.

நுகர்பொருள் முதல் சேவைகள் வரை அனைத்து பிரிவிலும் சிங்கப்பூரில் விலை உயர்ந்ததை தொடர்ந்து அந்த நகரம் அதிக செலவு மிக்க நகரமாக மாறியுள்ளதாக வல்லுனர்கள் தெரிவிக்கின்றனர்.

..

உலகிலேயே அதிக செலவை ஏற்படுத்தும் 2 நகரங்கள் குறித்து இந்த பதிவில் பார்க்கலாம். அந்த நகரங்கள் அமெரிக்காவில் இல்லை என்பது கவனிக்கத்தக்கது. செலவு என்பது மக்கள் வாழும் ஒவ்வொரு இடங்களுக்கு ஏற்ப மாறுபடும். கிராமப்புறங்களில் ஆகும் செலவை காட்டிலும் நகரங்களில் வாழும் மக்களுக்கு அதிக செலவுகள் இருக்கும்.

 

அதேபோன்று சென்னை போன்ற பெரு நகரங்களை காட்டிலும் வெளிநாட்டு நகரங்களில் பொருட்கள், வாடகை, உணவு உள்ளிட்டவை அதிக செலவை ஏற்படுத்தும். அந்த வகையில் சிங்கப்பூர் மற்றும் ஸ்விட்சர்லாந்து நாட்டின் ஜூரிச் ஆகிய  2 நகரங்கள் தான் உலகிலேயே அதிக செலவு மிக்க நகரங்கள் என்று ஆய்வில் தெரியவந்துள்ளது.

.

 

இதற்கு அடுத்தடுத்த இடங்களில் சுவிட்சர்லாந்தின் ஜெனிவா, அமெரிக்காவின் நியூயார்க், மற்றும் சீனாவின் கட்டுப்பாட்டில் இருக்கும் ஹாங்காங் நகரங்கள் வருகின்றன. இந்த ஆய்வு அறிக்கையை எகனாமிக் இன்டெலிஜென்ஸ் யூனிட் என்ற அமைப்பு வெளியிட்டுள்ளது.

 

இந்த நகரங்களில் சராசரியாக ஆண்டு ஒன்றுக்கு 7.4 சதவீதம் அளவு பொருட்கள் மற்றும் சேவைகளின் விலை அதிகரிக்கிறது. இந்த ஆய்வறிக்கையை கடந்த 11 ஆண்டுகளாக எகனாமிக் இன்டெலிஜென்ஸ் யூனிட் அமைப்பு வெளியிட்டு வருகிறது. இதில் 9 முறை அதிக செலவு மிக்க நகரம் என்ற பிரிவில் சிங்கப்பூர் நகரம் முதலிடத்தை பிடித்துள்ளது.

.

நுகர்பொருள் முதல், சேவைகள் வரை அனைத்து பிரிவிலும் சிங்கப்பூரில் விலை உயர்ந்ததை தொடர்ந்து அந்த நகரம் அதிக செலவு மிக்க நகரமாக மாறியுள்ளதாக வல்லுனர்கள் தெரிவிக்கின்றனர். அரசு விதித்துள்ள கடும் கட்டுப்பாடுகள் காரணமாக உலகிலேயே போக்குவரத்து செலவு சிங்கப்பூரில்தான் மிக அதிகமாக உள்ளது. இதேபோன்று மதுபானங்கள், துணிகள், மளிகைப் பொருட்களின் விலையும் மற்ற நகரங்களுடன் ஒப்பிடும்போது சிங்கப்பூரில் மிக அதிகம்.

.

சுவிட்சர்லாந்து நாட்டின் ஜூரிச் நகரில் மளிகைப் பொருட்கள், வீட்டு கட்டுமான பொருட்களின் விலை உச்சத்தை தொட்டுள்ளன. மற்ற நகரங்களுடன் ஒப்பிடும் போது ஆசிய நகரங்களில் விலைவாசி உயர்வு கட்டுப்பாட்டில் இருப்பதாக தகவல்கள் தெரிவிக்கின்றன.