ஆகவில்லையே என்று கவலையில் கவிழ்ந்து படுத்து இருந்தவர்களுக்கு மண வாழ்க்கை அமைந்து மன மகிழ்ச்சி உண்டாகும். கேது 8ஆம் இடத்தில் இருக்கிறார். கணவன் மனைவிக்கிடையே கசப்புணர்வு தோன்றும். கேது 2 ஆம் இடத்தில் இருக்கிறார் கொடுத்து வாக்கை காப்பாற்ற சிரமப்படுவீர்கள்.

 

கன்னி 

 

அறிவுத் திறனை அள்ளித்தரும் புதனை அதிபதியாகக் கொண்ட கன்னி ராசி அன்பர்களே... சூரியன் உங்கள் ராசிக்கு 3 ஆம் இடத்தில் அமர்ந்திருக்கிறார். "சட்டி சுட்டதடா கை விட்டதடா புத்தி கெட்டதடா, நெஞ்சில் பட்டதடா" என்ற விட்டேத்தியான மனப்போக்கில் வாழ்க்கையை நகர்த்துவீர்கள். அனாவசியமான கோபங்களை அறவே ஒதுக்கி விடுங்கள் சந்திர பகவானின் இடமாற்றங்கள் எழுச்சியான பலன்களை கொண்டு வரும். பெரியோர்களின் பாராட்டும் மேலதிகாரிகளின் அணுக்கமான நட்பும் வியாபாரத்திற்கு பெரும் உதவியாக இருக்கும். செவ்வாய் 11 ஆம் இடத்தில் இருக்கிறார். புதிய வீடு கட்டி கிரகப்பிரவேசம் செய்வீர்கள். பொன்னும் பொருளும் சேர்ந்து குடும்பத்தில் மகிழ்ச்சியை உருவாக்கும். சிறிது ஆரோக்கிய கெடுதல் ஏற்பட்டாலும் உரிய நேரத்தில் மருத்துவர்களை அணுகி சரி செய்து கொள்ளுங்கள். புதன் 3 ஆம் இடத்தில் அமர்ந்திருக்கிறார். மனக்கட்டுப்பாடு மிகவும் முக்கியம். அரசாங்க வேலைகளில் அலட்சியம் காட்டாதீர்கள். தீய பெண்களின் நட்பை கைவிடுங்கள். இல்லை என்றால் அவமானத்தில் தலை குனிந்து நிற்க வேண்டி வரும். குரு 9 ஆம் இடத்தில் இருக்கிறார்‌. பந்தக்கால் நட்டு திருமண வைபவங்களை நடத்துவீர்கள். உறவினர்களும் நண்பர்களும் உங்களை பாராட்டி மகிழ்வார்கள். 4 ஆம் இடத்தில் நிற்கும் சுக்கிரன் காதலன் காதலிக்கிடையே கசப்புணர்வை உண்டாக்குவார். 6 ஆம் இடத்தில் இருக்கும் சனி வழக்குகளில் சிக்கலை கொண்டு வருவார். 7 ஆம் இடத்தில் இருக்கும் ராகு குடும்பத்தில் குழப்பத்தை ஏற்படுத்துவார். 1 ஆம் இடத்தில் இருக்கும் கேது வேலை காரணமாக வெளியூர் பயணங்கள் செல்ல வேண்டிய நிர்ப்பந்தத்தை ஏற்படுத்துவார். 15 ஆம் தேதி சந்திராஷ்டமம். கவனமாக காரியமாற்றுங்கள். 

 

துலாம் 

 

 

தர்ம அதர்மங்களுக்கு ஏற்ப பலன்தரும் சுக்கிரனை அதிபதியாகக் கொண்ட துலாம் ராசி அன்பர்களே... சூரியன் 2 ஆம் வீட்டில் அமர்ந்திருக்கிறார். திட்டம் போட்டு செலவுகள் செய்யவில்லை என்றால் பணத்தட்டுப்பாடு தலைக்கு மேல் தாண்டவம் ஆடும். மனைவி மக்கள் கூட உங்கள் மனநிலையைப் புரிந்து கொள்ளாமல் தொல்லை கொடுப்பார்கள். நியாயமான கருத்தாக இருந்தாலும் அதை நண்பர்களிடம் திணிக்காதீர்கள். அதனால் குண மாறுபாடு ஏற்பட்டு விரோதங்கள் உண்டாகலாம். சந்திர பகவானின் சஞ்சாரம் சில நன்மைகளைத் தரும். புதிய முயற்சிகளில் ஈடுபடாமல் இருப்பது நல்லது. வீண் கெட்ட பெயர் ஏற்படாமல் பார்த்துக் கொள்ளுங்கள். செவ்வாய் 10 ஆம் இடத்தில் இருக்கிறார். உயர்ந்த நிலையில் இருக்கும் நீங்கள் தாழ்ந்த நிலையில் இருக்கும் ஒருவரிடம் பணிந்து போக வேண்டிய சிக்கலான காலகட்டங்கள் உருவாகும். தெய்வபக்தியில் மனதை செலுத்துங்கள். புதன் 2 ஆம் வீட்டில் இருக்கிறார். வரவு எட்டணா செலவு பத்தணா என்ற நிலையில் கடன் வாங்கி கஷ்டப்பட வேண்டிய சூழ்நிலை உருவாகும். தொழிலை மேம்படுத்த நினைத்து தூக்கத்தை தொலைப்பீர்கள். குரு 8 ஆம் இடத்தில் இருக்கிறார். தொழிலுக்கு அரசாங்க தொல்லைகள் இடையூறாக இருக்கும். தேவையில்லாமல் உறவினரின் விரோதம் வீட்டில் அமைதியை கெடுக்கும். சுக்கிரன் 3 ஆம் இடத்தில் இருக்கிறார். சிலருக்கு திருமண பேச்சுகள் தடைபட்டு போகும். துணிவுடன் காரியம் செய்தால் ஓரளவு வெற்றி உண்டாகும். சனி 5 ஆம் வீட்டில் இருக்கிறார். தொழிலை எச்சரிக்கையுடன் செய்யுங்கள். தொழிலாளர்களின் பிரச்சனையால் தொல்லைகளை சந்திப்பீர்கள். ராகு 6 ஆம் இடத்தில் இருக்கிறார். திருமணப் பேச்சுவார்த்தையில் தடங்கள் உண்டாகி தடுமாற்றம் அடைவீர்கள். கேது 12 ஆம் இடத்தில் இருக்கிறார். குடும்பத்தில் ஏற்பட்ட குழப்பம் கொஞ்சம் கொஞ்சமாக மறையும். Advertisement 15,16,17 ஆம் தேதிகளில் சந்திராஷ்டமம். எச்சரிக்கையோடு செயல்படுங்கள்

 

 

விருச்சிகம் 

 

போர்க்குணம் கொண்ட பூமிகாரகனான செவ்வாயை அதிபதியாகக் கொண்ட விருச்சிக ராசி அன்பர்களே... சூரியன் 1 ஆம் வீட்டில் அமர்ந்திருக்கிறார். சிக்கனமாக நடந்து கொள்வீர்கள். செலவுகள் கட்டுக்குள் அடங்கி இருக்கும் வியாபாரத்தில் அதிரடியான நிகழ்ச்சிகளை நடத்துவீர்கள். ஆன்லைன் வர்த்தகங்கள் அனுகூலமாக இருக்கும். போட்டி பந்தயம் லாட்டரி முதலியவற்றில் வெற்றி பெறுவீர்கள். இருந்தாலும் எச்சரிக்கையுடன் நடந்து கொள்ள வேண்டும். சந்திரனின் இடப்பெயர்ச்சியும் சிறப்பாக இருக்கிறது. வெளிநாட்டிலிருந்து கடிதங்கள் மூலம் வியாபாரம் சம்பந்தப்பட்ட நல்ல செய்தி கிடைக்கும். மேலதிகாரிகளின் ஆதரவால் வேலை மாறுதலும் சம்பள உயர்வும் அரசாங்க ஊழியர்களுக்கு உண்டாகும். செவ்வாய் 9 ஆம் இடத்தில் இருக்கிறார். எதிரிகளின் பலம் அதிகரித்து உங்களுக்கு இடையூறு செய்ய நினைப்பார்கள். கணவன் மனைவி கூட எலியும் பூனையும் ஆக பட்டிமன்றம் நடத்துவார்கள். புதன் 1 ஆம் வீட்டில் இருக்கிறார். நீண்ட நாள் ஆசைப்பட்ட வாகனத்தை வாங்கி வீட்டில் நிறுத்துவீர்கள். சிலருக்கு அரசாங்க வேலை கிடைக்கும். குரு 7 ஆம் இடத்தில் இருக்கிறார். வீட்டில் மழலை செல்வம் தவழும். விவசாய நிலங்கள் வாங்குவீர்கள். வெளிநாட்டு பயணம் மேற்கொள்வீர்கள். சுக்ரன் 2 ஆம் வீட்டில் இருக்கிறார். மற்றவர்கள் செய்ய யோசிக்கின்ற காரியத்தில் கூட மன தைரியத்துடன் இறங்குவீர்கள். தொழில் துறையில் அதிக அக்கறை செலுத்தி மற்றவர்களை வியக்க வைப்பீர்கள். சனி 4 ஆம் இடத்தில் இருக்கிறார். தொழில் போட்டியாளர்களின் ஜம்பம் உங்களிடம் செல்லாது. பொருளாதார சேர்க்கையை அதிகரிப்பீர்கள். ராகு 5ஆம் இடத்தில் இருக்கிறார். குழந்தைகளுக்கு மருத்துவ செலவு செய்வீர்கள். கேது 11ஆம் இடத்தில் இருக்கிறார். வெளிநாட்டில் இருந்து நல்ல செய்தி தேடி வரும். 18,19 ஆம் தேதிகளில் சந்திராஷ்டமம். நிதானமாக நடந்து கொள்ளுங்கள்.

 

தனுசு

 

வினைப்பயனை அறுக்கின்ற வியாழ பகவானை அதிபதியாகக் கொண்ட தனுசு ராசி அன்பர்களே... சூரிய பகவான் உங்கள் ராசிக்கு 12 ஆம் இடத்தில் இருக்கிறார். பெற்றோர்களின் மனம் குளிரும்படி குடும்பத்தில் சுப காரியங்களை நடத்துவீர்கள். மேலதிகாரிகளின் அன்பை பெறுவது சற்று கடினம். சகோதரர் ஒருவரால் உங்களுக்கு பண செலவு ஏற்பட்டு தேவையில்லாத அலைச்சலும் உண்டாகும். சந்திரனின் இடமாற்றம் சங்கடங்களை நிவர்த்தி செய்யும். வியாபாரத்தில் இருந்த சிக்கல்கள் விலகும். கணவன் மனைவி உறவு மகிழ்ச்சியாக இருக்கும். செவ்வாய் 8 ஆம் இடத்தில் இருக்கிறார். எதிரிகளின் சூழ்ச்சியை முறியடிப்பீர்கள். வீடு கட்ட நிலம் வாங்குவீர்கள். ஆடை ஆபரணங்களை வாங்குவதில் ஆர்வம் காட்டுவீர்கள். புதன் 12 ஆம் இடத்தில் இருக்கிறார். குழந்தை பேறு உண்டாகி குடும்பத்தில் மகிழ்ச்சி தாண்டவம் ஆடும். கமிஷன் வியாபாரம் லாபம் கொழிக்கும். பங்குச்சந்தையில் நம்பி முதலீடு செய்யலாம். குரு 6 ஆம் வீட்டில் இருக்கிறார். குடும்பத்தில் நெருங்கிய உறவினரின் உடல்நிலை மோசமாகும். அதனால் உங்களுக்கும் மருத்துவச் செலவு உண்டாகலாம். சுக்கிரன் 1 ஆம் இடத்தில் இருக்கிறார். சமயத்துக்கு தகுந்தாற்போல் நடந்து விரோதிகளின் திட்டங்களை முறியடிப்பீர்கள். வியாபாரத்தில் வியூகம் அமைத்து வருமானத்தை பெருக்குவீர்கள். சனி 3 ஆம் வீட்டில் இருக்கிறார். கேட்ட இடத்தில் பணம் கிடைக்கும். தொழிலில் எதிர்பார்த்ததை விட அதிக லாபம் உண்டாகும். ராகு 4 ஆம் இடத்தில் இருக்கிறார். உறவினர்களுடன் இருந்த பிரச்சனையை சரி செய்து சுமூகமான நிலையை உருவாக்குவீர்கள். கேது 10 ஆம் இடத்தில் இருக்கிறார். அரசாங்கத்தில் புகழும் செல்வாக்கும் அதிகரிக்கும். தொழிலில் நல்ல முன்னேற்றம் அடைவீர்கள். 20,21 ஆம் தேதிகளில் சந்திராஷ்டமம். விழிப்போடு செயலாற்றுங்கள்.

 

மகரம்

 

 வியூகங்கள் மூலம் வெற்றிகளைக் காணும் மந்தனின் ஆதிக்கம் கொண்ட மகர ராசி அன்பர்களே.... சூரியன் 11 ஆம் இடத்தில் இருக்கிறார். புதிய நண்பர்கள் கிடைப்பார்கள். அவர்கள் மூலம் நன்மைகள் உண்டாகும். இருப்பினும் செலவுகள் அதிகரித்து மன நிம்மதி கெடும். தாயாரின் உடல் நிலையில் பாதிப்பு உண்டாக வாய்ப்புள்ளது. அக்கறையுடன் வேலை பார்த்தாலும் மேலதிகாரிகள் குற்றம் சொல்லி உங்களை காயப்படுத்துவார்கள். சந்திரனின் இடப்பெயர்ச்சி சாதகமாக இல்லை. சூதாட்டம் போன்ற காரியத்தில் இறங்காதீர்கள். செவ்வாய் 7 ஆம் வீட்டில் இருக்கிறார். வியாபாரம் சம்பந்தமாக வெளியூர் பயணங்கள் அதிகரிக்கும். அதனால் உடல்நல கேடு உண்டாகலாம். பிடிவாதத்தை கைவிட்டால் தேவையில்லாத சச்சரவுகள் அகலும். புதன் 11 ஆம் இடத்தில் இருக்கிறார். ஆவலோடு எதிர்பார்த்த பண உதவி கிடைக்காமல் தொழிலில் சுணக்கம் உண்டாகும். வியாபாரம் மந்தமாக நடக்கும். கையில் பணம் தங்காது. குரு 5 ஆம் இடத்தில் இருக்கிறார். மனைவி உங்கள் மனம் அறிந்து நடந்து கொள்வார். தொழிலை விரிவுபடுத்த அதிக முதலீடு செய்ய வேண்டாம். அடுத்தவர்களின் பேச்சைக் கேட்டு அகலக்கால் வைக்காதீர்கள். சுக்கிரன் 12 ஆம் இடத்தில் இருக்கிறார். நெருங்கிய நண்பரின் உதவியால் வியாபாரத்தில் இருந்த சிக்கலை விலக்குவீர்கள். சனி 2 ஆம் இடத்தில் அமர்ந்திருக்கிறார். கட்டுமான தொழில் கை கொடுக்காது. நில விற்பனையில் சரிவை சந்திப்பீர்கள். முன் யோசனையுடன் காரியம் செய்யாவிட்டால் கையிருப்பு கரைந்து போகலாம். ராகு மூன்று ஆம் வீட்டில் இருக்கிறார். சகோதரியின் திருமணத்தை முன் நின்று நடத்துவீர்கள். கேது 9 ஆம் இடத்தில் இருக்கிறார். தந்தையாரின் சொத்தில் உரிய பங்கை பெறுவீர்கள்.

 

கும்பம்

 

 சாணக்கியத்தனத்தால் சாதனை புரியும் சனிபகவானை அதிபதியாகக் கொண்ட கும்ப ராசி அன்பர்களே... சூரியன் 10 ஆம் வீட்டில் அமர்ந்திருக்கிறார். வியாபாரத்தை எப்படி நடத்தப் போகிறோம் என்ற கவலை மனதை விட்டு அகலும். தொழிலில் எதிர்பார்த்த அளவு இல்லாவிட்டாலும் சிறிது முன்னேற்றம் உண்டாகும். குடோனில் இருக்கும் பொருள்கள் மீது அதிக கவனமாக இருங்கள். வெளியூர் செல்லும்போது வீட்டை நன்றாக பூட்டி விட்டு செல்லுங்கள். அதிகப்படியான நகைகளையோ ரொக்கமாக பணத்தையோ வீட்டில் வைக்க வேண்டாம். சந்திரனின் சஞ்சாரமும் சின்ன சின்ன பிரச்சனைகளை உண்டு பண்ணும். கணவன் மனைவி உறவு மட்டும் மகிழ்ச்சியாக இருக்கும். செவ்வாய் 6 ஆம் இடத்தில் இருக்கிறார். கவனத்தை சிதறவிடாமல் பணியிடத்தில் வேலை செய்யுங்கள். மேலதிகாரிகள் கழுகு போல் பார்த்துக் கொண்டிருப்பார்கள். புதன் 10 ஆம் இடத்தில் இருக்கிறார். ஆன்லைன் வர்த்தகங்கள் சில சாதகங்களை ஏற்படுத்தும். பெண்கள் மூலமாக பொருள் வரவு உண்டாகும். குரு 4 ஆம் இடத்தில் இருக்கிறார். குடும்பத்துடன் ஆலய தரிசனம் செய்ய செல்வீர்கள். சுக்ரன் 11 ஆம் இடத்தில் இருக்கிறார். உறவினர்களிடம் சற்று எச்சரிக்கையாக இருங்கள். நண்பர்கள் உதவி கண்டிப்பாக கிடைக்கும். சனி 1 ஆம் வீட்டில் இருக்கிறார். வெளியூர் பயணங்களை கூடிய மட்டும் தவிர்ப்பது நல்லது. ராகு 2 ஆம் இடத்தில் இருக்கிறார். திட்டமிட்டு செயல்படுங்கள். பணத்தட்டுப்பாட்டில் சிக்கிக் கொள்ளாதீர்கள். வெளியூரில் இருந்து வரவேண்டிய முக்கியமான செய்தி தாமதமாகும். கேது 8 ஆம் இடத்தில் இருக்கிறார். அரசு ஊழியர்களுக்கு மேலதிகாரியின் ஆதரவு கிடைக்கும். ஊதிய உயர்வு உண்டாகும். 

 

மீனம் 

 

பார்வையால் பலன்களை அள்ளித்தரும் குரு பகவானை அதிபதியாகக் கொண்ட மீனராசி அன்பர்களே.... சூரியன் 9 ஆம் வீட்டில் அமர்ந்திருக்கிறார். வீட்டுப் பெண்களின் நச்சரிப்பால் நகை வாங்குவீர்கள். அதனால் கண்ட இடத்தில் கடனும் வாங்குவீர்கள். தெய்வபக்தியில் மனதை செலுத்தி தைரியமாக செயல்பட வேண்டிய வாரம். வீண் தொல்லைகள் வந்து வந்து அகலும். உறவுகள் விஷயத்தில் கோபத்தை விலக்கி விட்டு அனுசரணையாக நடந்து கொள்ளுங்கள். சந்திரனின் இடப்பெயர்ச்சி தொழிலுக்கு சாதகமாக உள்ளது. வியாபாரம் வெற்றிகரமாக நடக்கும். நில விற்பனையில் நல்ல லாபம் பார்ப்பீர்கள். செவ்வாய் 5 ஆம் இடத்தில் இருக்கிறார். உடல் ஆரோக்கியம் சம்பந்தப்பட்ட அச்சம் விலகும். விரும்பிய நண்பர்களுடனும் நெருங்கிய உறவினர்களுடனும் விருந்து நிகழ்ச்சியில் கலந்து கொள்வீர்கள். அரசாங்க ஒப்பந்தங்கள் உங்களை முன்னேற்ற பாதையில் இட்டுச் செல்லும். புதன் 9 ஆம் இடத்தில் இருக்கிறார். துணிச்சலுடன் தொழிலில் முதலீடுகளை அதிகரிப்பீர்கள். சிறு, பெரு வியாபாரிகள் சிறப்பான லாபம் பெறுவார்கள். போட்டி பந்தயங்களில் உங்களுக்கு நல்ல பலன் கிடைக்கும். தீய எண்ணங்கள் ஆகவே ஆகாது. அதனால் அவமானங்களை சந்திப்பீர்கள். குரு 3 ஆம் இடத்தில் அமர்ந்திருக்கிறார். வேலை மாற்றத்தால் வெளியூர் செல்வீர்கள். திடீரென்று மருத்துவமனை செல்ல வேண்டிய சூழ்நிலை உருவாகும். சுக்கிரன் 10 ஆம் வீட்டில் இருக்கிறார். கூட்டு தொழில் அதிக நன்மையை தரும். அதற்கான வாய்ப்புகள் வீடு தேடி வரும். சனி 12 ஆம் இடத்தில் இருக்கிறார். இவர்களால் ஏதேனும் சிக்கல் வருமோ என்று சந்தேகப்பட்ட நபர்கள் மூலமாக நல்லதே நடக்கும். ராகு 1 ஆம் இடத்தில் இருக்கிறார். தடைபட்ட திருமணத்தை நடத்த பாடுபடுவீர்கள். சேது 7 ஆம் இடத்தில் இருக்கிறார். மனக்கசப்பால் காதலன் காதலி இடையே பிரிவு உண்டாகும்.