.

 

எலும்பு ஆரோக்கியம் என்று சொன்னாலே அதற்கு கால்சியம் முக்கியம் என்பது நமக்குத் தெரியும். அதனாலேயே சிறுவயது முதல் குழந்தைகளுக்கு கால்சியம் நிறைந்த பால் நிறைய கொடுப்பார்கள். ஆனால் கால்சியம் மட்டுமே எலும்புகளின் ஆரோக்கியத்துக்கு போதுமதனதல்ல. அதைத்தாண்டி சில ஊட்டச்சத்துக்களும் அவசியம். அவற்றை சப்ளிமெண்ட்டுகளாகவும் எடுத்துக் கொள்ளலாம். அந்த சப்ளிமெண்ட்டுகள் என்னென்ன என்று பார்க்கலாமா? வாங்க...

.

ஊட்டச்சத்துக்கள் ஒவ்வொன்றும் நம்முடைய உடலின் இயக்கத்துக்கும் செயல்பாடுகளுக்கும் மிக அவசியம். ஆனால் நம்முடைய உடலுக்குத் தேவையான ஊட்டச்சத்துக்கள் அனைத்தையுமே நம்மால் உணவால் பெற முடிவதில்லை. அதற்காக தான் அவற்றை நிறைவு செய்ய சப்ளிமெண்ட்டுகளை எடுத்துக் கொள்கிறோம். அந்தவகையில் எலும்புகளின் ஆரோக்கியத்தை மேம்படுத்த கீழ்வரும் சப்ளிமெண்ட்டுகளை எடுத்துக் கொள்ளலாம்.

.

 

வைட்டமின் கே ரத்தம் உறைதலைத் தடுப்பது மட்டுமின்றி எலும்புகளின் ஆரோக்கியத்தையும் மேம்படுத்த உதவி செய்யும்.

 

நாம் உண்ணும் உணவுகளில் உள்ள கால்சியம் மற்றும் கால்சியம் சப்ளிமெண்ட்டை சரியாக நம்முடைய உடலில் சேரும் வேலையைச் செய்கிறது. இதனால் கால்சியம் சரியான அளவில் உடலுக்குக் கிடைக்கச் செய்து எலும்புகளின் ஆரோக்கியத்தை மேம்படுத்தச் செய்கிறது.

 

.

 

போரான் சப்ளிமெண்ட்டின் முக்கியத்துவம் பற்றி பலரும் கேள்விப்பட்டிருக்க மாட்டோம். ஆனால் போரான் பெண்களுக்கு அதிகமாகத் தேவைப்படும் ஊட்டச்சத்துக்களில் ஒன்று.

 

பெண்களுக்கு வயதாக வயதாக இயற்கையாகவே எலும்புகள் தேய்மானம் உண்டாகும். அதை தடுக்க இந்த போரான் சப்ளிமெண்ட் உதவி செய்யும்.

 

போரான் சப்ளிமெண்ட்டுகள் எடுத்துக் கொள்வதால் எலும்புகளின் அடர்த்தியை பாதுகாக்கச் செய்யும்.

.

ஜிங்க் நம்முடைய உடலுக்குத் தேவையான மிக முக்கியமான மினரலாகும். பெரும்பாலும் அசைவ உணவுகளில் தான் இந்த ஜிங்க் அதிகமாக இருக்கும். அதனாலேயே எல்லோரும் போதிய அளவு ஜிங்க் எடுத்துக் கொள்ள முடியாமல் போகலாம்.

 

ஜிங்க் எலும்பு ஆரோக்கியத்துக்கு மிக முக்கியமான ஊட்டச்சத்து. இந்த ஜிங்க்கை சப்ளிமெண்ட்டாக எடுத்துக் கொள்ளும்போது எலும்புகளில் ஏற்படும் சேதத்தைக் குறைத்து எலும்புகளின் வளர்ச்சியை அதிகரிக்கச் செய்யும்.

.

 

மக்னீசியம் உடலில் கொலாஜனை உற்பத்தி செய்ய உதவும். இந்த கொலாஜன் உற்பத்தி எலும்பு ஆரோக்கியத்துக்கு மிக நல்லது. இந்த கொலாஜன் எலும்புகளின் சரியான வடிவமைப்புக்கு அவசியமானது.